ارجو مساعدتى فى الاختيار بين الوكيل والخليجى للسيراتو الشكل الجديد الفئة الثانية ex اللى فيها جنوط ١٦ - مالتى فانكشن - بلوتوث - ايرباج واحد وطبعا الكماليات الاساسية وسعر الوكيل ١٥٢٠٠٠ والخليجى ١٤٥٥٠٠ ايهما افضل؟
عرض للطباعة
ارجو مساعدتى فى الاختيار بين الوكيل والخليجى للسيراتو الشكل الجديد الفئة الثانية ex اللى فيها جنوط ١٦ - مالتى فانكشن - بلوتوث - ايرباج واحد وطبعا الكماليات الاساسية وسعر الوكيل ١٥٢٠٠٠ والخليجى ١٤٥٥٠٠ ايهما افضل؟
طلاما الاوبشنز واحد يبقى انت مش محتاج للخليجي إنما لو الخليجي فيها زيادات توكل على الله
لا خليك في الوكيل مادام نفس الاوبشن عشان الضمان افضل بس اهم حاجة يبقي فيها abs
السلام عليكم الفئة الي حضرتك بتكلم عليها انا سألت عليها امبارح عند سمير ريان خليجي 140000
خليك فى الوكيل علشان الضمان
توكل على الله فى الخليجى بس اهم حاجة يكون فيها Abs
الصراحة الضمان مهم جداً لانك ماتضمنش يحصل حاجة فيها
أنا معايا السيراتو من نفس الفئة (ex) هنا في السعودية
المفروض إن الموتور ما يتأثرش ما دام حطيت بنزين له نفس الأوكتين
على فكرة.. البنزين هنا 91 و 95 بس.. وموتور السيراتو بيشتغل على الـ91 بمنتهى السهولة ومن أي ضرر.
يعني في مصر.. أعتقد إنه ممكن يشتغل على الـ90... والـ92 أفضل بدون شك.
بس متهيألي اللي بيشتكو من موضوع البنزين ده بيحطوا بنزين 80.
لأ... الفئة دي مفيهاش (abs) للأسف... ودي أكتر حاجة زعلتني فيها بصراحة
بس بشكل عام.. العربية ثابتة كويس جدا في الملفات وفراملها حلوة.. خصوصا إن الكاوتش مقاس 205/55/16
على فكرة .. الجنوط الـ15 الحديد مقاسها 195/65/15... اللي هو نفس المقاس بتاع الأوكتافيا a4
[QUOTE=borio1704;3875400469]
أنا معايا السيراتو من نفس الفئة (ex) هنا في السعودية
المفروض إن الموتور ما يتأثرش ما دام حطيت بنزين له نفس الأوكتين
على فكرة.. البنزين هنا 91 و 95 بس.. وموتور السيراتو بيشتغل على الـ91 بمنتهى السهولة ومن أي ضرر.
يعني في مصر.. أعتقد إنه ممكن يشتغل على الـ90... والـ92 أفضل بدون شك.
بس متهيألي اللي بيشتكو من موضوع البنزين ده بيحطوا بنزين 80.
شكرا على التوضيح وجزال الله كل خير
السلام كليكم انا اسف على التاخيرفي الرد حضرتك انا لسا مكلم استاز محمد دلوقتي لما شوفت الرد زي مألت لحضرتك الكمليات جنوط 16بلوتوث ومالتى فانكشن وايرباج واحد ومفهاش absوفي فئة 139الف مفهاش الجنوط جنوط طساط بس فيها abs ولو حضرتك عاوز تسال بنفسك انا ممكن اكتب لحضرتك نمرت استاز محمد عوض واستاز محمد الدخيم انا اتعملت مع الاتنين ناس محترمين جدا وعلى فكرة السيراتو الخليجي فيها اكتر من 10فئات وتحت امرك
اللهم امين يا رب مستني رد حضرتك
السلام عليكم ... انا بفضل انك تجيب الخليجي و على فكره انا مش بافتنع ان في فرق في التكيف و اللون و كدا ديما بحس انو نفس العربيه فروق بسيطه اوي في التكيف تكاد لاتكون ملحوظه ... بس الحلو في الخليجي انو امكانيات اكتر و سعر اقل من التوكيل و الفرق بيوصل لي١٥٠٠٠ واكتر فعشان كده ارشح الخليجي و لو حضرتك متخوف عشان الضمان ممكنتروح تعمل تصالح و تدفع حوالي ١٥٠٠ في السنه
التصالح بيكون انك بتروح التوكيل اول ماتجيب العربيه و بيكشفو عليها وبعدين بيخيرك ما بين انك تشتري الضمان لمده اقلها سنه و بتكون بحوالي ١٥٠٠ جنيه و اقصها٤ سنين تقريبا و بيكون سعر ال٤ سنوات ضمان ٦٠٠٠ جنيه و بعد ما تحدد الالمده و تدفع بتكون العربيه لبها ضمان على عيوب التصنيع كانك شاريها من التوكيل بالضبط ... و غير التوكيل في مركز اسمو aaa بردو بيعمل نفس القصه و الميزه فيه انو بيكون اسرع من التوكيل في وقت التصليح و الصيانه ... فا اناانصح حضرتك انك تشتري ضمان لمده سنه واحده من التوكيل لان اغلب عيوب التصنيع بتبان اول سنه او اول ٢٠،٠٠٠ كيلو و ده نصحتي لحضرتك
مادام الفئتين زى بعض يبقى خليك فى الوكيل احسن عشان الضمان
السلام عليكم ا / احمد
انا كلمت ا/ محمد عوض فى التليفون بس قاللى مايقدرش يقول اسعار او مواصفات الا لما اروح وانا النهاردة كنت هناك وسالت لقيت الاسعار ١٤١٠٠٠ للفئة جنط ١٥ سبور مع abs و١٤٦٠٠٠ للفئة جنط ١٦ وبلوتوث ومالتى فانكشن وايرباج ومفتاح ريموت وبدون abs والصراحة محتار لانى ابتديت افكر فى الوكيل لنفس الفئة ex وسعرها ١٥٢٠٠٠ بس بدون مفتاح ريموت! أو استنى معرض اوتوماك بيقولوا فيه خصومات كتير والله المستعان
خد بالك ان معظم الخليجى مفيهوش إيمبوليزر ( مانع إدارة المحرك ) لكن كل فئات الوكيل الامبلويزر أساسى فيها
وعشان تتأكد لما تتفرج على العربية وتحط المفتاح فى الكونتاك مع اول فتحة كونتاك لو فيها إيمبلويزر بيظهر علامة عربية جنبها مفتاح لونها أصفر فى التابلوة لو مظهرتش يبقى مفيهاش
http://www.topkodas.lt/images/EBAY/IMMO/immo_lamp1.jpg
انا من رأي ان انتا تستنا معرض اوتوماك انا سمعت ان هيبقا فية خصومات كتير هنشوف وسعتها نأدر نقرر
ان شاء الله نستنى ونشوف وربنا يسهل لينا جميعا