-
عايز اخد رأيكوا فى حاجة
السلام عليكم
الموضوع ده ملوش علاقة بالعربيات علشان محدش يقول ضيعت وقتى
الموضوع انى فاتح محل قطع غيار كورى فى حلوان بس الحالة نايمه ومش اى نوم لأ تقريبا مقتولة
المهم واحد صاحبى قالى صفى و اشتغل فى نوع واحد المهم دورت لاقيت ان مفيش غير واحد بس بتاع اوبل فقلت تمام
دلوقتى انتوا رأيكم ايه امشى فى الموضوع ده ولا لأ ؟ و لو كويس مين ممكن يدينى بسعر الجملة و تكون بضاعتة كويسة مش مضروبة ؟
معلش طولت عليكم وشكرا
-
وعليكم السلام ورحمه الله وبركاته
الكوري اكسب كتير من الاوبل
الكوري مستهلك مش معمر زي الاوبل
دايما في تغيير . اكتر حاجه بتمشي فيه
اللانوس والفيرنا .
- لو استقريت علي اوبل ..
امريكان ستارز ( عبد اللطيف اخوان)
بينزلوا جمله عند محل عندي في دمياط.
استني راي الرجاله
ربنا يوفقك للاحسن , تقبل تحياتي
-
انت شايف فى منطقتك فى عربيات اوبل كتير يبقى نفكر فى الموضوع .. لان المنطقه عندك هى اللى هاتشغلك فى الاول
مع ان رأيى تشتغل فى إكسسوارات السيارات ويبقى عندك قطع غيار كورى زى ما قال فادى
الإكسسوار فيه مكسب كبير اكتر من قطغ الغيار
-
اولا شكرا على اهتمامكم بس مش لاقى حد اكلمة
المهم اللى خلانى افكر فى كدة ان اى حد من طرة البلد لحد حلوان لو عايز حاجة للاوبل بينزل عند الراجل الى فى حلوان
لكن بالنسبة للكورى فى يجى 100 واحد اقل تقدير
نمرة اتنين فى عربيات كتير اوبل فى حلوان يا هشام باشا فمش عارف فى نفس الوقت خايف لالموضوع يفشل لانه مش هينفع يفشل
-
واية المانع تزود مكانك بمنتجات اوبل بجانب الكوري
-
شوف الصنايعيه في منطقتك شغالين أكتر في موديلات إيه واشتغل فيهم
لإن ممكن يكون فيه عربيات كتير من موديل معين وليكن "أوبل" مثلاً بس بيصلحوا عند صنايعيه في حتت تانيه ف مش هيحتاج يشتري من عندك
-
وجهة نظر تانية
لما الكوري حاله مقتوله فما بالك بالألماني !
اظن انك محتاج تدرس منطقتك كويس وتشوف ايه النشاط المناسب اللي ممكن تشتغل فيه
-
Content Relevant URLs by
vBSEO 3.6.0 PL2