مين يعرف نوع سلوك البوجيهات دي

**atpo56a** · 28-01-2014 08:31 PM

السلام عليكم احبائي اعضاء وزوار المنتدي
انا اشتريت سلوك بوجيهات لانوس وركبتها لما غيرتهم قلت اشوف النوع القديم ايه نوعه بصراحه كان الاداء بتاعهم كويس بس الميكانيكي قال غيرهم واشتري جديد المهم سمعت كلامه وغيرت
فكيت واحد من القدام قلت اشوف ايه تركيبه من الداخل علي فكره الكابل كان طري جدا جدا وملفت للنظر ومكتوب عليه سيليكون المهم قطعته نصفين فوجئت مفيش سلك من الداخل اللي ملحوظ من الداخل جلد رفيع اسود محاط بخيوط رفيعه استغربت علي النوع ده قلت لما اشوف الجديد وفكيته لقيته فيه سلك نحاس ماشي بطوله من اول فتحه البوجيه لحد فتحه الموبينه
المهم انا عاوز اعرف ايه النوع اللي من غير سلك توصيل من الداخل بصراحه هو نوع كويس
يا ريت اللي عنده فكره واشتراه يقول لنا علي
النوع والسعر علشان اللي في الداخل نحاس بقي ناشف جدا جدا بعد اسبوع من التركيب
رجاء الرد والافاده والمشاركه
لكم جزيل الشكر

**hany essa** · 28-01-2014 08:48 PM

سلك البوجيه المفروض انه مش نحاس المفروض انه كربون والسلك بيبقى لونه اسود من الداخل وتحس انه عامل زى الخيط انما عمره ما بييقى نحاس ونصيحه منى خليك فى الاصلى ب135جنيه عن البنا فى التوفيقيه وهتركبه وتنساه

**mahmoudysf** · 29-01-2014 12:07 AM

حتى الجديد الاصلي مش هتركبة وتنساه
هو هيديك اداء احسن وعمرة اطول
لاكن لازم يتغير

**hany essa** · 29-01-2014 12:53 AM

المشاركة الأصلية كتبت بواسطة mahmoudysf

حتى الجديد الاصلي مش هتركبة وتنساه
هو هيديك اداء احسن وعمرة اطول
لاكن لازم يتغير

ماهو اكيد لازم يتغيرمفيش حاجه مبتتغيرش بس اكيد هيقعد فتره طويله يكون على الاقل غير فيها طقمين بتمن الاصلى بس الفرق هيبقى فى الاداء والعمر الافتراضى اطول