الموضوع: مشكلة فتيس اوتوماتيك (اين الحل؟)

معايا اكسيل اتوماتيك
كان عندي تسريب خفيف لزيت الفتيس اتجاهلت التسريب وبالزات ان خفيف جدا معرفشي مكانو
بالاضافه ان مقاس الزيت مظبوط
وفي يوم كنت في المريوطية ورايح بطلع علي الدائري لقيت الار بي ام بيعلي ولما بيغير بيكون في عضة شديدة في الفتيس
شوفت مقاس الزيت لقيتو ناقص حطيب زيت موبيل ب 55 جنية زي اللي انا كنت حاطو قبل كدا
العربيه اشتغلت كويس والنقل بقي مظبوط
رحت بعدها بيومين غسلت العربية ورحت للميكانيكي علشان يحدد مكان التسريب بالظبط
قالي اولسية الزيت بيسرب جبت واحد ب 10 جنية
واللي عمله الميكانيكي وهو بيغير الاولسية نزل حوالي لتر من زيت الفتيس حطو في جركن عندو
وبعد ما خلص حط الزيت تاني وشاف المقاس لاقه مظبوط
مع العلم انه تم تغير زيت الفتيس ومكملشي 5000 كيلو بس مغيرتش الفلتر ومعرفشي الميكانيكي نضفو ولا لأ
المهم بجرب العربية الاقي العربية بتنقل اول وتاني وتالت كويس
والرابع مش بتنقل خالص
رحت تاني يوم للميكانيكي رفع العربية ع الكوريك وجرب العربية وصل الار بي ام ل 6000 ومنقلتش
وطبعا كان لازم اروح لواحد بتاع فتيس اوتوماتيك
فمشيت حالي بالعربية 3 ايام وقررت اروح لبتاع الفتيسات 3 يوم بعد الشغل
وانا في الشغل وماشي علي الاوتوستراد
ابص الاقيه نقل الرابع (احمدك يا رب)
ملحقتش افرح بلاقيه بينقل ار بي ام 3.5
ولما بينقل للغيار الرابع لو حملت شوية علي الدواسة يفوت ويرجع تاني للغيار 3 والار بي ام يزيد
بعدها بيومين لقيت بقيت الغيارات اوقات بتستهبل وتنقل علي ار بي ام اعلي من 3 بعد ما كانت بتنقل علي 2.5
فقررت لتاني مرة اروح لصنايعي شغال في الفتيس
وروحت النهارده لواحد بتاع فتيسات اوتوماتيك
قلتلو اللي فيها قالي افتح الكبوت
فتحت الكبوت طلع مقاس الزيت وقعد يشم فيه وقالي الزيت محروق كدا تبقي الاسطوانات والكلتشات بتاعت الفتيس فيها مشكلة
وقالي الفتيس محتاج عمره ريح دماغك وهات واحد استيراد من عند تامر التركي في صقر قريش ب 1200 جنية وتركيب 200 جنية -قولت اروح اشوف النظام ايه لقيتو بيقولي الفتيس ب 1500
المهم انا طلعت من عندو متنكد لسه صارف عليها 800 جنية الاسبوع اللي قبلو
المهم قلت هروح لواحد تاني
رفع العربيه وقعد مكان السواق وقعد يلعب في الزرار اللي في الفتيس over drive اللي بيعلي الار بي ام
و جرب العربية لقي الفتيس غير الاربع غيارات كويس جدا قالي مفيش مشكلة
قلتلو تعالي نجرب
جربنا نقل كويس بس علي ار بي ام ازيد من 3
فقالي مفيهوش مشكلة انا ضاغط علي البنزين جامد
قالي انا ممكن اخليهولك ينقل علي ار بي ام اقل
مرضتشي ومشيت
كنت زعلان كدا هلبس في فتيس جديد
رحيت دماغي وقابلت واحد صاحبي وعيشت حياتي المهم
وانا مروح علي الكورنيش اذ فجأتن العربية ماشية اوز الاوز والغيارات تمام
ومش بس كدا صوت العربية كان عالي قوي لقيتو بقا هادي
وانا مش مصدق نفسي
فمحتاج حد يفسرلي الكلام ده
وربنا يسترها وميكنشي فيه حاجة :D

تهييس كنترول ياباشا انا كان معايا اكسيل اتوماتيك عملت معايا مره الحركه دي شيلت كابل البطارية وركبته ظبط معايا ساعتها