لو مكانك هشتري شيفورلية كروز
عرض للطباعة
لو مكانك هشتري شيفورلية كروز
الريو أبعادها أسهل-جراية عن الفلوانس-إستهلاك بنزين أقل-150 تشتري الفئة الكاملة -قطع غيارها أرخص سيكا- شنطتها معقولة-شبابية أكتر
الفلوانس أبعادها أكبر-مش بتاعت جري-أفخم و أشيك-150 هتجيبلك أول فئة أوتو-قطع غيارها أغلى سيكا- شنطتها أكبر-عائلية أكتر
السعر
فلوانس أول فئة أوتو 155
ريو أعلى فئة سيدان 148
ريو تتميز بالآتي
جنوط رياضية-طي المرايات الجانبية بالكهرباء-مصابيح فوج أمامية-USB-فتحة سقف كهرباء-تكييف تاتش
فلوانس تتميز بالآتي
تحكم بالمصابيح-باور كهرباء-مساخات زجاج حساسة للمطر-كشافات أمامية حساسة للإضاءة-مساحة صالون و شنطة
هتلاقي الريو بتكتسح في الكماليات الشبابية و عشان تجيب زيها فالفلوانس لازم تروح لأعلى فئة 170 ألف
لكن الفلوانس بتكتسح في الإحتياجات العائلية بالإضافة لنقطة الثبات
و الأتنين فيهم airbags-ebd-abs
لكن الإعتمادية و الآداء و المقارنة بين التوكيلين مقدرش أفيدك
المهم روح أركب الأتنين (بس أركب الفئة اللي هتشتريها) و خد قرارك بنفسك
تقبل تحياتي
النترا 2014 فيس لفت ممتازة . صالون واسع عربيه محترمه بس خدها كامله بلاش الفاضى
ممكن تحط في حساباتك ( كيا سيراتو ) الفئة التانية اوتو
انا كنت داخل اقولك شارك لأنها من رابع المستحيلات تحك في اتخن مطب في مصر + انها عائلية جدا كصالون بس مع ضيق الشنطة فعلا + ان ليها مركز خدمة تابع لدايموند في الغردقة (شركة المارينا في شارع الحجاز)... بص العربية دي ركب فيها خمسة وعبي الشنطة على آخرها وادخل عدل على اي مطب وانت تشوف بنفسك... والعجيب ان العربية مرتفعة عن الأرض جدا بس ثابتة جدا جدا جدا في الطوالي وفي المنحنيات وعلى اي سرعة ومش هتبدأ تركز مع الدريكسيون غير عند الـ180 فعلا...
بس حضرتك من ردك على أستاذ Jaguar تقريبا استبعدتها يمكن لطابعها الرياضي شوية، فعموما انا شخصيا هميل بعدها للكروز: شنطتها اكبر، بس ارتفاعها عن الأرض اقل وصالونها اصغر من الشارك... بس هميل ليها لأنها عربية راسية جدا على السرعات وافضل من بعض الياباني في الثبات + شكلها شيك ومحترم + ان ليها وكيل في الغردقة جنب الميناء بالظبط...
الفلوانس برضه ارتفاعها حلو بس اقل من الشارك + صالونها وشنطتها واسعين... معرفش ايه الكماليات اللي في اول فئة منها بس اكيد كتير، وطالما فيها اساسيات الأمان يبقى ده الأهم... وبرضه ليها مركز خدمة في الغردقة في شارع الحجاز قبل ميشلان على طول وفي الناحية المقابلة لموقف البيجو...