وما أوتيتم من العلم إلا قليلا
عرض للطباعة
وما أوتيتم من العلم إلا قليلا
هو الحقيقة يا ابو ادهم بالرغم انى من اشد المعجبين بقناة دسكافرى , إلا انها فى النهاية قناة غربية علمانية و كمان ممكن تكون فيها ايدى يهودية صهيونية فى الموضوع , عشان كدة انت تحاول تستفيد منها قدر الامكان لكن مع الحزر الشديد لان مش كل البرامج و الموضوعات حتكون متوافقة مع معتقدتنا و مع دينا الاسلامى , و هما معندهمش اى مانع من مناقشة اى موضوع مهما كانت الحدود , طبعا فكرة البرنامج اللى انت اتكلمت عنها تهدم تماما فكرة الالة الواحد و تهدم معتقدات كل الاديان تقريبا , عشان كدة واجب انك تكون حزر مع البرامج اللى زى دى .
و حتى اذا فرضنا بفكرة البرنامج , فهى فكرة سازجة جدا و ملهاش اى اساس علمى سوى انها مجرد خيال المخرج او معد البرنامج .
و لكن بالمقابل انا اتفرجت على برنامج اخر , و دة فعلا اللى لعب فى دماغى , و كان بيتكلم عن الحياة المتوقع وجودها خارج الكرة الارضية , و فعلا البرنامج تطرق لكتير من اشكال الحياة اللتى قد تكون عجيبة وغير معروفة لنا , و منها استنتج البرنامج , ان الحياة التى قد نعرفها ليس بضرورة تكون هى الحياة الموجودة فى كواكب و كائنات اخرى , يعنى اذا دخلنا كوكب جديد قد يكون من الصعب التعرف على الحياة الموجودة فية اساسا لانة ببساطة لا يوجد حتى الان تحديد علمى على ما هى الحياة و ما هى الموصفات المطلوب وجودها لتعريف الحياة ,
و مش بضرورة ان الحياة تكون كائنات متكلمة و عاقلة بالمنظور الانسانى للحياة , و فعلا لو فكرت فيها حتلاقى ان دة اشكال اكبر بكتير من وجود الحياة او عدمها .
و اللى يشجع على كدة ان اساسا مافيش حدود لقدرة الله على الخلق و على الابداع , دة واضح طبعا فى أيات قرأنية عديدة , لكن احسن حاجة فى الظروف دى هو التعامل مع كل الموضوعات دى بالشكل العلمى , لان اى شتحاط من دى ممكن تخرجنا عن العقيدة نفسها لا قدر الله .
و انا على فكرة كنت بتابع الافكار العجيبة دى و كان بعضها بتشدنى فعلا ,و لكن انا لما بدائت اتابع الاخبار العلمية دى و جدت ان الحقائق و الاكتشفات العلمية , اكثر تشويقا و اكثر غرابة و اعجاز من اى تخيلات او شطحات فردية .
أستاذ wawoo بجد أنا متشكر ليك جداً إنك فتحت الموضوع ده.
هو الصراحة البرنامج شدنى جداً و كان عميق جداً فى أوله حتى ما قبل النهايه
وجاب حاجات كتير و صور و مقاطع فيدوا و حاجات من الكيه جى بى و خبراء يحللوا و الأهرامات و عن إنها ممكن تكون أحداثيات لحاجات معينه و غيرها و غيرها... إلخ
بس فى النهايه راح ضارب كل الحاجات دى فى بعض و طلع التسائول الغبى ده!
و فعلاً الناس دى مفيش أى سقف لتفكيرهم.
بس زى ما قلت فى الأول "الحمد لله على نعمة الإيمان"
الله يكون فى عون الناس اللى مش مؤمنين بأى ديانه زمان دماغهم زغلللت!! :)
بس بجد انا كل ما شوف برنامج عن الكون بشكل عام بحس إنى عاجز عن التفكير بالمنطق و التحليل اللى الواحد متعود عليهم!!!
واللى بيضايقنى أكتر إنى بحس إنى هموت قبل ما أعرف حاجة! :(
علشان السنين الضوئية بتاعت العلماء دى!!!!
بعد ما هنموت هنعرف كل حاجةاقتباس:
واللى بيضايقنى أكتر إنى بحس إنى هموت قبل ما أعرف حاجة! :(
سبحان الله
شكرا على الموضوع الجميل ده
حتى لو قدرنا نصنع مركبة تسير بسرعة الضوء فدة برضه لن يكفى ، مجرة درب التبانة عرضها حوالى 80 ألف سنة ضوئية ، يعنى عشان تقطع هذه المسافة ستحتاج لمركبة تسير بسرعة الضوء مدة 80 ألف سنة ، فما بالك بالخروج عن حدود مجرتنا ، أنت بتتكلم فى ملايين السنين الضوئية ، أقرب مجرة لنا هى أندروميدا وتبعد حوالى 2.5 مليون سنة ضوئية.
