فى حد قبل كدة واجه مشاكل فى حرق الاسطوانات DVD Double layer 8.5G

**Hacker5** · 26-09-2008 04:10 AM

انا دمى محروق عشان الاسطوانات اللى باظت لانها مش رخيصة و حسيت ان فلوسى اترمت فى الارض

انا بحرق data عادى جدا و لكن اثناء الحرق و خصوصا عند الدخول اللى الطبقة الثانية من الاسطوانة بيدينى error
انا بستخدم Nero 8

و الرايتر بيدعم خاصية الـ Double layer

فى حد عرف يتصرف فى الموضوع دة؟؟؟

**amir** · 26-09-2008 04:47 AM

للاسف مفيش نوع محترم من السيديهات في السوق او الديفيهات حتي لو اشتريت الغالي ممكن يحصل داتا لوس, انا خسرت مراجع و كتب و مواد علميه قيمه كنت شايلها علي سيديهات و ديفيهات كتير و لما حبيت استعملهم مش بيشتغلو
و كمان التقيله بقي ان معظم السيدي رايترز او الدي في دي رايترز برضو بيخرفو كتير حتي لو جداد
ربنا يرحمنا و نلاقي كوالتي كنترول و شعار جوده محترم

**amir** · 26-09-2008 05:14 AM

شكرا بجد علي المعلومه دي بس سؤال بسيط هل sonic ده من برامج الopen source? لأني بحترم البرامج دي قوي عن عك ميكروسوفت و كافه البرامج المغلقه المصدر, لأن البرامج مفتوحه المصدر بتتيح لمئات المبرمجين تحليلها و تلافي مشاكلها اكتر بكتير من الشركات

**shery103** · 26-09-2008 08:04 AM

على ضمانتى

و بالنسبة لموضوع انه Open Source او لأ فانا مش عارفة و ان كنت معتقدش ، لانى زى ما بقولك كنت جايبة اللابتوب بتاعى و جايلى عليه برامج اصلية و ده من الحاجات الى بستعملها فعلا من البرامج دى ، بس جربه و مش هتخسر حاجة و اكيد هتلاقيه تورنت

**wawoo** · 26-09-2008 10:49 AM

المشاركة الأصلية كتبت بواسطة Hacker5

انا دمى محروق عشان الاسطوانات اللى باظت لانها مش رخيصة و حسيت ان فلوسى اترمت فى الارض

انا بحرق data عادى جدا و لكن اثناء الحرق و خصوصا عند الدخول اللى الطبقة الثانية من الاسطوانة بيدينى error
انا بستخدم Nero 8

ممكن يكون البرنامج غير متوافق مع الرايتر حاول شوف نسخة تكون احدث او يكون ليها باتش جديد , او ممكن سرعة الحرق اللى انت محددها غير متوافقة مع الاسطوانة حاول تقلل سرعة الحرق يمكن تنجح العملية, و اسلم حاجة انك تعمل اختبار حرق قبل الحرق الفعلى, و دة ممكن ينبهك لاى اخطاء ممكن تحصل اثناء الحرق الفعلى , و اذا لاقيت اى مشكلة اثناء الاختبار متجازفش بالحرق الفعلى قبل حل المشكلة .

الحقيقة ان الاسطوانات ثنائية الطبقة دى بتكون حساسة قوى و محتاجة معاملة خاصة .
لو تحب نفيدك اكتر قولنا
نوع الرايتر و رقم البايوس بتاعة .
نوع الاسطوانة اللى عاوز تحرق عليها .

**د.محمود صلاح** · 26-09-2008 01:28 PM

قلل سرعة الحرق لأقل درجة لضمان عدم تلف الاسطوانة , اعمل اختبار حرق كما قيل لك , استخدم نوع Rw عشان لو باظت عملية الحرق ممكن تمسحها كلها وتعيد استخدامها تانى

**amir** · 26-09-2008 02:21 PM

[quote=Hacker5;427337
بس انا مش فاهم كلام الاستاذ محمود صلاح "استخدم نوع Rw عشان لو باظت عملية الحرق ممكن تمسحها كلها وتعيد استخدامها تانى"

انا مش فاهم يعنى ايه الكلام دة

:)[/quote]
rw معناها re-write و ده بيعني انك ممكن تستخدم السي دي اكتر من مره و كأنه هارد ديسك مثلا تكتب و تمسح و بعدين ترجع تكتب عليه تاني