حادثة هائلة فى السماء

**Ahmed Samy** · 30-09-2008 09:35 PM

المشاركة الأصلية كتبت بواسطة GoldenManEye

يعنى كل المجرات و النجوم دى! ومفيش حياة غير على الأرض؟؟!!!!

باحس انى زي النملة على السجادة و فاكرة مفيش نمل غيرها

**wawoo** · 30-09-2008 11:00 PM

المشاركة الأصلية كتبت بواسطة GoldenManEye

يعنى كل المجرات و النجوم دى! ومفيش حياة غير على الأرض؟؟!!!!

هو الحقيقة يا اخ جولدن انت جيبت من الأخر , لأن السؤال دة هوة تقريبا محور كل شغل العلماء دة و هو السبب فى كل الابحاث و الملايين اللى بتتصرف دى , بس خلينى اقولك حاجة , احنا نعرف من الدين بتعنا ان السماء الدنيا و كل السموات ماليئة بالملائكة و كمان فى الجان , و دى من المخلوقات الغير مرئية بالنسبة للانسان , يبقى بديهى انة يكون فى حياة مادية اخرى فى خلال كل هذا الكون العملاق فى الحجم .

الفكرة ان احنا حتى الان حتى لم نكتشف كل الكواكب الموجودة فى المجموعة الشمسية , و هناك الان مثلا ابحاث كثيرة على سطح كوكب المريخ , و وجود الماء على سطح المريخ يمثل خطوة كبيرة فى سيبل الوصول الى اثار حياة سابقة على سطح المريخ , و مجرد وجود اى اثار حياة خارج كوكب الارض حيفتح افاق عملاقة فى الاتجاة دة .

انت مثلا اخدت فكرة على مدى الحجم الهائل لما اكتشف حتى الان , لكن احنا فين بقى , عشان اديك مثال صغير وكالة ناسا الفضائية بعتت السفينتين "فويجير وان و فويجير تو " بعتتهم سنة 1977 و ذلك لاكتشاف و تصوير كواكب المجموعة الشمسية و اقمارهم , و فعلا السفينتين عملو شغل جميل .

السنة الماضية 2007 خرجت السفينة الثانية "فويجير تو" خارج مجال المجموعة الشمسية , يعنى بعد 30 سنة يدوب خرجت السفينة خارج مجال المجموعة الشمسية و تتطلق بعد كدة فى المجرة, شوف انت بقى حتاخد كام سنة عقبال ما توصل لاقرب نجم جديد , و احنا اقرب نجم لينا على بعد ثلاث سنين ضوئية , و طبعا السفينة مش بتتحرك بسرعة الضوء لكن بسرعة ابطاء بكثير , و شوف تاخد كام الف سنة عشان تخرج حتى خارج المجرة بتاعتنا , و شوف كام الف تانى عشان توصل لاقرب مجرة .

يعنى للاسف احنا عشان نكتشف اى اجسام خارج المجموعة الشمسية معندناش غير التلسكوبات , وحديثا اكتشف غز الميثان على كواكب خارج مجموعتنا الشمسية , و قد يكون غاز الميثان مؤشر لاثار حياة عضوية خارج مجموعتنا الشمسية , لكن زى ما انت شايف ليسة قدمنا كتير عشان نقول ان احنا بدأنا نوصل لاى نتائج .

و كل عام و انتم بخير .

**blazer** · 30-09-2008 11:22 PM

ان شاء الله برده علوم المعادن والطاقه تطور اكتر واكتر
و نخترع مراكب فضائيه احدث واحدث
يعنى تخرج بره المجموعه الشمسيه بتاعتنا بعد 14 بس :):)

**Ahmed Samy** · 30-09-2008 11:33 PM

بس موضوع UFO و نزول Aliens عندنا ده محير شوية

أنا ليا فيه رأي بس أحب أسمع أفكاركم انا تابعت حوادث شهيرة و اخبار تتحدث عن ملفات سرية و الناس اللي بتقول ان المركبات شفطتها و حطو برص في ودانهم و رجعوهم تاني

