نظرية التطور حقيقة ولا تعارض الدين الإسلامي

نظرية التطور
هل هي تتعارض مع الدين بالفعل ؟ أم تتعارض مع قصص تم سردها لنا على أنها من الدين ؟
أنا نزلت قبل كدا موضوع عن التطور وكنت فاكرة إنه بيتصادم مع الدين
ولذلك ظللت فترة مصدومة في كل ماجاء في الدين
والحقيقة الأفكار دي كانت إنطلاق للبحث عن تعارضها الحقيقي مع القرآن بالأخص
ولقيت إن تقريبا مفيش تعارض
أنا مش ممكن هصدق إن نظرية التطور خرافة لإني عارفة أدلتها قوية جدا ولا ينكرها عاقل
وكمان مش ممكن هصدق قصة ليس عليها أي دليل واحد يدعمها
وهي قصة خلق آدم وحواء خلق مستقل
من خلال بحثي لقيت إن مفيش آية تتعارض مع نظرية التطور
وكمان لقيت فيديو بيدعم اللي توصلتله

The Theory of Evolution l نظرية التطور الجزء الأول - YouTube

The theory of evolution - هل ما زلنا نتطور؟ وعرض مستوى الدعم عالميا - YouTube


وعندي على فكرة أدلة تانية تدل على إن آدم ليس من خلق مستقل
بل تم إصطفاءه

فالموضوع دا بكتبه لهدف تصحيح خطأ الموضوع السابق
ولو أنا غلطانة في دا صححوني

Axeer Studio | إسلاموفوبيا |فاضل سليمان|21| الداروينية والتطور - YouTube

في الثانية 3:15 الدكتور وقع في خطأ و أسمحولي بتصححيه
خطأ نقول إن السمكة كانت عايزة تطلع على البحر
اللي حصل إن حصلت على ملايين السنين "بالمفهوم الدارويني" : ( أخطاء جينية ) بالمفهوم التطوري ( إختلافات جينية )
اللي هيا الطفرات
أنتجت نوع آخر بعد تراكمات طويلة من الإختلافات على ملايين السنين
ف كلمة "كانت عايزة " دا خطأ علمي

انصحك بكتاب ابى ادم للدكتور عبدالصبور شاهين بيتكلم فى نفس الموضوع

اقتباس:

---

المشاركة الأصلية كتبت بواسطة ahmedabutaleb

انصحك بكتاب ابى ادم للدكتور عبدالصبور شاهين بيتكلم فى نفس الموضوع

---

بشكرك على المشاركة المفيدة
هنا الكتاب
https://archive.org/stream/AbyAdam#page/n0/mode/2up

هقراه وبعدها هقول رأيي فيه

مرة واحد بيقول لبنته ان احنا من نسل آدم وحواء
فبنته قالتله بس ماما قالتلى ان الانسان أصله قرد
الأب قالها انا بتكلم عن عيلتى انا ماليش دعوة بعيلة مامتك

اقتباس:

---

المشاركة الأصلية كتبت بواسطة fepsceasar

مرة واحد بيقول لبنته ان احنا من نسل آدم وحواء
فبنته قالتله بس ماما قالتلى ان الانسان أصله قرد
الأب قالها انا بتكلم عن عيلتى انا ماليش دعوة بعيلة مامتك

---

قصدك عشان مامتها مؤمنة بالنظرية دا هيخلي أصلها قرد
وطالما باباها مؤمن بالخلق المستقل دا هيخلي أصله بشري
واللي مؤمن إن أصله كائن فضائي دا هيخلي أصله فضائي ؟!
الإنسان والشامبانزي لهم أسلاف مشتركين لاكانوا بشر ولا كانوا قردة

في النهاية الرد مش نكتة ولا مضحك بيدل على قلة وعي الأب وقلة إحترامه لزوجته

‫الدين والتطور‬‎ - YouTube

هنا الأدلة

اقتباس:

---

المشاركة الأصلية كتبت بواسطة إنسانة

قصدك عشان مامتها مؤمنة بالنظرية دا هيخلي أصلها قرد
وطالما باباها مؤمن بالخلق المستقل دا هيخلي أصله بشري
واللي مؤمن إن أصله كائن فضائي دا هيخلي أصله فضائي ؟!
الإنسان والشامبانزي لهم أسلاف مشتركين لاكانوا بشر ولا كانوا قردة