لى تعليق بسيط على مشاركة الأخ wawoo
الحقيقة لا يوجد مركز للكون ، الكون لم يبدأ من نقطة معينة بحيث نعتبرها مركز الإنفجار الذى يتوسع كل شىء من حوله ، الإنفجار لم يكن إنفجار قنبلة مثلا ً ، لكن دى الطريقة الوحيدة اللى تخلينا نتخيل منظر البداية كان عامل ازاى.
أنت لو جبت واحد على مجرة وواحد تانى على مجرة تانية ، كل واحد هيشوف نفسه هو المركز ، لأن الأول هيشوف إن التانى بيبتعد عنه ، والعكس صحيح ، الموضوع بالظبط عامل زى ، تخيل بالونة وراسم على سطحها الثنائى الأبعاد مجموعة نقط متوزعة بالتساوى ، منهم نقطة حمراء اللى هنفترض إنها المركز ، وجينا نفخنا البالونة ، هنلاحظ إن النقطة الحمراء ثابتة وبقية النقط بتتحرك وتتوسع من حولها ، فى حين إنها لا مركز ولا حاجة ، دة أنت لو وقفت على كل نقطة هتحس بالمثل ، فأى كان مكان النقطة هتظهر كأنها المركز.
تمام يا اخ اسلام كلامك يدل على انك عندك معلومات جيدة بخصوص الكون و توسع الكون و فعلا مجرة اندروميدا تبعد حوالى 2.5 مليون سنة ضوئية , بس اثبتت الدراسات الحديثة انها بتتحرك مع نظرية اتساع الكون فى اتجاة مجرتنا الام مجرة "درب اللبانة " . و دى صورة لمجرة اندروميدا عشان برضو تتفرجو عليها و تخدو بلكم منها لما تقرب :)
http://www8.0zz0.com/2008/10/03/13/382854154.jpg
اما ما يخص مركز الكون , احب بس اوضح مقدمة صغيرة هو ان نظرية الانفجار العظيم و المعروفة باسم "بيج بانج" هى نظرية حديثة و هى مجرد نظرية لكيفية خلق الكون و بداية نشأة الكون , طبعا هى نظرية زيها زى اى نظرية خاضعة للدراسة و البحث ,و لكن هى تعتبر حاليا افضل نظرية تشرح بداية الكون بالنظر للمعلومات المتوفرة حتى الان .
شوف يا اخى الموضوع بداء بالضبط سنة 1965 حيث خبراء الراديو و ارسال "ارنو بنزيانس" و "روبرت ويلسون" من معمل شركة بيل يقومو بقياس الشوشرة المتداخلة مع اجهزة الاستقبال للاقمار الصناعية فى محاولة لمعرفة مصدر هذة الشوشرة و التداخل الذى يحدث ,
و قاما بتوجية اجهزة الاستقبال و التلسكوب الراديو بعدا عن مركز المجرة , و العجيب بقى انهم قامو باتقاط اشارة صغيرة و غريبة فى الخلفية لم يتمكنو من التخلص منها و بعد عدة محولات للتخلص من هذة الاشارة و استبعاد جميع العوامل الارضية و البشرية التى قد تكون مصدر هذة الاشارة , و بتوجية اجهذة الاستقبال فى جميع الاتجهات لم تتغير الاشارة و ظلت محتفظة بقوتها و ثباتها ,و بناء علية و بعد درسات عديدة على هذة الاشارة اعلان الاعلماء ان هذة الاشارة من خارج المجرة اساسا , و كان اكتشاف هذة الاشارة حدث علمى هام جدا , حتى انهم حصلو بسبب هذا الاكتشاف على جائزة نوبيل فى الفزياء .
جاء بعد ذلك فلكى موهب و معة مجموعة اخرى من الفلكيين و اسمة "دافيد وليكنسون " و اثبت اكتشاف عجيب و هو ان هذة الاشارة المكتشفة بواسطة معامل بل ما هى ألا البقاية الاشعاعية للانفجار العظيم , و كان ايضا اكتشاف رائع .