وما الى ذلك ....الكلام ده داخل دماغكو ؟؟؟؟ وللا مش مقتنعين ولا الموضع محيركو زيي

**Dr Ahmed** · 01-10-2008 01:27 AM

المشاركة الأصلية كتبت بواسطة Ahmed Samy

بس موضوع UFO و نزول Aliens عندنا ده محير شوية

أنا ليا فيه رأي بس أحب أسمع أفكاركم انا تابعت حوادث شهيرة و اخبار تتحدث عن ملفات سرية و الناس اللي بتقول ان المركبات شفطتها و حطو برص في ودانهم و رجعوهم تاني

وما الى ذلك ....الكلام ده داخل دماغكو ؟؟؟؟ وللا مش مقتنعين ولا الموضع محيركو زيي

أنا باعتقد إنه يتبع ثقافة اللى حصل له الشئ الخارق للطبيعة

لو حصل إن كائن غريب ظهر لأمريكى وخطفه ورجع تانى هيقول كائن مريخى
ولو نفس الكائن خطف حسنين هيقول عليه جن

وبعدين إشمعنى الأطباق الفضائية منشنة على أمريكا؟ يعنى كل المشاهدات تقريبا أمريكية كأن اليوفو نازلين على عاصمة الكوكب أو حكامه .. طبعا موضوع سياسى جدا + خداع وشغل لكثير من الناس

فيه أشياء غريبة بتحصل .. آه
لكن تفسيرنا هو اللى أغرب ومش كل حاجة تبقى Aliens vs predators

**wawoo** · 02-10-2008 11:46 AM

المشاركة الأصلية كتبت بواسطة Ahmed Samy

وما الى ذلك ....الكلام ده داخل دماغكو ؟؟؟؟ وللا مش مقتنعين ولا الموضع محيركو زيي

الموضوع محيرنا زيك يا احمد باشا , بس انت كدة خرجتنا من الاكتشفات العلمية اللى احنا بنتكلم عنها , عموما فى وسط هذا الكون الهائل وارد جدا يكون فى مخلوقات عاقلة اخرى , و وارد كمان انها تكون عملت زيارة للارض ولكن هناك تعليق بسيط بخصوص الموضوع دة و هو ان كيف ستعرف المخلوقات الاخرى بوجودنا , الحقيقة هى حتعرف من الاشارات الاذاعية و التلفزيونية اللتى بدء ارسالها فى الارض , و لكن المشكلة ان حتى اول اشارات خرجت من الارض ليسة حتى لم تخرج لمجموعة جيدة من النجوم اللتى تحتوى على كواكب قد تحتوى على حياة عاقلة , يعنى عندك مثلا اول اشارة تليفيوزنية خرجت سنة 1941 يعنى الاشارة وصلت للنجوم اللى على بعد 70 سة ضوئية بس حتى لان , و اذا فرضنا ان هذة الكائنات تملك تكنولوجيا مثلا تخليها تتحرك بسرعة نصف سرعة الضوء يبقى امامهم حوالى كمان 140 سنة تقريبا عقبال ما يشرفو عندنا ,
يعنى علميا مستحيل يكون حصل زيارات من كائنات اخرى , الا اذا كان عندم تكونولوجيا تخليهم يتحركو بسرعة الضوء او اكتشوف سرعات اسرع , ولكن التحرك بهذة السرعات حاليا مستحيل وفقا للعلوم بتاعتنا حاليا , لكن مين عارف ......

**Ahmed Samy** · 02-10-2008 12:07 PM

المشاركة الأصلية كتبت بواسطة wawoo

الا اذا كان عندم تكونولوجيا تخليهم يتحركو بسرعة الضوء او اكتشوف سرعات اسرع , ولكن التحرك بهذة السرعات حاليا مستحيل وفقا للعلوم بتاعتنا حاليا , لكن مين عارف ......

مستحيل بالنسبة لعلومنا نحن ...

