لوحات السيارات الجديدة ,,, مش جديدة قوي

**Nader** · 27-09-2008 09:34 PM

المشاركة الأصلية كتبت بواسطة haima

على فكرة الارقام دى هى الارقام العربية ( حتى الاجانب فى بلادهم بيسموها كدة )

اما الارقام اللى بنستعملها فهى ارقام هندية تصورو !!

كلام صحيح 100%

**ahmed1981** · 28-09-2008 10:17 AM

مشكور على الموضوع
اللوح الجديدة أفضل إن شاء الله

وواضح من لهجة الموضوع أنه منقول من مواقع خليجية

ألف شكر

**ahmed1981** · 28-09-2008 10:23 AM

المشاركة الأصلية كتبت بواسطة haima

على فكرة الارقام دى هى الارقام العربية ( حتى الاجانب فى بلادهم بيسموها كدة )

اما الارقام اللى بنستعملها فهى ارقام هندية تصورو !!

كلام سليم

ولكن الأرقام الهندية أيضاً لم تكن مكتملة قبل الإسلام
ولم يكن بها الصفر مثلاً
ولكن علماء المسلمين هم الذين طوروها لصورتها الحالية

ثم بعدها إخترعوا الأشكال الجديدة للأرقام العربية

أي أن كل من الأرقام العربية والهندية هي من تطوير المسلمين

وبالتالي فالعرب من حقهم إستعمال أي نوع منهما بدون حرج

**mohamed_88sk** · 28-09-2008 11:29 AM

مشكور على الموضوع
اللوح الجديدة أفضل إن شاء الله

وواضح من لهجة الموضوع أنه منقول من مواقع خليجية

ألف شكر

هو فعلا من كذا موقع خليجي بالتحديد سعودي بس أنا نسقتهم في موضوع واحد , وده لأني كنت بعمل سيرش فوجدتهم فقلت أوريهم ليكو ,,

كلام سليم

ولكن الأرقام الهندية أيضاً لم تكن مكتملة قبل الإسلام
ولم يكن بها الصفر مثلاً
ولكن علماء المسلمين هم الذين طوروها لصورتها الحالية

ثم بعدها إخترعوا الأشكال الجديدة للأرقام العربية

أي أن كل من الأرقام العربية والهندية هي من تطوير المسلمين

وبالتالي فالعرب من حقهم إستعمال أي نوع منهما بدون حرج

+111111
فعلا كلام سليم جدا شكرا بجد على مرورك الكريم .

**gemtawila** · 28-09-2008 11:42 AM

فيه لوحة كمان حروفها (ص ب أ ) ودى برده معناها (كفر) والعياذ بالله

**mohamed_88sk** · 28-09-2008 11:50 AM

لا حول ولا قوة إلا بالله ,,
أومال أيه أنهم قعدوا يفرزوا اللوحات ويشوفوا فيها السئ ويكنسلوه ؟؟؟
يا خبر
ص ي أ لأ وممكن تلاقي جنبها 999
يعني بيحدد رقم كمان ,
وصاحب السيارة مخدش باله من التركيبه دي

وغيره من الناس مأخدوش بالهم من اللوحات بتاعتهم في الترخيص؟َََ!!!
لا حول ولا قوة إلا بالله ,, ولسه ياما حيبان ..

**egynoor** · 28-09-2008 01:59 PM

السلام عليكم,
و الله أري ان اللوحات الجديدة متخلفة للاسباب الآتية:
أولاً: الهدف من اللوحات دائماً هو التفريق بين السيارات ..صح؟؟ اذن فلماذا نضع "مصر egypt " علي "كل" اللوحات لتحتل ثلث مساحة اللوحة؟؟ طب ما هو 99% من العربيات "مصر" أفهم ان نضع " القاهرة" أو " الجيزة" ...الخ زي النظام القديم و ذلك للتفرقة أو عدم و ضع أي شيء و زيادة المساحة المخصصة للحروف و الأرقام لكي تكون أوضح.

ثانياً: ما الداعي للون الأزرق و بهذه المساحة" الطاغية"؟... ماذنبي أنا لو كانت سيارتي لونها أحمر أو زيتي أو ...الخ؟و أين احترام الذوق العام؟ و تناسق الألوان و الكلام الكبير دة؟

ثالثاً: ما الداعي لبدء توزيع اللوحات علي بعض السيارات فقط مع عدم القدرة علي تغيير لوحات كل السيارات حتي السيارات الجديدة أو التي تجدد ترخيصها؟ أفهم أن يكون لدي المرور لوحات لكل السيارات و لا يبدء في التوزيع قبل ذلك " يقال أن المصنع المنتج لهذه اللوحات - و اللي أكيد تبع حد من الكبار- لا ينتج ال 60000 لوحة في الشهر فقط!!". قررت الحكومة تغيير اللوحات بحجة ان هناك عشوائية في اللوحات...حلو جدا .. دلوقت عندنا لوحات جديدة.. لوحات قديمة سوداء... لوحات قديمة بيضاء.. لوحات مؤقتة...و لوحات أخري مكتوبة بخط عِفش و بمقاسات مختلفة و كل هذا في فئة الملاكي فقط!!!! شكراً يا حكومة علي التنظيم الأمثل لعشوائية اللوحات. طبعاً كان الهدف الرئيسي "تظبيط" واحد من البشوات عن طريق فلوس شراء المصنع و فلوس تركيب المصنع و فلوس تشغيل المصنع تجريبياً و فلوس تشغيل المصنع فعليا و فلوس زيادة قدرة المصتع و فلوس ادراك أن اللوحات مش كويسة و محتاجين مصنع جديد. عمار يا مصر

**mohamed_88sk** · 28-09-2008 02:26 PM

وعليكم السلام والرحمة ,

ههههههههههههههههههه
والله عارف حضرتك أنا برضو مستغربي قوي حكاية _مصر egypt_ وحاسس أن اللي عامل فكرتها انها تتكتب بدل المحاقظات ده واحد نابغة زمانه ,,
أصل أكيد أغلب السيارات مصرية + مش بنخرج بسيارتنا برة مصر فمش محتاجه نكتب مصر ,, بيقلدوا الخليج أنهم بيكتبوا اسماء الدول , طيب الخليج ليهم عذرهم لأنهم بيدخلوا دول بعض بلوحة البلد مش بلوحة جمرك والداتا بيز بتاع مرورهم داخله على بعض وعندهم كل أرقام دول مجلس التعاون ,, فليه نعمل كده مش فاهم بصراحه,,
طبعا مساحة اللون واللون المشمئز نفسه غبي جدا
فعلا بيبوظ شكل السيارة العام ,, ليه متكونش كلها بيضاااااااااااااء ؟!! مش عارف أيه الحكمه من اللوب اللبني الغبي ده ؟!!!
معاك حق حضرتك في حكاية تظبيط المصنع دي ,

بس فعلا شكلها كوسه

بس فعلا حضرتك ما أظنش الطاقه الأنتاجيه متكونش كفت .. وليه مكنوش محضرين لوحات طول الفترة دي ؟!!!!

هم المفروض يبدأوا بالجديد في الترخيص مش يسيبوه كده ماشي بلوحة مؤقته ده بجد أستهبال يبقى ماشي مؤقت مدة طويله ويشوفوا اللي بيعيد ترخيص سيارته يدولوه برضو بس الأهم الجديد , مش الهرجله اللي حصله ,
في النهاية أشكر حضرتك على مشاركتك ورأيك الجميل .