بعض سلوكيات وظواهر غريبة عند ابني الصغير سنة وعشر شهور ارجو المشاركة من اصحاب الخبرة

الزملاء الافاضل
السلام عليكم

كما في العنوان ابني الصغير حفظه الله عمره سنة و10 شهور و10 ايام ولم يبدأ الكلام سوي 3-4 كلمات مثل بابه -مامه -تكتك تكتك - ججه ججه فقط وقلقان عليه جدا افادني استشاري اطفال كبير بتابع معه بلزوم الكشف علي سمعه ..
ارجو ممن له خبرة افادتي بدكتور سمعيات او مركز متخصص لقياس السمع تمهيدا لتدارك الموقف مع العلم انه غير ميال للاختلاط كثيرا مع اطفال من عمره - فقط انا ومامته . وبيتنرفز ويتعصب ويزن كثيرا ويخبط راسه في اي شئ وعصبى نوعا ما .. ويضع اي شئ في فمه حتي لو غير نظيف او ريموت او موبايل لو ايده طالته .. وعايز والدته تفضل شايلاه وينام ساعات متقطعة بالنهار ويسهر طوال الليل ..ولا اعرف اي حلول لهذه المشاكل نتيجة خطأ مننا طوال العامين بتشغيل قناة الاطفال بالتلفزيون طيور الجنة وطيور بيبي ..الا اننا توقفنا عنها من حوالي اسبوعين ..
افيدوني افادكم الله ..وجزاكم خيرا ..

ابنك طبيعى يا باشا


من خبرتى مع ابنى الكلام ممكن يتاخر عادى ومعروف ان الاولاد بيتاخروا فى الكلام عن البنات وهو بيتكلم بس بسيط مع الوقت هيبق لهلوبه بس تخاف من بعد سن 3 سنوات مش الان

بخصوص فترات النوم انا ابنى قعد مده طويله عقبال لما بدا ينام كويس بليل ويصحى الصبح


بالنسبه لانوا مش واخد على حد ابنى كان كدا لحد لما راح حضانه حاليا بقا اجتماعى الحمد لله وبقا ليه اصحاب وتاقلم شويه

إعرض طفلك على طبيب مختص ولا تتأخر .. لو عنده لا قدر الله ضعف في السمع لازم يتلحق من دلوقتي
ودا شيء بيكون ملاحظ جدا من الأم
وعموما التصرفات اللي حكيتها طبيعية جدا ولكن الكلام قليل خالص ودا طبيعي لو عايش في جو زي اللي وصفته
حاول توديه حضانة
بخصوص النوم تتعب معاه شوية في النهار يصحى عشان ينام بالليل
والعصبية والنرفزة وكل دا طبيعي
ولكن أعرضه على طبيب مختص طالما راودك الشك

أنا بنتي لما كان عمرها سنتين كنت بقول برضو تأخرت في الكلام
لكن دلوقتي 3 سنين وماشاء الله مش عارفين نسكتها شوية >> ودا بعد ماراحت الحضانة

ياراجل دة بنت اختى نطقت بعد 4 سنين

ودلوقت فى الجامعة وزى الفل وزى القمر وعادى مفهاش اى حاجة

اطمئن حبيبى على ابنك

انت ياباشا بتتكلم على حال معظم الاطفال
طمن نفسك وماتقلقش
ان شاؤ الله ابنك طبيعي
على فكرة ابني تقريبا نفس الوضع
ولما نومه بيتقلب نقعد نحاول نعدله مدة ممكن تصل لاكتر من شهرين
وممكن يجي يوم ينام بالنهار من التعب او اللعب يرجع يصحى طول الليل ونقعد نعيد الكرة من تاني علشان نظبط نومه

اقتباس:

---

المشاركة الأصلية كتبت بواسطة احمد المصرى

ابنك طبيعى يا باشا


من خبرتى مع ابنى الكلام ممكن يتاخر عادى ومعروف ان الاولاد بيتاخروا فى الكلام عن البنات وهو بيتكلم بس بسيط مع الوقت هيبق لهلوبه بس تخاف من بعد سن 3 سنوات مش الان

بخصوص فترات النوم انا ابنى قعد مده طويله عقبال لما بدا ينام كويس بليل ويصحى الصبح


بالنسبه لانوا مش واخد على حد ابنى كان كدا لحد لما راح حضانه حاليا بقا اجتماعى الحمد لله وبقا ليه اصحاب وتاقلم شويه

---

شكرا أحمد باشا المصري ربنا يطمنك ..ويحفظلك أولادك ..

