الموضوع: صديقي المواطن هل الموتوسيكل ده لسه موجود الصيني

المشاركة الأصلية كتبت بواسطة mk3

لا انت فهمت غلط
هو هيشترى كاش ويقسطه للبوهيجى

صديقي المواطن
شكرا وكلامك مظبوط أنا بشتري العربيات بس قسط وأنا الموتوسيكل ده لما أديه لفني الرش بالقسط حيبقه مجبر يدور على طرق يسد بيها زي ممكن يصطادلي عربيتين تلاتة بالقسط وأنا بديه عن كل عربية يصيدها 750 جنيه وغير كده هو الوحيد في جمهورية مصر العربية أنا معلمه سر الخلطة الذهب واﻷلماز والجواهر وعربية مش تعجبني نعيدها 10 مرات مش مشكلة ومحلفه عالمصحف ميطلعش أسرار خلطاتي بره وهو حيبيع مكنته ب 2000 وحيديني الفلوس وأنا أكمل من عندي وأجيبله واحد وحنزل الوكالة أول الشهر لكن أنا آخر مرة نزلت الوكالة ملمحتوش ولمحت أشكال تانية ولو ب 8 آلاف ممتاز سمعت ناس بتقول عدى ال 10 ونص
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

المشاركة الأصلية كتبت بواسطة fares_311

السلام عليكم

بصراحة أنا معنديش فكرة أوي بس دورتلك على النت على أي معلومة ممكن تفيدك لحد ما ييجي حد عارف طلبك.

سعرالموتسيكل الهارلي الصيني ال250 سي سي هو : 8000 جنية مصرى وأظن اسمه رود كينج أو هامرز 200



والمستعمل منه بيكون في حدود 4500 جنيه لو قدرت تقنع صاحبه انك تشتريه قسط

صديقي المواطن
شكرا لجهودك الجميلة هو ده تقريبا بنسبة 90% والتاني بيكون الفانوس اﻷمامي طويل جدا وبيسموه الفانوس الشمامة ولو ب 8 آلاف فعلا يبقه ممتاز ﻷن ده آخري فيه ده الواحد جايبه ويا عالم فلوسه حترجعله ولا حتروح أنا بس مصيبتي معرفش أقول لحد ﻷ ومنتظرين برضو رأي اﻷخوة المتابعين لحركة سوق الصيني
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

المشاركة الأصلية كتبت بواسطة adel.nasr

خد الخلاصه
1- حلاوه كينج2 150 سي سي
2-دايون 7 150 سي سي
3-هوجان 7 150 سي سي
اغلاهم الحلاوه كينج تقريبا 6500

صديقي المواطن
مشاركتك أسعدتني وخففت من توقعاتي لو ب 6500 يبقه قمة البلاش والعظمة بس هل حضرتك متأكد إن ال 3 أنواع دول كلهم من الموتوسيكل المقصود شبيه الهارلي ﻷن أنا أعرف دايون 6 أبو فانوس مثلث شبيه الريس بس مش ريس
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال