متسول بشوارع القاهرة يجمع 400 ألف جنيه

**Amr Nasir** · 29-01-2014 08:49 PM

مسئول بإحدى شركات الوساطة فى الأوراق المالية، أن أحد العملاء لدى شركته يعمل متسولا فى الشارع، ويقوم بعمليات إيداع أسبوعية تصل إلى 10 آلاف جنيه، حتى وصل حجم محفظته التى يستثمرها بالبورصة إلى 400 ألف جنيه فى عام واحد.

وقال المسئول، الذى طلب عدم ذكر اسمه، اليوم الأربعاء، إنه أثناء سيره بسيارته فى منطقة "مصر الجديدة"، فوجئ بأحد المتسولين يمد يده له ويقول له " حاجة لله"، وبالنظر إليه فوجئ بأنه أحد العملاء لدى شركته.

وأضاف أن هذا المتسول أو المستثمر، البالغ من العمر نحو 60 عاما، يقوم بإيداع مبالغ مالية على فترات متقطعة تصل إلى 3 مرات أسبوعيا تقريبا، وفى كل مرة يقوم بإيداع ما بين ألفين وثلاثة آلاف جنيه.

وقال إنه عندما يأتى إلى مقر الشركة لإيداع أمواله عادة ما يكون مرتديا ثيابا مهلهلة، لكن لم يهتم أحد بذلك أو يشك أن يكون متسولا، خاصة أن حجم محفظته ليس قليلا بل تقترب من نصف مليون جنيه.

وأضاف أن أغلب تحركات محفظته عادة ما تكون غير مدروسة، ويميل إلى المضاربات والشراء العشوائى، ما أدى الى خسارته لأكثر من 70% من محفظته، ومع ذلك لا يزال يستثمر بالبورصة ويقوم بعمليات إيداع نقدية كل بضعة أيام حتى وصل حجم محفظته إلى 200 ألف جنيه مرة أخرى.

اية رأيكم نشتغل شحاتين دة بيقلك 10 الاف جنية في الأسبوع يعني في الشهر 40 الف دة مرتب وزير يا جدعان انت ممكن تشتغل شهر و تريح 3 شهور

**Ahmed_Adham** · 29-01-2014 08:54 PM

ده احنا اللي طلعنا غلابه يا بيه. بعد كده الواحد لما يقابل متسول في الشارع يقوله متشوفلي شغلانه معاك

**amoor89** · 29-01-2014 09:58 PM

يا جماعة الموضوع مش جديد موجود من زمان كنا بنسمع عن متسول مات ولقوا معاه شوال فلوس
لكن دلوقتى المتسولين اتطوروا يعنى مش هنبقى فى 2014 وهيشيل فلوسه فى شوال لا بيشلهم فى البورصة حاجة تشل

**besso** · 29-01-2014 10:22 PM

هههههههههههههههههههههههه
احنا اللى طلعنا غلابه فعلا هههههههههههههه

**Imhotep** · 29-01-2014 11:03 PM

كان فى موضوع هنا من فترة صاحبته كان صعبان عليها شحاته. . . و كالعادة انقسمت الاراء ما بين من يراهم محترفين و اصحاب املاك و ما بين من يراهم يستحقون. . . و الموضوع ده مهدى للى بيصعب عليه الشحاتين دول

**Ahmed TRAVCO** · 29-01-2014 11:05 PM

زمان وانا في ابتدائي كان والدي بييجي ياخدني من المدرسة وكان فيه دايما راجل بيشحت قدام المدرسة وله ساق مبتورة، فكان والدي بيديله اللي ربنا يقدره عليه ومع الوقت بدأ يديني انا الفلوس ويطلب مني اديهاله انا... المهم بعد ما سافرنا ورجعنا بعد كام سنة بسأل صحابي عن الراجل الغلبان بتاع زمان قالولي ده طلع عنده عمارة في طنطا وعمارة في زفتى (بلده)...والموضوع ده اشتهر عندنا جدا في التسعينات...

يونس شلبي -الله يرحمه- مكنش بيهزر لما قال لسعيد صالح في العيال كبرت: ايوة ابوك هيهرب مع واحدة شحاتة علشان فلوسها...

**Ahmed_Adham** · 29-01-2014 11:29 PM

المشاركة الأصلية كتبت بواسطة imhotep

كان فى موضوع هنا من فترة صاحبته كان صعبان عليها شحاته. . . و كالعادة انقسمت الاراء ما بين من يراهم محترفين و اصحاب املاك و ما بين من يراهم يستحقون. . . و الموضوع ده مهدى للى بيصعب عليه الشحاتين دول

على حسب ما اتربيت في الفلاحين، المقتدر هوه اللي محتاج الفقير وهوه اللي بييروحله لحد بيته ويديه اللي فيه النصيب سواء بمناسبه زي العيد مثلا أو في غير مناسبه لأن الفقير مهما اتعصر من الفقر مش بيجيله عين يمد ايده في الشارع ومنظر المتسول أو اللي بيشحت من الناس في الشارع منظر غير مألوف بالمره هناك ويمكن من المرات النادره اللي المحتاج فيها هوه اللي بيروح للمقتدر هوه وقت الدبح يوم عيد الاضحى.

لكن هنا في القاهره التسول مهنه وحرفه وتلاقي الواحد من دول واقف في نفس الشارع أو الاشاره طول اليوم كذا سنه قال يعني عمر الفلوس اللي بيلمها ما بتكفيه ياكل ويسكن طب ما طالما عندك صحه تقف على رجليك طول النهار كده متروح تشتغل يا أخي! وعندهم اصرار غريب على الالحاح ويحلفك باللي ماتو واللي عايشين من أهلك وتبقى داخل على المغرب ويحلفلك بالله انه مفطرش قال يعني يعني بذمه أبوه واقف من الصبح محدش اداله 2 جنيه يجيب قرصتين بعجوه حتى.

نصيحه لأي حد ياريت تطلع الصدقه والزكاه بإيدك لحد انت تعرف عنه انه محتاج بجد وبلاش تشجع المتسولين عشان ده اهدار لحق كل واحد بيشتغل وبيقلل قيمه العمل في المجتمع.