اقتباس:

---

المشاركة الأصلية كتبت بواسطة إنسانة

إعرض طفلك على طبيب مختص ولا تتأخر .. لو عنده لا قدر الله ضعف في السمع لازم يتلحق من دلوقتي
ودا شيء بيكون ملاحظ جدا من الأم
وعموما التصرفات اللي حكيتها طبيعية جدا ولكن الكلام قليل خالص ودا طبيعي لو عايش في جو زي اللي وصفته
حاول توديه حضانة
بخصوص النوم تتعب معاه شوية في النهار يصحى عشان ينام بالليل
والعصبية والنرفزة وكل دا طبيعي
ولكن أعرضه على طبيب مختص طالما راودك الشك

أنا بنتي لما كان عمرها سنتين كنت بقول برضو تأخرت في الكلام
لكن دلوقتي 3 سنين وماشاء الله مش عارفين نسكتها شوية >> ودا بعد ماراحت الحضانة

---

إن شاء الله جاري البحث عن متخصص للإطمئنان وعشان مكونش قصرت معاه والحضانة اكيد مرحلة جاية قريب جدا .. شكرا لك حفظك الله واولادك

اقتباس:

---

المشاركة الأصلية كتبت بواسطة الفجر

ياراجل دة بنت اختى نطقت بعد 4 سنين

ودلوقت فى الجامعة وزى الفل وزى القمر وعادى مفهاش اى حاجة

اطمئن حبيبى على ابنك

---

ربنا يحفظك واولادك شكرا طمنتني ..

اقتباس:

---

المشاركة الأصلية كتبت بواسطة أبو صلاح

انت ياباشا بتتكلم على حال معظم الاطفال
طمن نفسك وماتقلقش
ان شاؤ الله ابنك طبيعي
على فكرة ابني تقريبا نفس الوضع
ولما نومه بيتقلب نقعد نحاول نعدله مدة ممكن تصل لاكتر من شهرين
وممكن يجي يوم ينام بالنهار من التعب او اللعب يرجع يصحى طول الليل ونقعد نعيد الكرة من تاني علشان نظبط نومه

---

ربنا يحفظك ويطمنك يابوصلاح باشا ..موضوع اضطراب النوم والسهر طول الليل لحد 7 الصبح ده صعب قوى وبيفضل قاعد في اشد الاوقات برودة وممكن يتعب برد او رشح ..وحاولنا يقعد بالنهار او يخرج برضه عايز ينام مهما قعد يلعب او خرج حتي الموضوع صعب اوي في السن الصغيرة سنتين دي ..

سؤالين مهمين يعرفوك هو فيه فعلا مشكلة و لا تأخير بسيط و عادي

1- سمعه كويس؟ اما بتنده له و هو مديك ضهره بيسمعك؟ اما يبقى في اوضة تانية و يسمع صوت لعبة او كرتون اشتغل في التليفزيون الخ الخ الخ بييجي عالصوت؟

2- بيفهم اللي بتقولهوله الى حد ما؟ يعني تقول له تعالى ييجي؟ و انت بتغير له هدومه بيتعاون معاك (يرفع ايده و انت بتقلعه الفانلة الخ الخ ..... او تقول له حط ايدك في الكم بيحاول يحطها) ؟

مع ملاحظة : بيفهم .... مش بينفذ ....... مش قصدي بيقهم و ينفذ لانه ممكن يكون عنيد بيفهم و ما يعملش ........