بس حتى لو افترضنا انهم وصلوا للمرحلة دي و استطاعوا يتوصلوا للتنقل ضوئيا ..علشان يقدروا يوصلولنا في السبعينيات و الستينيات كما يدعى البعض

لا أتخيل ان كيانا يمتلك تكنولوجيا بهذا التقدم هاييجي يلاعبنا استغماية و يخطف واحد ولا اتنين و يجري

ولا يتشاف في السماء و هو ينوي الاتخفي

مخلوقات بالقوة دي كانت هاتجيب من الأخر

انت ساعدتني جدا على طرح فكرتي

أشكرك و أعتذر عن تغيير مسار الموضوع (عن عدم قصد)

تقبل تحياتي لموضوعك الجميل

**GoldenManEye** · 02-10-2008 04:45 PM

المشاركة الأصلية كتبت بواسطة Ahmed Samy

مستحيل بالنسبة لعلومنا نحن ...

بس حتى لو افترضنا انهم وصلوا للمرحلة دي و استطاعوا يتوصلوا للتنقل ضوئيا ..علشان يقدروا يوصلولنا في السبعينيات و الستينيات كما يدعى البعض

لا أتخيل ان كيانا يمتلك تكنولوجيا بهذا التقدم هاييجي يلاعبنا استغماية و يخطف واحد ولا اتنين و يجري

ولا يتشاف في السماء و هو ينوي الاتخفي

مخلوقات بالقوة دي كانت هاتجيب من الأخر

انت ساعدتني جدا على طرح فكرتي

أشكرك و أعتذر عن تغيير مسار الموضوع (عن عدم قصد)

تقبل تحياتي لموضوعك الجميل

الموضوع بدأ يكبر :)

أنا شفت حلقة جامدة قوى عن الموضوع ده .. تقريباً على ديسكفرى

المهم بعد تحليلات كتيييييير و أدله و مشاهدات و امريكا و الأهرامات و .....

أخر حاجة قالها مقدم البرنامج "وركز معايا فى اللى هيتقال"

طبعاً الحمد لله على نعمة الإيمان.

مقدم البرنامج طرح تسائل على المشاهدين:

مش ممكن يكون فى مخلوقات تانية جت الارض و ليها مصلحة ما فى وجودنا!

ودلوقتى إحنا بنعمل عمليات الإستنساخ بسهولة، ومعجزة المسيح أنه ولد بدون أب! و كان هذا إعجازاً حينئذ!

هل يمكن أن يكون هؤلاء الناس هم ما نعتقده إله و ملائكه و كانوا يتصورون لنا بأشكال و إعجازات مختلفة لتنفيذ مخطط ما أو نسير بطريقة معينة!

هل يمكن أن يكون كل ما نؤمن به هو من صنع هؤلاء!!!؟؟؟؟

هذا مضمون ما تركه مقدم البرنامج للمشاهد كي يفكر فيه!

**Dr Ahmed** · 02-10-2008 05:19 PM

مقدم البرنامج طرح تسائل على المشاهدين:

أما التساؤلات فلا يوجد خالق يتعامل مع مخلوقاته بنظام الخطف ولعبة الاستغماية
الخالق بيعرف مخلوقاته هو مين ويعبدوه إزاى
وأى مؤمن بأى دين وليه عقل عارف كده
والبرامج دى جزء من الإعلام الموجه لتشكيل طريقة تفكير المواطن - عندهم
و:

طبعاً الحمد لله على نعمة الإيمان.

**mohamed_88sk** · 02-10-2008 05:57 PM

بجد موضوع جميل جدا
يبين عظمة الخلاق ذي القوة المتين ,,
سبحان الله ,,
بجد كتشكر لعمل الموضوع ده
ومتشكر جدا جدا للنقاش العلمي والعقلاني والأيماني اللي بتقولوه انا بجد متابعكو وفي قمة السعاده والتشويق ,,
ربنا يفتح عليكو وعلينا ,,
وفعلا (ما أوتيتم من العلم إلا قليلا )

الموضوع: حادثة هائلة فى السماء

LinkBack

أدوات الموضوع

عرض

-

-

-

-

-

-

-

-

المواضيع المتشابهه

حج فى السماء قبل أن يحج فى الأرض

كاميرا فيديو سوني هاي ديفينيشن 80 جيجا امكانيات هائلة بسعر ممتاز

مبنى تجارى فرصة هائلة

الكلمات الدلالية لهذا الموضوع

المفضلات

المفضلات

ضوابط المشاركة