مشكله بالفرامل فى الانوس

**limo** · 10-07-2007 06:51 PM

امبارح وانا ماشى بليل كانت الفرامل كويسه وفجاه لقتها فى الارض م مفيش فرامل
،مشيت بشويش لغايه البيت ، صحيت الصبح قولت انزل اودى العربيه للميكانيكى , لقيت الفرامل رجعت كويسه تانى ,روحت برضو للميكانيكى قالى من غير ما يبص ده غيب ماستر عمومى ,طبعا انا حاسس انه بنسبه 90 % انه من الماستر العمومى بس فقولت اسأل برضو ليكون من حاجه تانيه والبيه الميكانيى مش واخد باله .
حاجه كمان لو طلع العيب من الماستر العمومى اجيب انهى نوع من الماستر وعايز اعرف سعر الاصلى بكام ؟
كمان هل يمكن اركب ماستر النوبيرا و هيبقى كويس ولا خلينا فى ماستر الانوس وخلاص ؟
-ممكن يكون العيب ده من السرفو بتاع الفرامل ؟
العربيه لانوس 99 اوتوماتيك

**ahmed1981** · 10-07-2007 07:19 PM

حسب توضيحك للمشكلة إذن هذا عيب ماستر رئيسي بشرط واحد إن الزيت ميكونش بينقص
لو زيت الفرامل لا ينقص إذن تغير الماستر الرئيسي بواحد جديد من أحسن نوع والحاجات دي بالذات الواحد يستنضف فيها على الآخر
الأنواع أنا معرفهاش والزملاء ممكن يدلوك على أفضلها :)

**Abdallah** · 10-07-2007 10:58 PM

معتقدش ان السيرفو ممكن يعمل كدة هو غالبا هو ماستر الفرامل وطبعا الافضل تغيره وتجيب الاصلى واعتقد انه بحوالى 300 جنيه.
بالطبع ممكن تركب ماستر نوبيرا كما افاد اخونا محمد ممدوح من قبل بس مش عارف هل لازم تشيل البلوف بتاعته وتركب بلوف لانوس ولا ايه..

**MMamdouh** · 11-07-2007 09:40 AM

العيب دة فعلا ماستر عمومى و خللى بالك ان الحركة دى ممكن تتكرر تانى بدون سابق انذار فا فرمل بحرص لحد ما تغيرة

الميكانيكى بتاعى قاللى ان ساعات كان بيركب ماستر اللانوس مكان ماستر النوبيرا لما بيبقى ماستر النوبيرا مش موجود... يعنى الماسترين بيركبوا على بعض و دة منطقى لان السيرفو فى العربيتين واحد

ماستر النوبيرا اكبر بحوالى 2.5 مللى و بالتالى حيقلل مشوار الدواسة شوية و ممكن تكون الدواسة اتقل سنة... انا شخصيا مجربتش التعديل دة بس ناوى اعملة ان شاء الله

انا سالت على الماستر بتاع النوبيرا لقيتة ب 175 بدون خزنة و بلوف... طبعا تقدر تفك الخزنة و البلوف من الماستر القديم و تركبهم على الجديد... او ممكن تجيب ماستر على بعضة بس دا حيخشلة فى 300 جنية ولا حاجة

MMamdouh

**MMamdouh** · 11-07-2007 01:07 PM

هات الماستر لوحدة ارخص

MMamdouh

**limo** · 23-07-2007 11:54 PM

شكرا اوى يا جماعه على الردود
الحمد الله انا حليت المشكله فعلا العيب طلع من الماستر العمومى غيرته
سعر الماسترماركه داك 300 جنيه وجبت معاهم طنابير امامى ماركه sk المانى وغيرت تيل والراجل خد مصنعيه حوالى 45 جنيه