أ/ ممدوح أول مره اشوف ليك مشاركه كده كل مشاركاتك المحتصر المفيد أو ما قل ودلانت بتقول العربية عايزة جوز مساعدين... صح؟
يعنى نظريا المفروض تشترى جوز مساعدين + جوز بطاحات + جوز كوبايات... لو جبت المساعدين مونرو و البطاحات و الكوبايات اصلى هتدفع حوالى 750 الى 800 جنية
انت روحت اشتريت الاتى:
جوز بطاحات
جوز كوبايات
جوز مساعدين
جوز سوست
عدد 2 شمعدان
جوز طنابير (و احتمال يكونوا بالمساتر كمان)
جوز صرر عجل
جوز بلى امامى
جوز مقصات بالجلب و البيض
و طبعا كل دة مستعمل... يعنى انت متعرفش المساعدين حالتها اية ولا البطاحات و الكوبايات سلام ولا لا ولا جلب المقصات اخبارهم ايه... دا غير انك اشتريت شمعدان بسوست بنظام فرامل كامل بدون داعى و مستهلك برضة (بخلاف الشمعدان)
يعنى طبيعى بعد شوية تلاقى نفسك دخلت فى طقم بلى امامى او الجلب تبوش... ممكن البطاحات تشقق او الكوبايات تكون مكسورة او تتكسر... و ممكن المساعد يضرب.. الطنابير تعمل عاللى وواطى... الخ الخ
القطع المستهلكة زى اجزاء العفشة و الفرامل بتقل كفائتها بالاستخدام... و طبعا مفيش اى طريقة تعرف بيها حالة الحاجة اللى بتشتريها ولا فاضل فى عمرها الافتراضى قد ايه بالتالى انت بتشترى بطيخة... ممكن تطلع قرعة بعد سنة و ممكن تطلع قرعة بعد يومين
و الكلام دة برضة يسرى على المكونات الكهربائية و مكونات الفرامل و بعض المكونات الميكانيكية يعنى متجيبش بوبينة ولا طلمبة بنزين استيراد... ولا سلوك بوجيهات استيراد... متجيبش ماستر عمومى استيراد... ولا تجيب طقم دبرياج استيراد ولا طنابير استيراد
و طبعا مش محتاج اقول ان قطع الصيانة الدورية متتجابش استيراد... يعنى بوجيهات و فلاتر و سيور و تيل
انت صرفت نص فلوسك على قطع مستهلكة الله اعلم هتعيش معاك قد ايه... و النص التانى على حاجات انت مش محتاجها اساسا
mmamdouh
اعتقد ان ده اكبر دليل على المصيبه اللى حصلت
المفضلات