لو الاتنين اللي فوق دول مفيهومش مشكلة يبقى ما تقلقش و شوية احتكاك في الحضانة مع اطفال تانيين و مدرسين و هيتكلم


بالنسبة لفحص السمع شوف اخصائي تخاطب زي د. محمود يوسف ابو العلا

د. محمود يوسف ابو العلا, مصر الجديدة, القاهرة, مصر | اطباء | Yellow.com.eg | 53 ش نخلة المطيعى

اقتباس:

---

المشاركة الأصلية كتبت بواسطة أحمد كمال

سؤالين مهمين يعرفوك هو فيه فعلا مشكلة و لا تأخير بسيط و عادي

1- سمعه كويس؟ اما بتنده له و هو مديك ضهره بيسمعك؟ اما يبقى في اوضة تانية و يسمع صوت لعبة او كرتون اشتغل في التليفزيون الخ الخ الخ بييجي عالصوت؟

2- بيفهم اللي بتقولهوله الى حد ما؟ يعني تقول له تعالى ييجي؟ و انت بتغير له هدومه بيتعاون معاك (يرفع ايده و انت بتقلعه الفانلة الخ الخ ..... او تقول له حط ايدك في الكم بيحاول يحطها) ؟

مع ملاحظة : بيفهم .... مش بينفذ ....... مش قصدي بيقهم و ينفذ لانه ممكن يكون عنيد بيفهم و ما يعملش ........


لو الاتنين اللي فوق دول مفيهومش مشكلة يبقى ما تقلقش و شوية احتكاك في الحضانة مع اطفال تانيين و مدرسين و هيتكلم


بالنسبة لفحص السمع شوف اخصائي تخاطب زي د. محمود يوسف ابو العلا

د. محمود يوسف ابو العلا, مصر الجديدة, القاهرة, مصر | اطباء | Yellow.com.eg | 53 ش نخلة المطيعى

---

اقتباس:

---

المشاركة الأصلية كتبت بواسطة أحمد كمال

سؤالين مهمين يعرفوك هو فيه فعلا مشكلة و لا تأخير بسيط و عادي

1- سمعه كويس؟ اما بتنده له و هو مديك ضهره بيسمعك؟ اما يبقى في اوضة تانية و يسمع صوت لعبة او كرتون اشتغل في التليفزيون الخ الخ الخ بييجي عالصوت؟

2- بيفهم اللي بتقولهوله الى حد ما؟ يعني تقول له تعالى ييجي؟ و انت بتغير له هدومه بيتعاون معاك (يرفع ايده و انت بتقلعه الفانلة الخ الخ ..... او تقول له حط ايدك في الكم بيحاول يحطها) ؟

مع ملاحظة : بيفهم .... مش بينفذ ....... مش قصدي بيقهم و ينفذ لانه ممكن يكون عنيد بيفهم و ما يعملش ........


لو الاتنين اللي فوق دول مفيهومش مشكلة يبقى ما تقلقش و شوية احتكاك في الحضانة مع اطفال تانيين و مدرسين و هيتكلم


بالنسبة لفحص السمع شوف اخصائي تخاطب زي د. محمود يوسف ابو العلا

د. محمود يوسف ابو العلا, مصر الجديدة, القاهرة, مصر | اطباء | yellow.com.eg | 53 ش نخلة المطيعى

---

الله ينور عليك يا بو كمال

اطمن يافندم انا ابني بالظبط عمره زي ابنك يوم بيوم هو مواليد شهر مارس 2012 الكلمه الوحيده المفهومه من كلامه عربيه بيقولها عبييه وبابا وماما وشويه هرتله في اللاوعي كده وبرضه بيزن كتير وعصبي جدا جدا وحتي كل ده مايقلقش موضوع السمع ده سهل جرب تنادي عليه باسمه شوفه هيسمعك ولا لأ انا رايي الشخصي ماترحش لحد لان الدكاتره ساعات بيعملوا مشكله من غير مشكله ماتحطش الموضوع في دماغك وان شاء الله الولد هيصدعك من الكلام وموضوع انا البنات بستبق الاولاد ده حقيقي لان بنت اخويا اكبر من ابني بشهرين وماشاء الله ربنا يحرسها بتتكلم من قبله وتعرف كلمات اكتر ده حتي في البلوغ البنات بستبق الصبيان

دا الطفل الاول ... صح؟
شكلها كلها حاجات طبيعيه ... وديه حضانه و خليه يندكج مع اطفال و اتاكد من الحاجات اللى احمد كمال قال عليها

اكشف على موضوع السمع من باب الاطمئنان

عايز الحل هتله اخ بالبلدى كده خاويه واستحمل الصداع والخناق مع بعض

ابنك ان شاء الله طبيعى اللى عنده بسبب فرجته على التليفزيون وخطأ منك ومن ممته
ربنا يباركلك فيه

