مش بعيد اشتغاله من التوكيل علشان ينفض لتغيير الفتيس يجرب مع صاحب العربيه و فى فرع تانى و كمان حماية المستهلك
عرض للطباعة
مش بعيد اشتغاله من التوكيل علشان ينفض لتغيير الفتيس يجرب مع صاحب العربيه و فى فرع تانى و كمان حماية المستهلك
صديقي المواطن
قولا واحدا
إنت لو رجعتها لصاحبها مس حتاخد منه حق ولا باطل والدنيا متساويش خناقات مش حتوصلك لحاجة وأنا لو مكانك مبدئيا أعمل لفه عالحرفيين وبورسعيد أشوف نصاص للعربية وأشوف اﻷسعار لو لغاية 10 آلاف أركب لا والله أكتر أي صديق أو أنا بنفسي طالع الإمارات أو السعودية واﻷفضل اﻹمارات أجيبلي نص عربية بمبلغ تافه أو.مكنة بفتيسها أو على مزاجي منها رحلة ومنها أشوف الجديد كل ده ولا أدفع 31 ألف في فتيس أشتري من مواطن مصري وأنفعه على قفايه لو وقفت أعملها ميدالية العربية ولا أجيبلها فتيس ب 31 ألف جنيه والحلول كتير جدا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
دور علي فتيس استراد و ربنا يعوض عليك
بصراحه يا باشا صاحبك يستاهل
ليه ما كشفش في التوكيل قبل ما يشتري العربيه
؟
بالمناسبه يا جماعه العربيه صاحبى كان شاريها من شهرين وهى عامله 19000 كيلو لما راح التوكيل قالوا العربيه اخر مرة عامله صيانه من سنه كانت 24000 كيلو وقالوه كده خرجت من الضمان وهتغير الفتيس على حسابك
السلام عليكم
ربنا يعوض على صاحبك بس السؤال الي محيرني اززززاي يشتري عربية زي دي من غير ما يكشف عليها اصلا في التوكيل يعني هوه كان مستخسر ٥٠٠ جنية و لا كسل و لا ايه بالزبط ؟؟
قدر الله وما شاء فعل .. أولا حاول تتاكد هل فعلا يقدر يلعب في العداد ولا لأ .. لأني أعرف إنه مينفعش وملكش غير إنك تواجه التوكيل علشان يغيرهالك على حسابه ..اسوأ الامور زي ما قاله الإخوة الأفاضل إنك تلف لفة برة وتشوفه هتقدر تجيبه بكام .. وربنا يعوض عليكم
أنا بأه عندى مشكلة تانية خالص فى الموضوع ده....العربية من سنة و صيانات توكيل و كانت عاملة ٢٤ ألف كم.....هيعمل مثلا ٣٠ ألف كيلو عليهم يبقى الكيلومتر الكلى قول ٦٠ ألف.....أزاى عربية نيسان حديثة بقتيس Xtronic Cvt تجيب فتيس عند ٦٠ ألف كم؟؟؟؟!!!!!!!!!!!
علما بأن الفتيس ال cvt ملهوش صيانة و لا تغيير تروس و لا بودى فالف و لا اى شىء....يعنى لو لا قدر الله فيه مشكلة بيغير فتيس جديد على طول