يا جماعة انا مش لا قي و لا محل اكسسوارت و كماليات عدل في 6 اكتوبر لو حد يعرف محلات من دي يا ريت يفيدنا
عرض للطباعة
يا جماعة انا مش لا قي و لا محل اكسسوارت و كماليات عدل في 6 اكتوبر لو حد يعرف محلات من دي يا ريت يفيدنا
هتلاقى فى الحى السابع كتير بس برضوا مش بحب اتعامل معاهم خالص بصراحه
احد الاصدقاء شكر لي في جروب اكسسوارات وقطع غيار لمحل لقيته ع الفيس بوك في 6 اكتوبر ومش اتعاملت معاه لسه
هو عنوانه مجمع المجد , بجوار مبنى ج مجمع علي الدين, ميدان ليله القدر - 6 أكتوبر
الجروب اسمه المهندس لقطع غيار وكماليات السيارات بمدينه 6 أكتوبر
للاسف فى اكتوبر مفيش حد كويس .. واللى تلاقي فيه الرمق يديلك اسعار بنت ستين عمرو اديب
انا نفسي الاقي حد بيفهم يعدلي الفوانيس .. الوحيد اللى حسيته هيفهم انا بقول ايه كان الكينج اللى فى الاردنية على الناصية الاخيرة للمول .. لكن اداني سعر مسمعتهوش عند حد قبل كده
سمعت ان جو هيفتح فى اكتوبر Go Accessories بس لسه معرفش فين ولا هيبقى اسمه ايه
لما نشوف
محل Turbo يا باشا انا بتعامل معاه و شغلو نضيييييييف اوووى فى الاردنية
في ال 11 في سنتر الوجيه في واحد بتاع كماليا وخاصه اجهزة الصوت اسمه 4 system صنايعيه بجد واسعارهم حلوه
متابع
انا اتعاملت مع تربو ..لكن ملقتش عندهم فرش تفصيل زي جينز كار وجودته ..انا لقيت عندهم GPS+Camera+DVD+Radio ب 2500 ج ...ده الحاجة اللي لفتت نظري..حتى الانذار Spy2way ملقتهوش عندهم ..عملت عندهم انذار اللي بيفتح زي مطواه وركبت وحدات رفع وفاصل الدوارة...لكن الانذار فصل من يومين ورحتلهم لقى كبل الباور فاصل ..قالي من المطبات يعني عيب تركيب ومفروض ميقطعش مهما كان المطب..صاحبة واحد سوري تقريبا ..مش كده
فى محل محترم جدا فى مول الاردنيه ش امام نادى 6 اكتوبر صاحب المحل اسمه المهندس احمد شاهين بجد الراجل ده محترم جدا و بيجيب حاجات محترمه جدا اسم المحل The King