اقتباس:

---

المشاركة الأصلية كتبت بواسطة أحمد كمال

سؤالين مهمين يعرفوك هو فيه فعلا مشكلة و لا تأخير بسيط و عادي

1- سمعه كويس؟ اما بتنده له و هو مديك ضهره بيسمعك؟ اما يبقى في اوضة تانية و يسمع صوت لعبة او كرتون اشتغل في التليفزيون الخ الخ الخ بييجي عالصوت؟

2- بيفهم اللي بتقولهوله الى حد ما؟ يعني تقول له تعالى ييجي؟ و انت بتغير له هدومه بيتعاون معاك (يرفع ايده و انت بتقلعه الفانلة الخ الخ ..... او تقول له حط ايدك في الكم بيحاول يحطها) ؟

مع ملاحظة : بيفهم .... مش بينفذ ....... مش قصدي بيقهم و ينفذ لانه ممكن يكون عنيد بيفهم و ما يعملش ........


لو الاتنين اللي فوق دول مفيهومش مشكلة يبقى ما تقلقش و شوية احتكاك في الحضانة مع اطفال تانيين و مدرسين و هيتكلم


بالنسبة لفحص السمع شوف اخصائي تخاطب زي د. محمود يوسف ابو العلا

د. محمود يوسف ابو العلا, مصر الجديدة, القاهرة, مصر | اطباء | yellow.com.eg | 53 ش نخلة المطيعى

---

شكرا لتعاونك أ.احمد
بالنسبة للسؤالين 1-في استجابة اكيد الحمد لله بيدخل الاوضة ويسمع لما بييجي اعلان ميسي وبيبسي وحاجات تانية بيحبها في الاعلانات او البروموهات اكتر حاجة بتشده حته هذا البرنامج برعاية والمزيكا..
2-ممكن لو رايق تعالي ييجي وعايز اديله الساعة في ايدي يحاول يفكها بتعجبه الحكاية دي انما تغيير الهدوم ده صراع غير متعاون فيه وبيضايق من الشوز وكان بيحاول يخلعها لكن دلوقتي تحسن شوية
وهشوف الدكتور ان شالله للاطمئنان ..
اكرر شكري وتقديري وبارك الله فيك ...

اقتباس:

---

المشاركة الأصلية كتبت بواسطة elnakshabandy

اكشف على موضوع السمع من باب الاطمئنان

عايز الحل هتله اخ بالبلدى كده خاويه واستحمل الصداع والخناق مع بعض

ابنك ان شاء الله طبيعى اللى عنده بسبب فرجته على التليفزيون وخطأ منك ومن ممته
ربنا يباركلك فيه

---

ربنا يرزقنا اخوه او اخته ..وخطا التلفزيون ده مش قادرين نسامح نفسنا عليه .شكرا لمشاركتك

اقتباس:

---

المشاركة الأصلية كتبت بواسطة mohamed_selim

دا الطفل الاول ... صح؟
شكلها كلها حاجات طبيعيه ... وديه حضانه و خليه يندكج مع اطفال و اتاكد من الحاجات اللى احمد كمال قال عليها

---

ايوة ياباشا الطفل الأول ربنا يحفظه ..الحضانه قادمة قريبا جدا ..شكرا لاهتمامك ..ورديت علي نقاط أحمد كمال القيمة ..

اقتباس:

---

المشاركة الأصلية كتبت بواسطة ahmedelfeky

اطمن يافندم انا ابني بالظبط عمره زي ابنك يوم بيوم هو مواليد شهر مارس 2012 الكلمه الوحيده المفهومه من كلامه عربيه بيقولها عبييه وبابا وماما وشويه هرتله في اللاوعي كده وبرضه بيزن كتير وعصبي جدا جدا وحتي كل ده مايقلقش موضوع السمع ده سهل جرب تنادي عليه باسمه شوفه هيسمعك ولا لأ انا رايي الشخصي ماترحش لحد لان الدكاتره ساعات بيعملوا مشكله من غير مشكله ماتحطش الموضوع في دماغك وان شاء الله الولد هيصدعك من الكلام وموضوع انا البنات بستبق الاولاد ده حقيقي لان بنت اخويا اكبر من ابني بشهرين وماشاء الله ربنا يحرسها بتتكلم من قبله وتعرف كلمات اكتر ده حتي في البلوغ البنات بستبق الصبيان

---

طمنتني ياباشا ربنا يحفظلك ابنك ويبارك في اولادنا جميعا وفعلا البنات بتسبق الولاد بنت واحدة قريبتي اصغر منه بشهرين وكلامها اكتر البنات منظمين وهاديين ..

