الموضوع: ازاى تكتشف بنفسك ايموبليزر بيجو 301

المشاركة الأصلية كتبت بواسطة goldfinger2

السلام عليكم
نظرا لوجود ناس بتشكك ان ال301 فيها ايموبليزر ،

فى تجربة بسيطة جدا ممكن نعملها وهاتتاكد ان فيها ايموبليزر ،بس قبل كدة هوضح باختصار يعنى ايه ايموبليزر
ده مثال بسيط للى موجود فى العربية

نيجى للتجربة :
ادخل عربيتك واتاكد ان الزجاج مغلق ومفيش صوت دوشة حواليك ، ومن ساعة ماتدخل العربية اتاكد ان المفتاح بتاعك بعيد عن الكونتاك ،
انظر فوق الفتحة بتاعة المفتاح ،هتلاقة خرم صغير ده المستقبل اللى بيقرا الشفرة
استعد لتقريب جسم المفتاح البلاستيك من الفتحة الى فوق مدخل المفتاح واسمع صوت طرمبة البنزين بتدور لتستعد لتدوير السيارة ،
لو مسمعتهاش ابعد المفتاح تانى وانتظر حوالى 10 ثوانى وقربه تانى واسمع ،
السبب : ان ال chip اللى موجودة فى المفتاح ليها كود خاص بالعربية وبمجرد تقريب المفتاح من الكونتاكت ،السيارة تقرا الكود ،زى باب غرفة الفندق بتقرب الكارت، الباب بيقرا الكود اللى على الكارت ولو صح بيفتح

جربوا ياجماعة وقولولى ايه رايكوا،
حتى يصمت الفتايين

فعلاً الطرمبة بتحضر البنزين أول ما بتدخل المفتاح في الكونتاك,
أو حتي بتلمس المفتاح في الكونتاك من غير ما تدخله,,

وفيه طريقة تانية زي فك المفتاح وتشوف ال chip
وطريقة تالتة زي عمل مفتاح أحتياطي من غير chip

لكن طبعاً الطريقة اللي أنت قلتها دي أسهلهم,

المشاركة الأصلية كتبت بواسطة mr_revenger

تسلم يا باشا على المعلومه الجديده دى،،،بس لو امكن توضحلنا او للى ميعرفش بصفه خاصه،،ايه هى استخدامات الايموبلايزر،،،او بيفيد فى ايه وجوده فى العربيه ]،،،وهل هو يغنى عن جهاذ الانذار ولا لاء،،،،،ومع السلام عليكم

هو فائدته ان العربيه ما تدورش من غير المفتاح بتاعها بس ولو نسخه علي المفتاح هتفتح الباب ولكن ما تدورش العربيه
وده بيمنع السرقه
ورأيي انه احسن من الانذار لان الانذار ممكن يتفصل والعربه تتسرق
لكن الايموبيلايزر العربيه مش هتتحرك من مكنها