فعلا لو يعملوا منها زي بتاعة ليبيا الطويله دي تبقى رائعه ,, ويقللوا منها اللون الغبي ده , شكرا على تعليقك أستاذي الفاضل
عرض للطباعة
فعلا لو يعملوا منها زي بتاعة ليبيا الطويله دي تبقى رائعه ,, ويقللوا منها اللون الغبي ده , شكرا على تعليقك أستاذي الفاضل
لونها مالوش وصف عندي غير انه غبي عشان دا مش لون ينفع على عربية خالص ولا ليه اي علاقة بالعربيات ولا من جوة ولا من برة
قصدي مافيش اي حاجة في اي عربية هيبقى ليها علاقة باللون دا من بعيد او من قريب
ولا التطريز اللي على البرواز
حاااااااااااااجة ..........ايع
الحكاية لها بعد امني
عشان نميز العشرة الاف سيارة اللي بيدخلوا من ليبيا و دول الخليج عن الخمسة مليون سيارة في مصر
و بعدين بعد سياحي عشان السياح لما يبقوا ماشيين يفتكروا انهم لسه في مصر
وبعد استراتيجي جغرافي
عشان السيارات اللى في حلايب وشلاتين تؤكد مصرية المنطقة
واهم بعد عشان السياح اللي يتخطفوا يتأكدوا ان مش مصريين اللي خاطفينهم لما يشوفوا نمر العربيات مش مكتوب عليها مصر
ده غير الابعاد التانية اللي لسه ما عرفناهاش
:1eye:
دى ياسيدى من اوليات نظرية التبادل والتوافق
عندك 3 خانات كل خانه يمكن ان تحتوى على حرف من 14 حرف تم اختيارهم
ثم 3 خانات كل خانه يمكن ان تحتوى على رقم من 10 أرقام من 0 الى 9
يبقى المجموع الكلى للوحات كلها = 14x14x14x10x10x10
وبالنسبه للمجموعه الأولى من اللوحات والتى تحتوى على حرف الألف فى الخانه الثالثه سوف يوجد منها
14x14x1x10x10 تبديله = 149 الف تبديله تقريبآ
تحياتى
ربنا يستر كلو اى كلام فا بيقولو انهم وخدين فى الاعتبار ان ال 3 حروف متجبش شتايم ولا حاجه
حضرتك جمعت وقولت مش بنخرج بسيارتنا برا مصر
مين اللي مش بيخروجو دول ؟؟
حضرتك كل عربيات النقل
والتريلات هتبقا مميزة بكلمة مصر يعني عربية نقل او مقطورة راحت الاردن ومكتوب عليها مثلا نقل البحيرة
مين هناك فالاردن يعرف فين البحيرة
لاكن لما تبقا كلمة مصر موجودة يبقا اكيد ليها لازمة
وغير كدا في عربيات كتيرة وبأعداد مش قليلة بتطلع برا مصر
فانا شايف ان كلمة مصر دي مفيهاش مشكلة نهائيا بالعكس دا تعريف كويس
وغير كدا انا شايف انها هتبقا مصلحة للناس لما تيجي تسافر مثلا من القاهرة لأسماعيليه او بورسعيد ميبقاش مكتوب عليها ملاكي القاهرة
وتلاقي الاهلي غلب الاسماعيلي ولا المصري 4 صفر
والجماهير العاقلة تكسر العربيات اللي مكتوب عليها ملاكي القاهرة
انا مشوفتش اللوحات عالطبيعه للأني جيت السعودية قبل شهر 8
بس واحد صحبي بعتلي صورة ليها بصراحة اللون واخد مساحه كبيرة ومش حلو
تاني حاجة ان مفيش غير مقاس واحد للوح واللي هوا مربع الشكل دا
يعني في عربيات مينفعش يركب فيها الا اللوح الرفيعه المستطيلة ليه اركب فيها حاجة هتشوه منظرها شكلا ولونا
دا اعتراضي على اللوح لاكني متفق بشده على وجود كلمة مصر:rockon::rockon:
اللوحات الجديدة في رايي افضل شوية
اصل بصراحه القديمة كانت شكلها بيئة موووووووت
ده غير بقي اني شوفت كام عربية الكام يوم اللي فاتت دي و الله العظيم كاتبينهم بالقلم الفلوماستر
لدرجة اني بقيت لازقة في العربيه خلاص و برضه مش قادرة اقري الرقم و لا الكلام
كده احسن
علي الاقل مش هيبقي فيها تزوير و لا فهلوة
مؤقتا يعني (لحسن حد لا قدر الله يفتكر اني اقصد علطول و لا حاجة بعد الشر):laugh6:
بس بصراحه الالوان بيئة اخر حاجة
انا عن نفسي مش عجباني خالص:ANSmile13:
و ميرسي ليك يا محمد علي الموضوع
تقبل مروري
طبعا انا مع كل الناس اللي مش مقتنعة بالتنسيق الفلاحي بتاع اللوحة بتاعتنا ....
بس عندي سؤال صغير ... في السعودية مثلا مكتوب اسم الدولة بس بدون محافظات زي اللوح القديمة بتاعتنا وفي نفس الوقت لما تشتري عربية من أي مكان في السعودية تقدر تتنقل بيها للمكان اللي انتا ساكن فيه بدون مواويل نقل الملف بتاعك لمرور محافظتك زي المهازل اللي بتحصل هنا....
هوه هنا هيحصل نفس الوضع والا كلمة مصر دهية لا تعني انها بلد واحدة !!!!
لأني عانيت وانا بنقل ملف العربية بتاعتي من مرور دولة الجيزة لمرور دولة الغربية لأن الملف ضاع في الطريق!!!!!!!!!!!!!!
اللون الازرق التيييييييرييييكييييواااز دة بششششششششششششششع بجد انا مش فاهمة مين الفنان اللى ابدع فى اللوحة دي بس اهى احسن من القديمة شوية
بس انا عجبانى اللوح اللى هي كانت مكتوبة دى بخط الايدد مش عارفة لييه و الارقام مش باينة كدة خالص :) لا كانت حلوة والله