اقتباس:

---

المشاركة الأصلية كتبت بواسطة avatar

شكرا لتعاونك أ.احمد
بالنسبة للسؤالين 1-في استجابة اكيد الحمد لله بيدخل الاوضة ويسمع لما بييجي اعلان ميسي وبيبسي وحاجات تانية بيحبها في الاعلانات او البروموهات اكتر حاجة بتشده حته هذا البرنامج برعاية والمزيكا..
2-ممكن لو رايق تعالي ييجي وعايز اديله الساعة في ايدي يحاول يفكها بتعجبه الحكاية دي انما تغيير الهدوم ده صراع غير متعاون فيه وبيضايق من الشوز وكان بيحاول يخلعها لكن دلوقتي تحسن شوية
وهشوف الدكتور ان شالله للاطمئنان ..
اكرر شكري وتقديري وبارك الله فيك ...

---

ما تقلقش

بالنسبة لانه بيسمع و ييجي تمام

بالنسبة لموضوع التعاون في اللبس ده عناد مالوش علاقة بعدم الفهم ...... قصدي اما بتطلب منه حاجة بيفهمها ........ يعني مثلا لو قلت له تعالى ييجي ....... البس الشبشب يلبسه (او يحاول حتى) الخ الخ الخ .............

اقتباس:

---

المشاركة الأصلية كتبت بواسطة avatar

ربنا يحفظك ويطمنك يابوصلاح باشا ..موضوع اضطراب النوم والسهر طول الليل لحد 7 الصبح ده صعب قوى وبيفضل قاعد في اشد الاوقات برودة وممكن يتعب برد او رشح ..وحاولنا يقعد بالنهار او يخرج برضه عايز ينام مهما قعد يلعب او خرج حتي الموضوع صعب اوي في السن الصغيرة سنتين دي ..

---

موضوع اضطراب النوم ده حله سهل جدا
لازم يقعد ما اطفال ويلعب معاهم ويروح حديقة فيها العاب وفيها حركة كتير
لو لسه صاحي من النوم خليه يلعب ساعتين مع اطفال في سنه او اكبر منه بشوية بسيطة وبعد كده هياكل وهتلاقيه راح في سابع نومة ممكن توصل لحد 10 ساعات نوم وتقدر بعدها تضبط مواعيده
يعني لما ابني نومه بيتقلب
غالبا يوم الجمعة اوديه الملاهي او الحديقة يلعب مع الاطفال واسيبه يعمل اللي يحبه كله
بعد كده واحنا مروحين في الطريق بيكون نام ويكمل لحد الصباح

الحل التاني هو الحضانة بس حل رخم شوية لان العيل بيرجع تعبان هينام ويصحالك على المغرب ويكمل سهر صباحي بس بيعلم الكلام بسرعة جدا وبيخلي الطفل اجتماعي جدا

اقتباس:

---

المشاركة الأصلية كتبت بواسطة أبو صلاح

موضوع اضطراب النوم دززه حله سهل جدا
لازم يقعد ما اطفال ويلعب معاهم ويروح حديقة فيها العاب وفيها حركة كتير
لو لسه صاحي من النوم خليه يلعب ساعتين مع اطفال في سنه او اكبر منه بشوية بسيطة وبعد كده هياكل وهتلاقيه راح في سابع نومة ممكن توصل لحد 10 ساعات نوم وتقدر بعدها تضبط مواعيده
يعني لما ابني نومه بيتقلب
غالبا يوم الجمعة اوديه الملاهي او الحديقة يلعب مع الاطفال واسيبه يعمل اللي يحبه كله
بعد كده واحنا مروحين في الطريق بيكون نام ويكمل لحد الصباح

الحل التاني هو الحضانة بس حل رخم شوية لان العيل بيرجع تعبان هينام ويصحالك على المغرب ويكمل سهر صباحي بس بيعلم الكلام بسرعة جدا وبيخلي الطفل اجتماعي جدا

---

الله المستعان ...هحاول مع نصائح حضرتك ..وجزاك الله خيرا ادعيله ...

