حد جرب جهاز التتبع من انصالات
السلام عليكم ورحمة الله وبركاته
زي ما هو مكتوب فى العنوان كده بالظبط حد جرب جهاز التتبع من اتصالات.. انا دخلت على الموقع ولقيت الجهاز ب 1350 جنيه واشتراك شهري 75 جنيه وده بيجيبلك مكان العربية لو اتسرقت لا قدر الله.. وفيه كمام اوبشن انك تبطل الموتور بس ده بيحتاج جهاز كمان ب 50 جنيه... كنت عاوز اسأل لو حد جربه او يعرف حد جربه يحكيلنا عليه ويقولنا مين اللى ركبهوله...
كده انا خلصت السؤال الاول نيجي بقي للسؤال التانى
انا عربيتي النترا 2007 وكنت عاوز اعرف ممكن يركب فيها ايموبليزر ولا ﻷ ولو ينفع اجيبه منين وبكام ومين اللى يركبهولي
اخر حاجه بقي كنت عاوز اعرف ايه افضل طريقة لمنع سرقة السيارة
معلش انا طولت عليكو بس واحد صاحبي لسه عربيته مسروقة والواحد قلق... ربنا يسترها علينا وعليكو يارب..ارجو التفاعل من جميع الاعضاء واللى يعرف معلومة يقولهالنا.. والف شكر للجميع