تغيير مياه التبريد للفيرنا

**motazyounes** · 27-01-2014 10:19 PM

سؤال الى خبراء الفيرنا هل يوجد محبس تصريف اسفل الردياتير فى الفيرنا لتصريف مياه الردياتير وما هى افضل انواع مياه التبريد للفيرنا وخطوات تغيير مياه الردياتير

**tameem2010** · 27-01-2014 10:53 PM

مفيش محبس في الراديتير
عاوز تغير المياه كامله لازم تروح للميكانيكي عشان هيفك كوعه المياه عشان ينزل المياه اللى جوا الموتور اللى حاجزها بلف الحرارة بتاع الكوعه وافضل مياه هي موبيل الخضراء تركيز ايثيلين جليكول 33% والعر بيه بتاخد جركن 4 لتر بيعمل حوالى 80 جنيه ومتجيبش موبيل الاحمر لانه مش للهيونداي

**moe gawad** · 27-01-2014 11:58 PM

ممكن انا اخد فرصتى اظبطلك الدنيا ديه
بس هاتلى معاك مياه موبيل الزرقاء. سعرها 80 جنيه .
الصيانه محانيه لاعضاء نايل موتورز

**lost2008** · 28-01-2014 12:23 AM

المشاركة الأصلية كتبت بواسطة motazyounes

سؤال الى خبراء الفيرنا هل يوجد محبس تصريف اسفل الردياتير فى الفيرنا لتصريف مياه الردياتير وما هى افضل انواع مياه التبريد للفيرنا وخطوات تغيير مياه الردياتير

المحبس موجود , و انت فاتح الكبوت على اقصى شمال الردياتير من تحت حتمد ايدك و حتلاقى المحبس بلاستيك حتفتحة سنة و تسيب العربية تنزل المياه براحتها , تقفله و تملى الردياتير و القربة و تحت غطا الردياتير فى وضع نص قفلة و تدور العربية و تستنى لحد ما مروحة التبريد تشتغل و تطفى مرتين عشان تطرد اى هوا فى الدورة , تطفى الموتور و تسيبها لحد متبرد خالص و بعدين تزود الردياتير لحد الزور و تملى القربة مابين العلامتين , عملتها قبل كدة مرتين فى فيرنتى .

**motazyounes** · 29-01-2014 05:29 AM

شكرا لكل من تفضل بالرد
وانا شفت الميه اللى موجوده حاليا لونها اتحول للاصفر مائل الى البيج
و حاغيرها فى اقرب فرصه
بس انا كنت بامون من بنزيمة وطنية ولقيت عندهم جركن 4 لتر مياه خضراء ثمنه 30 جنيه
حد جربها دى