انا هكون عكس كل الاخوة فى المنتدى وهقولك خاف على ابنك اكتر من كدة معلش استحملنى بس دى طبعتى مع كل الاطفال بس كميه المشاكل اللى شفتها فى حياتى
تعامل مع الموضوع بجديه واساله الاخ احمد كمال عميقه جدا ومحدش هيفهمها غير واحد مر بتجربه صعبه
فربنا يكرمك ويكرم ابنك ابعد عن الشك وابد فورا فى التالى
اولا كشف كامل على جهاز السمع كله فى مركز متخصص لمعرفه نسبه السمع
ثانيا لو السميع سليم اعرضه على مركز تقييم اداء الاطفال (يمكن اكون متشائم شويه بس والله مفيش احسن من الاطمئنان على الاطفال فى الصغر ) لاسف التليفزيون لاطفال قبل بلوغ العامين مصيبه سودة

غالبا هذا بسبب ترك الطفل أمام التليفزيون ساعات طويلة وعدم تعويده على الحوار من جانب الأم .... إذ يجب على الأم في العام الأول للطفل قبل أن يبدأ النطق فعلا الحديث إلى الطفل ومناغاته وجها لوجه لأن الطفل يتعلم الكلام عن طريق تقليد حركات الفم والوجه وما إلى ذلك وليس عن طريق السمع فقط .... وإذا كنت تريد تسلية الطفل أمام التليفزيون فلا تعرض عليه إلا قناة براعم فقط وعن تجربة هذه القناة تقدم برامج مدروسة جيدا لأطفال ما قبل المدرسة والخطاب فيها بالفصحى المنضبطة فقط وليس فيها أية لهجات ...

ابتعد عن التليفزيون والاغاني الهابطة والشعبية والمسلسلات ووو الخ بقدر الامكان ..

تحدثوا معه وعلموه الكلام ..

فحص السمع echo check يكون في الايام الاولى من الولادة وهو من الفحوصات الروتينية لكل مولود في كل دول العالم المتقدمة ..

لا تقلق من الكلام كما قال الاخوة الافاضل في الاعلى ..

بالنسبة لظاهرة ال mouthing او وضع الاشياء في الفم فهذه بعض النصائح والتوضيحات
Stop Kids from Putting Things in Their Mouths - Parenting.com

اقتباس:

---

المشاركة الأصلية كتبت بواسطة a_taamer

انا هكون عكس كل الاخوة فى المنتدى وهقولك خاف على ابنك اكتر من كدة معلش استحملنى بس دى طبعتى مع كل الاطفال بس كميه المشاكل اللى شفتها فى حياتى
تعامل مع الموضوع بجديه واساله الاخ احمد كمال عميقه جدا ومحدش هيفهمها غير واحد مر بتجربه صعبه
فربنا يكرمك ويكرم ابنك ابعد عن الشك وابد فورا فى التالى
اولا كشف كامل على جهاز السمع كله فى مركز متخصص لمعرفه نسبه السمع
ثانيا لو السميع سليم اعرضه على مركز تقييم اداء الاطفال (يمكن اكون متشائم شويه بس والله مفيش احسن من الاطمئنان على الاطفال فى الصغر ) لاسف التليفزيون لاطفال قبل بلوغ العامين مصيبه سودة

---

معاك حق .. الخوف الايجابي مطلوب جاري عمل الفحوصات بإذن الله الاسبوع ده بس كنت مشغول جدا ..شكرا لتوجيهك ونصائحك جزاك الله كل خير ..

اقتباس:

---

المشاركة الأصلية كتبت بواسطة د.أبونضال

غالبا هذا بسبب ترك الطفل أمام التليفزيون ساعات طويلة وعدم تعويده على الحوار من جانب الأم .... إذ يجب على الأم في العام الأول للطفل قبل أن يبدأ النطق فعلا الحديث إلى الطفل ومناغاته وجها لوجه لأن الطفل يتعلم الكلام عن طريق تقليد حركات الفم والوجه وما إلى ذلك وليس عن طريق السمع فقط .... وإذا كنت تريد تسلية الطفل أمام التليفزيون فلا تعرض عليه إلا قناة براعم فقط وعن تجربة هذه القناة تقدم برامج مدروسة جيدا لأطفال ما قبل المدرسة والخطاب فيها بالفصحى المنضبطة فقط وليس فيها أية لهجات ...

