ساعدوني في بيع عربيتي ال 2008

**M.ABDEEN** · 29-01-2014 06:21 AM

السلام عليكم
بعد الاستخارة والتروي قررت ابيع عربيتي السيراتو ال 2008 وبصراحة كان في واحد معرفة حاطط عينه عليها من فترة المهم يعني محصلش نصيب مش علشان السعر لا يعني نتيجة امور خاصة المهم انا مش عارف اعرضها على النت والمواقع اللي موجودة ولا ابيع في السوق مع العلم اني جربت البيع في السوق قبل كده وبصراحة بتحس لما يكون عربية نظيفة تلاقي عصابة كده اتلمت عليك معليش اسف بس فعلا تلاقي هجوم عليك من الناس وخصوصا التجار ويقعدوا ينزلوا في تمن العربية باي شكل والواحد معندهوش خلق للتعامل مع الناس دي وخصوصا بقى اللي يقعد يقولك دي مرشوشة وهي لا واللي يقولك انت مش عايز تبيع واللي يقولك ده سعرك مش عارف ماله واللي يقول ده انا شفت احلى منها من كام يوم وكان مبلغها مثلا اقل وهكذا .....فتنصحوني بايه اعمل اعلان على النت ولا الزق ورقة على العربية ولا اروح السوق وامري لله ......ياريت تفيدوني لاني الحمد لله عربيتي نظيفة واستعمالي معاها راقي جدا ومش عايز بقى اخسر فيها ولا اقعد اجادل مع حد ولا البيع في الحالة دي لازم يكون فيه المواضيع دي .......

**abohend** · 29-01-2014 08:15 AM

يا باشا الموضوع مفيهوش تفكير
أريح لك النت: الناس هتجيلك لحد البيت أو الشغل أو المكان اللي أنت هتعرضها فيه ده غير إن مش هيجي غير اللي عايز يشتري, لكن اللي بيلف يتفرج بيروح السوق
أكسب لك النت: لأنك بتبقى كاتب السعر اللي أنت عايزه و التاجر لما يلاقي إنه مش هيكسب منك قد كده بيصرف نظر و يروح يعمل النصبة بتاعته على حد من اللي فالسوق
أنضفلك النت :لأنك مش هتقف بالعربية فالسوق و اللي رايح و اللي جاي يركب و يبهدلك الدواسات و يقولك رأيه و يفطس فالعربية

بص يا باشا أنا عملت موضوع مخصوص عشانك بنقل في تجربتي (لسه بايع من حوالي 10 أيام مش أكتر)
http://www.nilemotors.net/Nile/40284...post3875400250

تقبل تحياتي

**احمد المصرى** · 29-01-2014 08:22 AM

بص يا صديقى لانى مريت بنفس المرحله دى

اولا تصور العربيه 3 او اربع صور ( بدون نمر للامان ) صوره من الداخل وصوره من الخارج بكل العربيه بحيث ال عايز يشوفها بس يعتبر شافها علشان ال هيتعب ويجى يكون عايز يشترى فعلا مش جاى يتفرج علشان انت متتعبش

ثانيا :- بعد ما تحط الصور هتحط مواصفات العربيه بالتفصيل ورقم تلفونك طبعا وان شاء الله تتباع بسرعه بس انك كل كام يوم كرر الموضوع دا انا بعت عربيتى كدا عملت حوالى 4 اعلانات واخر واحد بالصوره وفعلا بعد كام يوم ربنا كرم وبعتها

**M.ABDEEN** · 29-01-2014 08:55 AM

شكرا جميعا واسف لازعاجكم باسئلتي وفعلا ان السوق فعلا العرض افضل بس بهدلة ووجع قلب مع الناس وفعلا انا ان شاء الله هبدء بالنت علشان الحمد لله العربية ممتازة واستعمالها راقي ومش عايز بقى تقلييب وتدووير وحجج والغرض منه تفطييس السعر وبعدين مرة قلت لواحد في عربية المدام وكنت ببيعها ومن غيظي قلتله لما هي مش عجباك عمال كل شوية تيجي تقلب وتفطس ليه في سعرها

**ramyraby** · 29-01-2014 10:15 AM

المشاركة الأصلية كتبت بواسطة احمد المصرى

بص يا صديقى لانى مريت بنفس المرحله دى

اولا تصور العربيه 3 او اربع صور ( بدون نمر للامان ) صوره من الداخل وصوره من الخارج بكل العربيه بحيث ال عايز يشوفها بس يعتبر شافها علشان ال هيتعب ويجى يكون عايز يشترى فعلا مش جاى يتفرج علشان انت متتعبش

ثانيا :- بعد ما تحط الصور هتحط مواصفات العربيه بالتفصيل ورقم تلفونك طبعا وان شاء الله تتباع بسرعه بس انك كل كام يوم كرر الموضوع دا انا بعت عربيتى كدا عملت حوالى 4 اعلانات واخر واحد بالصوره وفعلا بعد كام يوم ربنا كرم وبعتها

الراجل المحترم ده كلامة مية مية اعمل وتوكل على الله وربنا يوفقك يا باشا

**احمد المصرى** · 29-01-2014 10:57 AM

المشاركة الأصلية كتبت بواسطة abohend

[/color][/size]

ايه الفكرة من تغطية النمر؟؟؟

حرص لا اكثر ولا اقل وايه الفايده من اظهارها مجرد حرص بس

**M.ABDEEN** · 29-01-2014 12:34 PM

ربنا يسترها والله ويبعد الناس الوحشة عن الواحد ....
الناس فعلا ضميرها اتعدم وعادي كدب وخداع وحلفان وشوية اونطة ومش عارف او بيبقى عارف انه كده غلط وعموما ربنا يهدي ....
بس برده عرفت ان احد المواقع لعرض العربيات للبيع التجار مسيطريين عليه وبيعملوا شوية الاعيب كده علشان يسوقوا لعربية ما ويا سلام بقى لو واحد غلبان وقع تحت ايديهم بيقنعوه بطريقة دبلوماسية كده سواء انه يبيع او يشتري من خلالهم وبيعتبروا كده عادي .... ربنا يرحمنا والله
المهم برده ربنا يسهل واعمل بنصيحتكم وربنا يوفق ويوقعني مع واحد كويس علشان ربنا يبارك للواحد وشكرا على نصايحكم الجميلة

**M.ABDEEN** · 29-01-2014 11:51 PM

في بعض الاعضاء المحترميين بعتوللي على الخاص فعلا وانا ملتزم معاهم لغاية بكرة ولو في نصيب يبقى الحمد لله ولو مفيش برده مفيش مشكلة هبدء بعرضها مع الصور زي ما حضراتكم قولتوللي على المواقع الخاصة بالبيع وشاكر تعاونكم ونصايحكم الجميلة ونقل خبراتكم في البيع والشراء .....واسف للاطالة وشكرا

-

-

الموضوع: ساعدوني في بيع عربيتي ال 2008

LinkBack

أدوات الموضوع

عرض

النت مفيش كلام -

-

-

-

المواضيع المتشابهه

عربيتي سيلفر و عايز اغير اللون .... ساعدوني بازواقكو

ادخلوا و ساعدوني في تعديل عربيتي

ساعدوني محتار بين لانسر سوبر اكشن 2008 و اوكتافيا a4 2008

ساعدوني لتسعير عربيتي الأبيزا 94

ساعدوني في تسعير عربيتي

الكلمات الدلالية لهذا الموضوع

المفضلات

المفضلات

ضوابط المشاركة