ازمة بعشها معاه كل طرمبة بنزين
ياجماعة انا عندى مشكلة كبيرة جدا معاه قطع الغيار المضروبة انا تقريبا فى السنة اللى فاتت دى انا مغير 4 قلوب وكل واحد بشترىها بتعيش معايا شهرين او 3شهور او 5شهور
اشتريت البوش الصينى مقعتدش معايا ومنصحش حد يشتريها وقعدت تقريبا شهر بعد سحب زى الزفت للعربية وباظت روحت اشتريت واحدة تانى 100 جنية محفور عليها انها صنع فى اليابان واشترتها وانا عارف انها لا يابان ولا اى نيله قعدت معايا 5شهور بس بصراحة كان سحب العربية زى الفل ومفيش اى مشاكل لكن انتهت بانها كنت بتصفر وتقطع قولت ماشى اجيب واحدة استيراد بقا ونجرب جبت واحدة جربتها زى الفل بس بعد اسبوع او اتنين العربية بقت بتغيب فى التدوير وبقت بتدى بنزين ضعيف قولت ارمى وهات حاجة نضيفة اقعدت ادور على البوش المانى الاصلى لكن ملقتش لقيت عند ابو الحسن واحدة مكتوب عليها انها المانى وكرتونة حلوة كدة وجاى معاها كارت كدة عامل زى كروت الفيزا المهم انا عارف انها برضو مش المانى بس اجرب روحت اشتريتها بـ120جنية وركبتها مكنش عجبنى شغلها بصراحة والقلب طلع قصير قولت خليها بقا لحد ما اشوف حاجة تانية المهم عملتها معايا انهاردة وقطعت وطلعت عينى لحد ما وصلت الشغل
محدش يعرف حد بيبع البوش المانى الاصلى او قلوب نضيفة ؟
انا بصراحة مش عارف اعمل اية معاه قطع الغيار المضروبة ؟
افيدونى