---

دي الغلطة اللي اعترف بها لكن نقص الخبرة بقا والبراعم خليني اتابعها انا الاول لوحدي واقرر ان شاء الله شكر ا للمشاركة

اقتباس:

---

المشاركة الأصلية كتبت بواسطة د.محمود صلاح

ابتعد عن التليفزيون والاغاني الهابطة والشعبية والمسلسلات ووو الخ بقدر الامكان ..

تحدثوا معه وعلموه الكلام ..

فحص السمع echo check يكون في الايام الاولى من الولادة وهو من الفحوصات الروتينية لكل مولود في كل دول العالم المتقدمة ..

لا تقلق من الكلام كما قال الاخوة الافاضل في الاعلى ..

بالنسبة لظاهرة ال mouthing او وضع الاشياء في الفم فهذه بعض النصائح والتوضيحات
stop kids from putting things in their mouths - parenting.com

---

د/محمود صلاح شرفني في الموضوع .. القول الفصل من المتخصص ربنا يطمنك وقولي يادكتور هياخد اد ايه علي ماينسي ادمان قناة طيور بيبي دي .. منعناه خالص من اكتر من شهر ونصف شهرين ماعدا 5 دقايق كل3 4 او 5 ايام بالليل لما ينهار خالص وفرصه اسال حضرتك علي نوع تطعيم الانفلوانزا الموسمية عشان بيجيله كتير الرشح وارتفاع الحرارة خفيف وهل يمكن اعطاء ادوية مثل بروفين فلو زي الاستشاري الاطفال ما وصف لنا رغم انه مكتوب لايعطي لاقل من 6 سنوات وهو في وسط الدور احمرت عينيه يومين ووصف له الدكتور قطرة توبرين في احتمالات للاحمرار ده اخد بالى منها .. وهشوف نصائح اللينك شكرا وبارك الله فيك ..

اقتباس:

---

المشاركة الأصلية كتبت بواسطة avatar

د/محمود صلاح شرفني في الموضوع .. القول الفصل من المتخصص ربنا يطمنك وقولي يادكتور هياخد اد ايه علي ماينسي ادمان قناة طيور بيبي دي .. منعناه خالص من اكتر من شهر ونصف شهرين ماعدا 5 دقايق كل3 4 او 5 ايام بالليل لما ينهار خالص وفرصه اسال حضرتك علي نوع تطعيم الانفلوانزا الموسمية عشان بيجيله كتير الرشح وارتفاع الحرارة خفيف وهل يمكن اعطاء ادوية مثل بروفين فلو زي الاستشاري الاطفال ما وصف لنا رغم انه مكتوب لايعطي لاقل من 6 سنوات وهو في وسط الدور احمرت عينيه يومين ووصف له الدكتور قطرة توبرين في احتمالات للاحمرار ده اخد بالى منها .. وهشوف نصائح اللينك شكرا وبارك الله فيك ..

---

هينسى مع استمرار المراقبة والتحكم ... المثل يقول ابنك على ما تربيه

التطعيمات الاجبارية هي اللي مقررة من وزارة الصحة اما التطعيمات الأخرى فهي زائدة عن الحاجة وتعطى في حالات مرضية محددة مثل كبار السن وناقصي المناعة .. الخ

بروفين وغيره من مركبات ال NSAID المسكنات يعني لها اثار جانبية على الكلى والمعدة ويفضل الابتعاد عنها قدر الامكان والباراسيتامول افضل واامن خافض حرارة للاطفال ..

ادوية الزكام والبرد زي ال pseudoephedrine , chlorpheniramine ابعد عنها قدر الامكان .

