الكورولا الجديدة عاملة نفسية جامدة جدا من العربيات اللي ماشية في الشارع كل العربيات بتبص عليها و عايزة تاكل منها حتة مش عارف ليه رغم ان الواحد ماشي في حاله ايه رايكوا يا جماعة غندكوا الاحساس ده برضه
عرض للطباعة
الكورولا الجديدة عاملة نفسية جامدة جدا من العربيات اللي ماشية في الشارع كل العربيات بتبص عليها و عايزة تاكل منها حتة مش عارف ليه رغم ان الواحد ماشي في حاله ايه رايكوا يا جماعة غندكوا الاحساس ده برضه
اول ما جبت العربية التعليقات كالاتى
1. اوبااااااا كورولا 2014 يابنى المفترية
2. كنت ماشى بيها ف بلدنا السنبلاوين بلد ام كلثوم ف المنصورة كل الى شافها قال حرام عربية زى دى تمشى بيها هنا
3. بعد ما ركبت شارك واريل ديكور كدة واحد حبيبى قالى اية دة .. بعدها العربية اتخبطت ف الرفرف
4. اخر تعليق كان شايف ياض العربية دة فوانيسها زى البى ام بصراحة قلبى وقع للفانوس يجرالوا حاجة وانا مش معايا خالص اجيب فانوس لو لقدر الله حصل حاجة
متقلقش دة انت ياما هتشوف وتسمع
وكمان نور الليد الصبح تلاقى ام لا اله الا الله ترعشلك نور وتشاورلك اطفى النور ههه
الله المستعان
فالله خير حافظا وهو ارحم الراحمين
ومين قالها تبقى حلوه علشان العربيات تعاكسها وتبص عليها .........
ربنا يحرسهالكم ويحميها من العين
ويديكم خيرها ويكفيكم شرها
عربية فخمة وعليها العين
عربية ممتازة
بس مش عارف ليه الناس مقلقة منها وكل مكلم حد يقولي (تركي)
هل التجميع التركي ماثر علي اي حاجا في العربية
زي المتريال بتاعت التابلوه والزراير والخامات الداخلية
انا فعلا ببص عليها بس مش من حلاوتها
ببص عشان مش راكبه على بعضها لا وش ولا ضهر .. عربيات كتير اشيك منها 100 مره :) .. وبنفس الفئة السعريه ..
ارجو محدش يزعل .. مجرد رأى
تقبلوا تحياتى
امال لو معاك السيراتو الجديده اعلي فئه الي هيه اجمل من الكورولا هتعمل ايه