عرض للطباعة
السلام عليكم ورحمة الله وبركاته
الحقيقة لأنى عارفه ان الأعضاء هنا بيوصفوا صح
علشان كده قلت أٍسأل واتأكد منكم
عاوز اروح قسم قصر النيل
أتفرجت على خرايط وعرفت أنه فى شارع اسمه عائشة التيمورية
جنب الفور سيزونز نايل بلازا
أروح أزاى بقه من على كورنيش المعادى
يعنى لو دخلت الشارع اللى هايطلعنى على كوبري المنيب
امشي أزاى بعدها؟
ولا آخد شارع البحر الأعظم وكوبري الجلاء وكوبري قصر النيل
وأدخل من بعد الكوبري يمين لغايه لما أوصل للفورسيزون
بصي انت حتطلعي علي كورنيش المعادي في إتجاه الدائري و تعديه و تكملي في الكورنيش حتلاقي قدامك صينية حتدخلي من جنبها حتلاقي في وشك طريق شمال عبارة عن مطلع كوبري و طريق سطحي يمين ده أدخلي فيه و حتلاقي نفسك مكملة مع الكورنيش و حيقابلك كوبري الملك الصالح إطلعيه و بعد كده حتلاقي نفسك في ميدان فم الخليج و حتفي في إشارة و بعد كده تكملي زي مانتي علي طول في شارع القصر العيني و و حتلاقي رصيف بيقسم الشارع نصين فحتاخدي انت شمال الطريق و رابع شارع علي إيدك الشمال بعد ما تدخلي شمال الرصيف هو الشارع اللي فيه القسم و علي ناصيته محل عصير مش فاكر اسمه و قدامه جرنان روز اليوسف الناحية التانية بس هو ممنوع الدخول فيه من القصر العيني فالأفضل إنك تشوفي أي ركنة في القصر العيني بدل ما تدخلي تتوهي في شوارع جاردن السيتي و بعد كده حتدخلي الشارع و حتلاقي في وشك عيل طول شارع يمين و شارع شمال و ده حتدخلي فيه و حتلاقي القسم علي إيدك اليمين علي طول .
أتمني أكون أفدتك و لو عندك أي استفسار تاني اتفضلي
بالظبط الفورسيزون اللى على كورنيش القاهره مش الجيزه .... معادى كورنيش طوالى كانك رايح التحرير و فى نص القصر العينى عند تسيباس اركن و ادخل جاردن سيتى ماشى مفيش 5 دقايق هتوصل للقسم
شكرا شكرا شكرا للوصفات
جزاكم الله كل خير
تسلمولى على الاستجابة
بارك الله فيكم