كدة طبيعى يا باشا مفيش اى حاجة ابن اختى قعد لحد سنة و 4 او 5 شهور يحط اى حاجة فى بوقة ودلوقتى عندو سنتين ونصف ولسة بينطق بعض الكلمات زى ماما بابا ديتة ددو كدة

للاطمئنان ممكن توديه معهد السمع والكلام

اقتباس:

---

المشاركة الأصلية كتبت بواسطة د.محمود صلاح

هينسى مع استمرار المراقبة والتحكم ... المثل يقول ابنك على ما تربيه

التطعيمات الاجبارية هي اللي مقررة من وزارة الصحة اما التطعيمات الأخرى فهي زائدة عن الحاجة وتعطى في حالات مرضية محددة مثل كبار السن وناقصي المناعة .. الخ

بروفين وغيره من مركبات ال nsaid المسكنات يعني لها اثار جانبية على الكلى والمعدة ويفضل الابتعاد عنها قدر الامكان والباراسيتامول افضل واامن خافض حرارة للاطفال ..

ادوية الزكام والبرد زي ال pseudoephedrine , chlorpheniramine ابعد عنها قدر الامكان .

---

شكرا يا دكتور محمود جزاك الله خيرا ..معلش سؤال اخير هو اخد حقن مضادرات حيوية كتير كلافوران فورترام ماكسيدكس بس في ادوار اقوي من كده شوية هل مناعته تكون اتاثرت خاصة انه بيلقط ادوار البرد والكحة والتهابات الزور من الكبار بسرعة اوي .. وهل الدور الرشح المتوسط لازم ياخد مضاد حيوي زي سيفيدين 250 او هايبيوتك او سيفيزيل
انا تعبت من اصرار الدكاترة ع المضاد ولما مابديلوش الدور بيطول زي الايام دي 8 ايام بالرشح والمناعة قلت وبالنسبة لدواء برونكو فاكسوم لتقوية المناعة كبسولة لمدة 10 ايام متواصلة في الشهر لمدة 3 اشهر انا اديته شهر ولما تعب بعد اول جرعة بكام يوم ورجع لان بيتاخد عا لريق توقفت .. هل امن لسن سنتين ؟؟

اقتباس:

---

المشاركة الأصلية كتبت بواسطة astro boy

كدة طبيعى يا باشا مفيش اى حاجة ابن اختى قعد لحد سنة و 4 او 5 شهور يحط اى حاجة فى بوقة ودلوقتى عندو سنتين ونصف ولسة بينطق بعض الكلمات زى ماما بابا ديتة ددو كدة

---

ربنا يطمنك ..شكرا لاهتمامك ومشاركتك ..

اقتباس:

---

المشاركة الأصلية كتبت بواسطة mahmoudysf

للاطمئنان ممكن توديه معهد السمع والكلام

---

شكرا للمشاركة ..بإذن الله ..

اقتباس:

---

المشاركة الأصلية كتبت بواسطة avatar

شكرا يا دكتور محمود جزاك الله خيرا ..معلش سؤال اخير هو اخد حقن مضادرات حيوية كتير كلافوران فورترام ماكسيدكس بس في ادوار اقوي من كده شوية هل مناعته تكون اتاثرت خاصة انه بيلقط ادوار البرد والكحة والتهابات الزور من الكبار بسرعة اوي .. وهل الدور الرشح المتوسط لازم ياخد مضاد حيوي زي سيفيدين 250 او هايبيوتك او سيفيزيل
انا تعبت من اصرار الدكاترة ع المضاد ولما مابديلوش الدور بيطول زي الايام دي 8 ايام بالرشح والمناعة قلت وبالنسبة لدواء برونكو فاكسوم لتقوية المناعة كبسولة لمدة 10 ايام متواصلة في الشهر لمدة 3 اشهر انا اديته شهر ولما تعب بعد اول جرعة بكام يوم ورجع لان بيتاخد عا لريق توقفت .. هل امن لسن سنتين ؟؟
.

---

والله الطب في العيادات في مصر تجارة واجتهادات شخصية وشغل ترويج مندوبين شركات الادوية و اتباع سياسة ما كله بيعمل كده ...

لا داعي للمضادات الحيوة بتاتا في معظم نزلات البرد والام الحلق القيروسية .. والكبسولة دي سالفة الذكر عبارة عن خلاصة بكتيريا الجهاز التنفسي تعطى لحث الجسم على عمل مناعة مثل التطعيمات كده لكنها غير مثبته او موصوفه في كتب طب الأطفال