الموضوع: الميه فى القربه بتنقص

حط بودرة منع التسريب مع المية
كانت بتنقص عندي حوالي ربع لتر كل اسبوع برده من عند قفيز الخرطوم ولما حطيتها ما بقيتش تنقص الحمد لله

السلام عليكم اولا
المشكله الى عند حضرتك سهله جدا ان شاء الله وحلها ان حضرتك هتحل الافيز ده والعربية باردة قبل ما تشغلها وهتشيل الخرطوم من مكانه وهتنظف الماسورة الى بيركب فيها الخرطوم بصنفرة ناعمة لحد ما تشيل الصدأ الخفيف بعد كده هتركب الخرطوم تانى مكانة وتذود الميه فى القربة وتشغل العربية اول ما العربية تسخن هات مفتاح 6-7 حرق على رباط الافيز (الكوليه ) لان الخرطوم وهو بارد بيبقى ناشف شوية اما لما بيسخن تلاقيه طرى وهيجيب معاك رباط وان شاء الله تمنع نقصان الميه الموضوع ده حصل معايا والحمد لله اتحل بالطريقة دى

المشاركة الأصلية كتبت بواسطة alameer81

حط بودرة منع التسريب مع المية
كانت بتنقص عندي حوالي ربع لتر كل اسبوع برده من عند قفيز الخرطوم ولما حطيتها ما بقيتش تنقص الحمد لله

يا باشا شكرا على رد حضرتك انا دورت قبل كده على مانع التسريب مالقيتوش هنا فى الشرقيه مستنى لما انزل مصر اجيبه بالمرة

المشاركة الأصلية كتبت بواسطة amr elsisi

الحق نفسك احتمال الخرطوم مقوع
شيل الافيز واقطع حتة من الخرطوم وركبة تاني
وماتحطش مانع التسريب غير لما تعجز عن مكان التسريب
ولو نقصت تاني اكبس الدورة
وغريبة انك بتقول جبت جركن مياة خضرا
هوا انت كنت بتحط مياة عادية

لا ياعم انا كنت بحط ميه مقطره وبعدين التسريب شكله مش من الخرطوم لا التسريب فى اول الخرطوم بعد الافيزا

المشاركة الأصلية كتبت بواسطة mohamedebaid75

السلام عليكم اولا
المشكله الى عند حضرتك سهله جدا ان شاء الله وحلها ان حضرتك هتحل الافيز ده والعربية باردة قبل ما تشغلها وهتشيل الخرطوم من مكانه وهتنظف الماسورة الى بيركب فيها الخرطوم بصنفرة ناعمة لحد ما تشيل الصدأ الخفيف بعد كده هتركب الخرطوم تانى مكانة وتذود الميه فى القربة وتشغل العربية اول ما العربية تسخن هات مفتاح 6-7 حرق على رباط الافيز (الكوليه ) لان الخرطوم وهو بارد بيبقى ناشف شوية اما لما بيسخن تلاقيه طرى وهيجيب معاك رباط وان شاء الله تمنع نقصان الميه الموضوع ده حصل معايا والحمد لله اتحل بالطريقة دى

ان شاء الله هجرب الموضوع لا نى شاكك كده فى ان هو ده السبب
ده بس موضوع الافيز هو بيركب على طول احرق عليها ازى هو انا بمسكه بكماشه وافتح الافيز وبعدين ازقه بعيد عن الماسورة واشيل الخرطومه ولما اركبه اركبه برده بنفس الطريقه مش فاهم حته احرق عليه ازى

المشاركة الأصلية كتبت بواسطة dr_medoo

يا باشا شكرا على رد حضرتك انا دورت قبل كده على مانع التسريب مالقيتوش هنا فى الشرقيه مستنى لما انزل مصر اجيبه بالمرة

انا جبته من الاسماعيلية
لو تحب اجيبهولك وابقي اديهولك لما انزل الزقازيق انا تحت امرك, انت منين في الشرقية؟؟

بس نفذ الكلام الى الزملا قالوه في مراجعه الخرطوم ونظافة مكانه الاول قبل المانع