لو فعلا السعر لم يتغير تبقى قنبلة 2014 لأنها فعلا عربية ممتازة عن تجربة 3 شهور
عرض للطباعة
لو فعلا السعر لم يتغير تبقى قنبلة 2014 لأنها فعلا عربية ممتازة عن تجربة 3 شهور
مع الاحترام التام ... بس هو حضرتك ركبت العربية دي ؟؟ أنا معايا العربية دى من سنتين ... و قبلها كان معايا ميجان ... و أحب أقول إنى خلال السنتين ما صرفتش عليها مليم برة الصيانات العادية ما عدا زجاج المراية عشان اتسرق ... !! أداء عالى و راحة فى السفر و اتزان فى كل ظروف الطريق... آنا جبت بيها سرعة ٢٠٠ كليو على طريق الصعيد (وما أدراك ما طريق الصعيد بس كنت عايز أجرب) و ما حستش بأى رجة و لا هزة ...
العربية مايوال و ده له عشاقه ... فماينفعش نقول ان عيبها انها مانيوال...
أما الفشل و النجاح فى السوق فحضرتك شوف حواليك مدى انتشارها فى سوق أصلا ثقافته شكلها ايه ... احنا شعب النوكيا نوكيا (حاليا سامسونج)...
خاماتها مقصود بيها الخامات الداخليه من تابلوه وزراير وفتحات تكييف وأنا مكدبتش أو افتريت على العربيه فعلا تصميمها الداخلي سيء وقديم وزي ما قلت يادوب على قد سعرها. المانيوال له ناسه بس مش بياع ولو كان بياع كان بقى فيه من كل العربيات مانيوال فول اوبشن ده غير ان الفتيس الستيبترونيك بقى يجمع بين الاتنين. واحد معرفه كان معاه العربيه وكان بيشكر فيها من كل حاجه وكان من الصعيد برده على فكره بس المفتاح مره اتكسر في السيلندر العربيه اتركنت شهرين لحد ما التوكيل جابله سيلندر جديد تخيل باعها وجاب ايه؟ كيا ريو! عشان يلاقي قطع الغيار بسهوله ودي مشكله كل الاوروب في مصر تقريبا متلاقيش قطع غياره الا لما يقدم ويمكن بعد ما الموديل ينتهي كمان.
عفوآ العربيه مش مظبوطه مع بعضها وشكلها تجميع بقايا المصانع وعملوا منها العربيه . الفوانيس مع الشبكه مع الشكل العام مش متناسق وتشعر كدة ان رينو مع نيسان جابوا المخزون الفائض من الموديلات ال عندهم وعملوا منها عربيه. الواجهه نصف نقل . من جوة فقيره جدآ عموما اذواق
عربيه جميله لسعرها وكمان المانيوال يديها قوه في الاداء
عربية ممتازة بالنسبة لسعرها و مناسبة لظروف الطرق فى مصر
الداستر عربية ممتازة و عملية جدا و تصلح لجميع الطرقات , و من وقت شرائها لم أنظر اسفل الى الأرض و انظر تحتى ارى معاناة الأخرين فى محاولتهم البائسة فى اجتياز المطبات المتنوعة بالطول و بالعرض , اما فى وسط البلد بعشق السيارة على الثانى و لا احس مشكلة المانيول مطلقا, اما الطابلوه فمثله مثل اى سيارة 4 * 4 و الفرش الداخلى ممكن تحسن فيه بنفسك و حسب امكانياتك المادية خاصة ان سعر السيارة المنخفض بالنسبة لأمكانياتها يشجعلك على ذلك,فعلا السيارة ممتازة و لو رجع بى الزمن مش هتردد و اشترى الداستر 4 * 4
المشكلة هي الثقافة عند الناس في القالب الناس بتقول اللي نعرفه أحسن من اللي منعرفوش وعمره مافكر يجرب العربية أو يسوقها مع انه ممكن يشتري بنفس السعر عربيه اسوء بكتيييييييير ويبقى فرحان ومبسوط بس لأنها ياباني ولا كوري ............. من الآخر عقلك هو دليك احكم على السيارة من تجربتك انت وآراء مالكيها وبس