نهايه الكلام حسبنا الله ونعم الوكيل فى اللى كان السبب وكل اللى عمل تفويض
نهايه الكلام حسبنا الله ونعم الوكيل فى اللى كان السبب وكل اللى عمل تفويض
يا استاذ اسلام حضرتك بتقول مندخلش الكلام ده في السياسه وام العيب مش عيب مسئول كنتم قولتوا الكلام ده ايام ماكان الموضوع ده ايام مرسي برده وكان سبب رئيسي في تسخين الناس وتقليبهم ضده وحمله تقرد
في الشرقيه بتقطع كل يوم من مرتين لتلت مرات المره ساعة
استاذى العزيز شخصيا كان ده رأيي من زمان جدا حتى قبل ميمسك د/مرسي ومش حيتغير دون اقتناع باسباب منطقيه وكنت بقول ساعتها ان الحل فى الترشيد لان بصراحه مكنتش شايف حل بناء محطات جديده حل واقعى ساعتها ده اولا
ثانيا انا بقول بلاش ندخل الموضوع فى السياسه خوفا من غلقه لعلنا نستفيد بحلول جديده او غير منطقيه ويبقى النقاش مجدى ومش مجرد دفاع وهجوم زى معلطول بنعمل مع بعض كمصريين وده اللى بيخلينا نقف سابتين وغيرنا بيفكر فى حلول واقعيه وينفذها واحنا نعاير بعض وبس
وانا مش بقول ان المسؤلين ملايكه ولكن انا بحلل مشكله فعلا مش متعلقه بمسؤلين فقط انما متعلقه بسلوكنا احنا "عمارات مخالفه بعدادات كوديه والناس تشتري وتحمل على الشبكه -سرقات تيار وتحميل على الشبكه -استخدام غير رشيد لوسائل الرفاهيه دون احساس بالازمه "كل ده يعتبر تقصير مسؤلين ايدهم مرتعشه فى اصدار قوانين فى كل انظمه الحكم من قبل 25 يناير وتقصير موظفين مش بيراعوا ضميرهم فى شغلهم سواء فى عمل مخالفات للمخالف او قبول رشاوى داخل الاحياء وتقصير المواطن اللى مش عايز يساعد او ييجى على نفسه
والله يا استاذى العزيز الموضوع مش تقليب او تبرير الموضوع تحديد سبب المشكله وايجاد حلول سواء تقليديه او غير تقليديه وللعلم ده مش معناه ان فى اى مرحله فى تاريخ البلد المسؤلين مغلطوش لو تحب اقولك رأيي الشخصى فى سبب نقدى لمرحله د/مرسي او غيره واخطائهم الفادحه اقولك وحتلاقيها بعيده تماما عن الكهرباء والبنزين
رجاء متزعلش من كلامى وكل كلامى مجرد رأي شخصى يحتمل الصواب والخطأ ومش حابب انك تكون متضايق منه وانا فعلا كل اللى قصدته من انى مش حابب الموضوع يتقلب سياسه علشان ميتقفلش ولعلنا نلاقى حل .
تحياتى .
شبرا الخيمه بيقطع بس مش كل يوم وبتوصل لساعتين
وربنا ينتقم من اللى كان لاسبب
المنيل كل يومين ساعة.
الهرم كل يوم ساعة او اكتر...
امبابة يوم ساعة ويوم ساعتين....
ياريت الناس اللى بتدور على اللى كانوا بيقولوا الله يخربيتك يا ....... مايتعبوش نفسهم...
لان الناس دى مفقود منها الامل.... يارجل دول ماتهزوش لما الناس الغلابة ماتت ساعة الفض و فى المظاهرات عايزهم يزعلوا علشان الكهرباااء؟؟؟
ياراجل كبر مخك :)
استاذ اسلام ردودك تمااام وتحليلك منطقى.
ضيف على كلامك الكهربااء المسروقة اللى مالية الشوارع واللى بالعة نسبة رهيبة من الانتاج .
و المحلات اللى بتستهبل وعاملة لمبات زيبق و مرشقة المحل اضاءة ولا فى شرطة كهرباء بتتحرك ولا فى مسؤل بيتنيل ياخد قرار محترم.
حسبى الله ونعم الوكيل (اللهم اجعل الجنسية المصرية شفيعا لنا يوم القيامة)
دعاء منقووول :)
انا كمان كنت بقول كده يا استاذ eslamrace
لكن الاخوه الى كان صوتهم عالى ايامها ومش سامعين صوتهم دلوقتى ماكنوش بيناقشو الموضوع بموضوعيه اطلاقا يعنى مش كل الناس زيك
محدش فكر فى استهلاك القطارات من السولار !
هى المشكله اللى بتدايق الواحد يا استاذ حسام احساس الواحد اننا على طول بنبص ورانا بس فمن ايام ثوره يناير واحنا كل متقابلنا مشكله قبل مالمسؤل يفكر فى حل او المواطن يشارك فى الحل نقول ورث قديم وفساد ومن بعدها لحد اليوم بقول لحضرتك مفيش حد جه فكر فى حلول حقيقيه للمشاكل الموجوده واللى لسه حتظهر وبشايرها موجوده زى مصيبه المياه والفقر المائي لمصر .
الحاجه اللى بتدايق هى اننا بنعاير بعض بحاجات بتضرنا كلنا ومش حتتحل الا بينا كلنا.
تحياتى.