كلاكيت تانى مرة فرش جلد لارضية 301
السلام عليكم جميعا
اولا احب اشكر الاخ عمرو السقا اللى بتقريرة عن فرش الارضية الجلد خلانى مش على بعضى ومتضايق من الفرش اللى انا ركبته طبعا الله يبارك له ويبعد عنه شر العين انا مكدبتش خبر و رحت النهاردة لجينز كار قلتلهم يا جماعة ياريت تحولوا تزبطوا فرش الارضية احلى من كدة شوية وجم بصوا على العربيه وقالولى انت استلمت ازاى الشغل كدة قلتلهم الصراحة انا استلمت بالليل وحتى الاخ اللى كان شغال فيها كان شغال على نور الموبايل وحظ اللى ركبلى فرش الارضية انه كان اجازة وقالو هو غلطان وانت كمان غلطان ان انت استلمت العربية بالوضع دة
المهم قالولى انت فاضى دلوقت قلتلهم ايوا فكلموا العمال علشان يفكوا ويعملوه من اول وجديد وفعلا شالوا فرش الارضية القديم بالكامل وفصلوا جديد
انا حبيت اوضح بس لان الناس محترمين جدا جدا لابعد الحدود وقاعدوا كلهم يعتذروا ليا حتى العمال واللى عاوز يروح لجينز كار يروح وقلبه جامد ويفضل مع العربيه ميسبهاش ويعمل حسابه انه يوم هيضيع وخلاص لانه لازم تشوف كل حاجة وهى بتتفك وتتركب والله الناس مكنتش عارفة تراضينى ازاى لدرجة انهم ادونى هدايا تانى والصراحة هما عملوا زى فرش الاخ عمرو السقا بدرجة كبيرة واخدوا فى الفك والتفصيل والتركيب 4 ساعات ونص انا حبيت انقل لكم الصورة ﻷن الناس تستاهل كل خير وبالتوفيق للجميع
شكر خاص جدا لصاحب الموضوع
انا يا جماعة بس احب اشكر استاذ احمد صاحب الموضوع على ذوقه ووقوفه جنبى علشان انا كنت رايح اعمل فرش ارضية للعربية عند جينزكار بس كنت عايز اشوف شغلهم الاول قبل ماجربه وبصراحه ا/احمد مشكورا بعتلى رقمه على الخاص وكان خارج القاهرة وبمجرد رجوعه هو اللى اتصل بيا فى نفس اليوم اللى رجع فيه ورتبنا ميعاد و قابلته وشوفت الفرش والراجل ذوق جدا وبالمناسبة الفرش شكله بعد التعديل زى الفرش اللى عامله ا/عمرو السقا
