بكره لو قصدك الجمعه خليك من وسط البلد طالما الصبح و تاخد شارع الثوره اللى هو طريق السويس لحد ما تلاقى نفق متنزلوش و تخش يمين فى صلاح سالم و تلف و ترجع تمشى صلاح سالم طوالى و تمشك شمال هتنزل نفق و بعديه بشويه كوبرى (على الشمال عشان فى طلعه على اليمين ملكش دعوه بيها) و طوالى هتطلع كوبرى كمان و بعد شويه فى نفق الازهر متنزلوش و تخليك شمال ... الطريق هيلف بيك شمال فى يمين و انت معاه هتركب كوبرى السيده عيشه و طوالى هتعدى اشاره و طوالى اشاره تانيه و نفق صغير و تعدى فرع النيل على المنيل و طوالى تعدى كوبرى عباس على النيل على ميدان الجيزه و تمسك شارع الهرم لاخره هتلاقى يفط للرمايه هتوصل الرمايه فى اشاره تعديها و تمسك طريق الفيوم هتعدى على منطقة التجنيد و طوالى شويه حلوين على مركز دهشور .... معرفش الزياره منين بس و انت فى الرمايه اسال الميكروباصات اللى بتحمل زيارة دهشور يوصفلك او تمشى وراه
لو عايز دائرى يبقى وانت جاى من طريق السويس عدى تحت الدائرى و اطلع المطلع هيلف بيك فى اتجاه المعادى و طوالى على الدائرى هتعدى نفقين و بعد شويه حلوين النيل و طوالى خليك شمال هتلاقى نزلة المريوطيه ملكش دعوه بيها و فى الشمال الدائرى هيلف بيك يمين و بعد شويه هتلاقى يفط الصحراوى شمال ... خليك فى الشمال هتنزل على الدائرى تانى و بعد ٢-٣ كيلو هتلاقى صحراوى اسكندريه تنزل النزله الشمال ... ٢ كيلو هتلاقى اشارة الرمايه و منها يمين على طريق الفيوم و هناك تسال عن زيارة دهشور
المفضلات