انا عايز اعرف ازاى بشغل الموبيل على الmp3 علما بان الmp3 سونى شاشة عريضة ومش عارف اشغل الموبيل عليه ازاى
عرض للطباعة
انا عايز اعرف ازاى بشغل الموبيل على الmp3 علما بان الmp3 سونى شاشة عريضة ومش عارف اشغل الموبيل عليه ازاى
الموبايل مش هيشتغل على الكاسيت
لأن المفروض فيه حاجه تركب جوه الكاسيت علشان يشتغل البلوتوث
كلم التوكيل و أسألهم تتكلف كام علشان البلوتوث يشتغل
مبروك العربية يافندم , ربنا يبارك لحضرتك فيها و يديك خيرها و يكفيك شرها, ممكن اسال ليه حضرتك فضلتها على المازدا 3, مع ان ممكن بنفس المبلغ تجيب مازدا حالة نادرة او موديل اعلى ؟؟؟ و اعتقد ان المازدا شاسية فورد ايضا !!!
ربنا يباركلك فى العربية وشكرا عالتقرير الموضوعى كعادتك يا ا/احمد :x1[1]:
مبروك العربية ياباشا, ربنا يديك خيرها و يكفيك شرها و متشكرين على المعلومات القيمة عن الفوكاس و حببتنى فيها مع انى لسا مشترى فيستا و جزائك الله خيرا و جعله فى ميزان حسانتك.
قطع الغيار اسعارها ايه ومتوفره ولا ايه
بص, مفيش سبب معين, بس بعد مجربت الفوكاس قبل الشراء و قاعدت جواها, و رجعت ركبت المازدا, حسيت فعلا ان الفوكاس اقيم و فئة اعلى, من حيث الفرش و الخامات و و التقفيل (طبعا المازدا جميلة و سعيت لامتلاكها كام مرة), بس فى الأخر ارتحت للفوكاس اكتر. و اعتقد المازدا اكيد سحبها اعلى من الفوكاس, بس متهيالى الفوكاس ثبات اعلى.
بص كعادة العربيات الأوروبى, قطع الغيار متوفرة عن متخصصين الفورد, اشهرهم فى دمشق يافا و رؤوف سامى فخرى, بس حسيت ان سامى فخرى افضل. قطع الغيار الأصلى بشكل عام غالية شوية, لكن فيه بدائل كويسة متوفرة.
مساعدين اصلى بتتكلم فى 1600 ل 1800 الجوز, 1200 الكونى و المونرو.
فلتر تكييف و هواء و بوجيهات بتتكلم فى متوسط 100 الى 150 تقريبا لل item
فلتر الزيت جبته بس مش فاكر سعره بصراحة
المساحات الأصلى بتتكلم فى 190 جنيه, و غالية لأن مفيش منها بدائل متوفرة (مكونتها مختلفى عن بقية السيارات), و الصينى ب 110 و جودتها مش كويسة.
الطنابير و التيل الأمامى متهيالى كانو بيتكلموا فى 1200 مثلا, و التيل كان فى حدود 300 ل 350 ج, و دول كانوا بوش