المهم انة تمت دراسة هذة الاشارة بشكل دقيق و اكتشف ان هناك فرق صغير جدا بين الاشارة حين يتم توجية الهوائيات لاتجهات مختلفة , و تبعا تم استخدام اجهزة وهوائيا غاية فى الدقة و التقنية و كان هناك مشريع كثيرة لدراسة هذة الاشارة و دون الدخول فى تفاصيل علمية معقدة تم استنتاج الاتى :
-ان الارض مع المجموعة الشمسية تتحرك بسرعة حاولى 400 كيلومتر فى الثانية و فى اتجاه مختلف عن مدارها حول مركز المجرة .
-و ايضا تم باستخدام حسبات معقدة تقدير ان سرعة مجرتنا الام "درب اللبانة " تتحرك بسرعة 600 ك فى الثانية .
- و اكتشف ايضا ان حركة مجرتنا بالنسبة لمجرة اندروميدا و مجرات اخرى قريبة هى ابطاء من هذة السرعة "600 ك فى الثانية"
و استنتج من ذلك العلماء ان مجرتنا و اندروميدا و تجمع مجرى اخر قريب يسمى بتجمع " العزراء" جميعها تتحرك و تتسابق بسرعات هائلة تقترب من سرعة 600 ك فى الثانية و فى اتجاة مختلفة بالنسبة للاشارة السابقة الذكر .
هى فعلا مصطلح مركز الكون دة مش دقيق شوية , هو انا كنت اقصد مركز هذا الاشارة و هو ما يعتقد انها بقاية الانفجار الاول او الانفجار العظيم .
فى نقطة احب اضفيها لاستكمال بناء الكون , و هى " التجمعات المجرية " و الحشود المجرية العظيمة" و دى من مكونات الكون ايضا , التجمعات المجرية هى عدد محدود من المجرات تتجمع فى تجمع صغير و يفصل بينها عدة ملايين ضوئية
اما الحشود المجرية " جلاكسى كلاستر " فهى تجمع مجرى يضم عدة مئات من المجرات مع بعضها و تكون كثافة المجرات فى هذا الكلاستر اكبر بكثير من التجمعات العادية .
زى ما انت شايف كدة الكون عجيب فى الحجم , وان كنت بحاول اقرب الصورة مش اكتر , انما الحقيقة محدش عارف مين بدور حولين مين و فين المركز و كل المجرات دى رايحة على فين بالسرعات الهائلة دى , و توسع الكون دة رايح على فين ,
دة انا كمان متكلمتش عند الطاقة و عن القوة العظيمة التى تربط هذة المجرات مع بعضها و الطاقة الهائلة اللى بتتحكم فى حركة هذة الاجسام العملاقة , دى عاوز موضوع جديد لوحدها , كل دة طبعا من المنظور العلمى , لكن من المنظور الدينى كلنا عرفين مين الخالق و مين الذى يمسك كل هذا الكون الهائل .
و صدقة الله العظيم حيث قال :
( إِنَّ اللَّهَ يُمْسِكُ السَّمَاوَاتِ وَالْأَرْضَ أَن تَزُولَا وَلَئِن زَالَتَا إِنْ أَمْسَكَهُمَا مِنْ أَحَدٍ مِّن بَعْدِهِ إِنَّهُ كَانَ حَلِيماً غَفُوراً )
سبحان الله العظيم ...
بسم الله ماشاء الله، وسبحان الله الععلي العظيم
كلام علمي وشرح سلس وواضخ إن فيه ناس شغوفين بالعلوم .. أفادكم الله ونفعكم بالعلم وجعلكم ذخرا للأمة.
متابع متأخر لموضوع قيم وجميل وربنا ينفع صاحبه ويزيده من علمه ...
وشدني تعليق د.أحمد أن هنعرف كل حاجه لما نموت ....وسبحان الله الواحد لما بيبص لصفحة السماء بيحس بكم كبير من الخوف والرهبة والغموض الواحد دايما بيخاف من اللي ميعرفوش .....لما بعقد بليل أتفرج علي السماء ويجي فعقلي طريقة عمل العين وعدستها وطريقتها للابصار اللي حطها ابن الهيثم من الف سنه وسرعة الضوء والمسافات الرهيبة بين الاجرام السماوية والنجوم واللي بملايين ملايين السنين الضوئية بقشعر .....يعني السماء اللي قدامي ديت والنجوم بتشكلاتها ديت مجرد بورتريه مجرد عرض مسرحي لسيناريو قديم من الاف السنين والنجوم اللي قدامي دي مش حقيقية دي بس مجرد صورة للمكان اللى كانت فيه من الاف ولا ملايين السنين!!!!....وأن يوم القيامة ممكن يكون موجود فمكان ما فالكون وبدأ وبس لسه احنا مش شايفينه.....
صدق سيدنا النبي فيما معناه :بعثت انا والقيامة كهاتين....
بصراحه جسمي بيقشعر من مجرد الفكره