عايز اظبط حاجات كتييييييير و انتوا اللى هاتفيدونى :')
سلام عليكم يا رجاله .. انا معايا f3 موديل 2007 و عايز اظبط حاجات كتير و مش عارف هاعمل ايه فين ولا بكام :')
اول حاجه عايز اغير كاوتش البابين اللى ورا علشان اتاكلوا و قفل الباب بقى صعب شويه .. يا ترى اشترى الكاوتش ده منين و بكام و مين يركبهولى كويس ؟!
تانى حاجه لمبه الصالون اتحرقت .. اجيب غيرها منين و تبقى بكام ؟!
تالت حاجه عايز مساحتين جداد .. منين و بكام برضه علشان انا لسه جديد و اول مره الف و اشترى لوحدى :d
رابع حاجه .. البربيريز اللى قدام مشروخ شرخ محترم ممكن اجيب غيره منين و بكام ؟!
خامس حاجه عايز طقم طاسات و ده من التوفيقيه عادى بس مش عارف هيا مقاسها كام اساسا .. هى بالجنط الحديد الستوك :d
سادس حاجه مسند الرجل الشمال اللى جنب الدبرياج اتكسر و محتاج غيره ضرورى جدا .. ممكن الاقيه فين ده ؟!
سابع حاجه و الاخيره الحمد لله .. عايز اغسل العربيه من بره و اغسل حوض الموتور و عايز ارفعها عند حد يشحملى العفشه و يربطها و يغسل العربيه من تحت .. فين و تتكلف كام برضه و يكون فى مدينه نصر .
انا اسف يا رجاله طلباتى كتير بس صدقونى انا مش عارف حاجه و مستنى رأيكم :)
و شكراااااااا :)