في النهاية الرد مش نكتة ولا مضحك بيدل على قلة وعي الأب وقلة إحترامه لزوجته

---

هو بيحكى نكته مش بيتكلم فى الموضوع العلمى

انا مش عارف كل واحد يتوصل لاستنتاج علمى يجى يكتبه هنا

فى منتديات متخصصه لكده

اقتباس:

---

المشاركة الأصلية كتبت بواسطة MOTOR HEAD

انا مش عارف كل واحد يتوصل لاستنتاج علمى يجى يكتبه هنا
فى منتديات متخصصه لكده

---

المواد العلميه أمر رائع و يجب تشجيعه
و ليس إنتقاده :oops2:

و يسقط اللت و العجن ...

لسه ما اتفرجتش على الفيديوهات اللى حاطها بس هشوفها إن شاء الله .. بحثت كتير فى الموضوع دا خاصة وقعدت فيه سنين بدون مبالغة .. ودخلت فى مناظرات مع المؤمنين بنظرية التطور وكان ادلتهم مقنعة فى بعض الأحيان واحيانا اخرى مكنتش بلاقى منهم غير تعصب للفكر لإنكار الوجود الإلهى فقط .. الخلاصة اللى وصلتلها .. ممكن يحصل تطور فى نفس النوع .. يعنى مثلا الخيول هتلاقى منها اصناف وانواع مع ان الأًصل منهم واحد وهكذا ..

لكن انه تطور من النشأة .. فدا درب من الخيال .. خصوصا فى قصة آدم وحواء .. لو فرضنا بالإحتمالات انه الإنسان تطور من مجموعة خلايا لحد ما وصل لمرحلة القرد ومن بعدها الإنسان .. فإيه احتمال انه يتطور خلايا لذكر وانثى يكملوا بعض تماما ويقدروا الأتنين يحافظوا على نفس معدل التطور مع مرور الزمن وتغير العوامل !
وليه التطور يخلق اجهزة تشريحية بالدقة دى وكل جهاز ليه مهمه محددة بيكمل نظام الكائن ككل فى الأخر .. وليه المراحل ما بين كل كائن والتانى اختفت؟ يعنى المرحلة ما بين القرد والإنسان .. الكائن الوسطى دا فين؟ وإذا كان ما قدرش يعيش فى العوامل البيئية المحيطة يبقا ازاى الكائن دا كمل وبقا إنسان .. وبعدين لما هو وصل لمرحلة القرد .. اكيد ما كانش قرد واحد كانوا بقوا جماعات .. ليه كلهم تطوروا بنفس الشكل للوصول لشكل الإنسان ! ..
الخلاصة الصدف لا تصنع اجهزة متكاملة .. ولو كان التطور من النشأة حقيقة لوجدنا اليوم العديد من المسوخ ..

وفى نظرى التشابه التشريحى بين الإنسان وباقى المخلوقات دا دليل على انه الخالق واحد ..

ياريت تشوفى الفيديو دا
تحياتى :)

[youtube]http://www.youtube.com/watch?v=wcyAUoWHh3o[/youtube]

اقتباس:

---

المشاركة الأصلية كتبت بواسطة حاتم سليم

المواد العلميه أمر رائع و يجب تشجيعه
و ليس إنتقاده :oops2:

و يسقط اللت و العجن ...

---

لكن بردو مش فى المنتدى الاجتماعى فى نايل موتور منتدى السيارات

ده غير انه موضوع مبهم القصد منه :17:

يعنى مش المكانيكيه بس لما قدراتهم ما توصلش لفهم جزء فى العربيه يفتى ويقول دى زياده وملهاش لازمه
ده تطلع بنى ادم هما كمان فيهم حاجات زياده

اظن ان القران موضح الموضوع و التفسيرات كتير
لا اامن بنظريه التطور

اظن ان قي كتاب ربنا الذي خلقنا ما يوضح كل شئ
وده طبعا للذين يؤمنون ان هو الخالق عزوجل