المساعدين الساكس للفيكترا b حلوين ولا تعبانين ولو جبتهم يشغلونى قد ايه لو مع محافظه جامده .... ًوسعرهم كام ؟ وصناعتهم ايه ؟
عرض للطباعة
المساعدين الساكس للفيكترا b حلوين ولا تعبانين ولو جبتهم يشغلونى قد ايه لو مع محافظه جامده .... ًوسعرهم كام ؟ وصناعتهم ايه ؟
اعتقد صناعتهم دلوقتى جنوب افريقى
والاعتماديه عامله ايه علما بان المساعدين اللى طالعين من العربيه اصلى gm بس مختومين ساكس
هات استيراد احسن .. بس فكهم من نص نضيف
استيراد جي ام احسن حاجه وممكن يعدوا معاك 4 سنين
جبت الاستيراد وفكتهم من نص وجربتهم بعد مافكتهم وطلعوا تمام وبعد ماركبتهم أسبوع بالظبط ورجعوا خبطوا تانى فى المطبات الرفيعه ..... فالصنايعى بيقولى هات ساكس حلوين ومضمونين وانا شغال منهم وانت مشيك حلو وهيستحملوا معاك ....؟ كده يبقى العمل ايه
هيثم باشا
انت رد عليك اتنين عتاوله قالوا استيراد:36_1_1[1]:
عن نفسى جبت اتنين خلفى استيراد هركبهم وقت تغيير العفشة
واحد صاحبى معاة فيكترا a فضل تلات ايام يجيب فى استيراد من على نص و من على الحيطة و يرجعهم لحد ما جاب جوز نضيف :argue2:
و واحد صاحبى تانى معاة فيكترا b نزل جاب و ركب فى نفس اليوم و زى الفل :36_1_1[1]:
انا قصدى ان الاستيراد لازم من حد مضمون و الحاجة على تجربة و تكون هادى
لو انت عايز تريح دماغك من اللف و كدة ممكن تجيبهم جديد بس مش هيبقوا بكفاءة الاصلى
و انت بتقول انت مشيك كويس فاعتقد الاختيارين متحاين قدامك
معلش ياجماعه وخصوصا الاستاذ dice وحبيبى اللى عمرى ماشوفته ولا كلمته الاستاذ فادى محمد ......! ياجماعه انا مسير غير مخير يعنى انا بينى وبين محلات قطع الغيار وبتوع الاستيراد حوالي ٧٠ كيلو واكتر فبمجرد انى بحل العربيه ماببقاش مخير ده انا بدوخ السبع دوخات فادعولنا وبلاش تقطموا فينا ياجدعان الا انا بحقد عليكم من صميم قلبى :argue2: هههههههههههههه وربنا يخليكم لينا يارب وشكرا
يا باشا ربنا يوفقك للى فيه الصالح :)
خلى بالك التخبيط غالبا بيكون من البطاحه مش من المساعد