كاتبين مؤخر كام يامتجوزين والقايمة ايه ظروفها؟ افيدونا..؟

**hobiko** · 31-01-2014 04:30 AM

ما كتبتش قايمة ............ لما فتحت الموضوع مع اهل مراتى قالولى احنا مستأمنينك على بنتنا مش حنستأمنك على شوية خشب

و لما جيت للمؤخر ....... قالولى احنا بنعامل ربنا و خلينا المأذون كتب على الصداق المسمى بيننا او حاجة زى كده

اهل مراتى بسم الله ما شاء الله اكبر كنت متوسم فيهم الخير و اثبتوا فعلا انهم اهل خير فعلا و كانوا متعاونين فى الجواز جدا بلا افراط و لا تفريط

**khaled_sabry** · 31-01-2014 07:16 AM

المشاركة الأصلية كتبت بواسطة r0xer

حاجة تانية.لو كتبنا عهود جواز زي اخواتنا المسيحيين فيها مشكلة؟ايه رايكم؟

افيدونا افادكم الله

يعنى ايه تكتب عهد جواز ؟؟؟
الموضوع ده مش شرعى عندنا و يتهيألى مايفرقشى عن الوعد الشفهى بحاجه

**hitman235** · 01-02-2014 08:22 AM

انا كنت موافق على مضض على مؤخر 60 الف و قايمه 80 الف و طبعا دى ارقام كبيره نوعا ما بس الموضوع كله اتفركش قبل الكتاب بسبب الطلبات الماديه الاخرى

**Imhotep** · 01-02-2014 08:52 AM

المشاركة الأصلية كتبت بواسطة r0xer

اشكركم جزيل الشكر وبارك الله لكم جميعا.

حاجة تانية.لو كتبنا عهود جواز زي اخواتنا المسيحيين فيها مشكلة؟ايه رايكم؟

افيدونا افادكم الله

المسيحيين فى مصر و بالذات الارثوذكس مفيش موضوع عهود الجواز ده. . . لو انا فاهم صح انت اللى تقصده هو اللى اسمه بره ال premarital agreement و دى بتبقى اتفاق قانونى بين الطرفين انه فى حالة الطلاق يحصل كذا و الست تاخد كذا و الراجل ياخد كذا و دى حاجة قانونية و ليست دينية. . . و الاتفاق ده بيتعمل لانه لو الموضوع اتساب عايم ففى حالة الطلاق القانون هناك بيسمح للست تتقاسم الثروة التى تم تكوينها اثناء الجواز مع الراجل و دى طبعا حاجة ممكن تكون مجحفة للراجل بس بيعملوها لان الست ظروفها اصعب فى توفير سبل المعيشة لنفسها
هنا فى مصر المسيحيين و بالذات الارثوذكس كل حاجة بتتم بأتفاق شفوى فى قعدة اتفاق قبل الخطوبة عشان كل حاجة تبقى واضحة. . . و غالبا بيرسى الموضوع على ان اللى يقدر يعمل حاجة يعملها و غالبا كله بيبقى مناصفة فى جهاز الشقة اللى هى طبعا على العريس هى و الشبكة اللى هى عبارة عن هدية و بالتالى مفيش لها قيمة معينة انما هى على حسب مقدرة العريس

**mrghost** · 01-02-2014 09:42 AM

كاتب مؤخر 15 وقايمه ب 93 الف جنيه بس انا مناسب من اﻻرياف فهى دى تقاليدهم بيكتبوا كل حاجه ف القايمه

**blazer** · 01-02-2014 12:37 PM

طب لو العريس جايب العفش كله ,, لازم يكتب قايمه و لا من حقه ميكتبش و يكتب المؤخر بس

**maskeen** · 01-02-2014 12:52 PM

مافيش قايمه...الموضوع ده فى الوسط عندى يعتبر اهانه

المؤخر مكتوب "المسمى بيننا"..

**أحمد كمال** · 01-02-2014 04:31 PM

المشاركة الأصلية كتبت بواسطة maskeen

مافيش قايمه...الموضوع ده فى الوسط عندى يعتبر اهانه

المؤخر مكتوب "المسمى بيننا"..

احنا بنات عيلتنا كلهم مفيش قوايم لان احنا بتجوز بناتنا مش بنأجر عربيات و فعلا الموضوع اهانة كبيرة

بالمناسبة ...... انا مطلق قبل كده و ما كنتش كاتب قايمة و خرجت بشنطة هدومي و بس ..... من غير ما يكون فيه قايمة و لا غيره ......

**maskeen** · 01-02-2014 10:51 PM

المشاركة الأصلية كتبت بواسطة drmsadek1979

انا مستغرب جدا من موضوع ان مفيش قايمة ده
انا في بلد أرياف مغيش جواز من غير قايمة
وبعدين اقل قايمة هنا من 200 الف وانت طالع
والمؤخر من 20 وانت طالع
عندنا مثلا العريس بيجيب الشقة والعفش والستائر والنجف
العروسة بتجيب المطبخ سواء خشب او الوميتال والاجهزة والسجاد
فيا ريت حد من الأفاضل يوضح لي اي موضوع الجواز من غير قايمة ده واي الضمانات البديلة للقايمة

انا متفهم يا فندم استغراب حضرتك
لكن الحقيقه ان الموضوع هو عادات ومفاهيم
فى الارياف زى ما انت بتقول كده ودى عاداتهم
فى الاحياء الغنيه فى القاهره بيبقى موضوع القايمه ده بيتفهم على انه ايصال امانه ونوع من التخوين والماديه..لان ايه معنى العفش والفلوس لما بنتك تتبهدل وتتهان! وبعدين هى الفلوس والعفش هى اللى هاتجبر الراجل انه يعامل الست كويس مثلا؟ طبعا لا...عشان كده الماديات بتبقى موضوع غير مهم قوى (باستثناء الشبكه عشان المنظره والمهر عشان الجهاز يبقى على مستوى)

ارجو ان ماحدش يزعل منى بس هو ده السائد فى الوسط الاجتماعى بتاعى