انا قلت ده في اكتر من موضوع سابق:
ببساطة شديدة انا شخصيا من رابع المستحيلات ادفع فوق الـ4000 في تليفون بلاستيك حتى لو امكانياته على الورق هي الأفضل في العالم... في نفس الوقت بلاش نوهم نفسنا بأداء الـS4 لأنه على الورق المفترض يكتسح الـiPhone وغيره من المنافسين زي الـHTC One الخ الخ... لكن على أرض الواقع لو شفنا فيديوهات بتقارن بين الS4 والـOne هنلاقي الأخير افضل واسرع في كل شيء تقريبا رغم ان البروسيسور مثلا في الـS4 اعلى... السبب هنا ان سامسونج مصرة على "حشو" كل الـflagships بتاعتها بـbloatware ملهاش اي لازمة بتخلي الجهاز يـlag بدون داع، فضلا عن الـTouchWiz اللي بطبعه يتميز بالبطء... في المقابل HTC وللمرة الأولى استمعت للانتقادات وعملت نسخة محسنة جدا من الـSense خفيفة الوزن -عكس النسخ السابقة- وده اللي مخلي كل المواقع المتخصصة زي PhoneArena وGSMArena وغيرهم ما زالوا مبهورين من سرعة الجهاز بعد اكتر من 10 شهور على اصداره...

القصة كلها ان سامسونج بتعتمد على الـbrand awareness لاسم Galaxy، بمعنى ان الاسم لوحده بقى كافي لانك تروح تشتري التليفون حتى من غير ما تعرف هو كويس ولا لأ، وفوق كده بتلعب بقى بالـbloatware وشوية الـair gestures والكلام ده وتحط مواصفات على الورق هي الأقوى... وتيجي في الواقع تلاقي الأداء عادي جدا واقل من المتوقع... في نفس الوقت تلاقيك ماسك موبايل "يبدو رخيص" في ايدك ودي حاجة مش حلوة... احنا مش في أمريكا اللي بيدفعوا down payment اقل من 200 دولار وبعدين يمضوا عقد سنتين يدفعوا كل شهر مبلغ عبيط مقابل التليفون والمكالمات والرسايل والنت وووو... لأ احنا بندفع دم قلبنا مرة واحدة في تليفون المفترض انه يكون "فخم" بجانب كونه اداؤه عالي... وبالنسبة لي ده لا ينطبق على سامسونج بتاتا... وحتى انا لمت اخويا لما اشترى الـS4 من السعودية اول ما نزل...

الحاجة اللي جامدة بجد من سامسونج هي الـNote3 وأداءها سلس جدا على غير العادة بسبب البروسيسور الـSD800 والرامات الـ3GB يمكن!!

Apple بقى كمان مستفزة جدا في أسعارها... يعني الناس كلها بتتكلم في شاشات اكبر من 4.5" ودول لسة عايشين في الـ4" وحتى مش FHD وتلاقي السعر اعلى بفرق حلو... ليه يعني؟؟ انا عارف ان الـ5sتحديدا جهاز حلو وفيه كاميرا محترمة وبروسيسور يعتبر اختراع وكمان الـiOS7 معدلين فيه ومقلدين الـAndroid الى حد ما في الـcustomization بتاعه... بس برضه السعر غبي جدا...
لو هختار بين الاتنين... يبقى iPhone وش رغم اني مش من محبي الحبسة في والقوقعة في عالم الـiTunes وغيره، بس زي ما قلت -ومع الاحترام لسامسونج- انا لو هدفع مبلغ كبير كده يبقى في حاجة looks and feels premium in the hand...

ولو عايز الـpremium build بتاعت Apple مع امكانيات Samsung من شاشة وبروسيسور وdisplay وكده يبقى عندي الـHTC One موبايل جبار... وانا شخصيا مستني الـM8 اللي نازل في اخر الشهر...