عرض للطباعة
أيهم أفضل ؟؟
1 - اكسنت 2000 موتور 1500 رشه بره نظافه الحالة جيده .
2- لانسر كريستاله 1999 موتور 1300 مخبوطه اكصدام واتسمكرت واترشت والحاله جيده .
دا عرض بيع معروض عليا . . الاكسنت على 39000 والكريستاله على 44000
ياريت تقولولى الاحسن مع ذكر مزاياه عن النوع الاخر .. وشكرا مقدماً
هو ياباشا لانسر طبعا افضل 100 مرة يمكن بس الاكسنت قطع غيارها ارخص حاجة بسيطة
بس طبعا الحالة الى قدامك هى اللى تحكم
ممكن تدور على كريستالة تانية والنضيفة بتخلص على 48 50 بالكتيرر
الكريستاله يا باشا لو الحاله بتعتها كويسه يبقى اتكل على الله والاكصدام مش مشكله
شكرا يا شباب ..
انا اللى عاجبنى فى الاكسنت انها (موفرة بنزين - قطع غيارها موجوده ورخيصه - عملية) والتكييف مش محتاجه اوى
الكريستاله اقوى واوسع اكيد بس خايف تغلبنى لو كحكحت منى .
وخاصة ان العربيتين موديل قديم 99, 2000 يعنى لازم هازور الميكانيكى فى الحالتين .
الاكسنت 1500 يبقى نازله بالتكييف
ياريت يا جماعة مزايا كل نوع .
هنا الحالة هي الي هتفرق
لو ضامن اللانسر يبقي هي
وممكن تبص علي كورولا عيون
المعيار في الشراء هنا هو حالة الميكانيكا و الات الجر .. بمعنى ان الصاج مش مقياس .. العربية مش كسر زيرو , فا المعيار هنا هو الحالة .. لو حالة الكريستالة احسن متترددش .. و توكل على الله ولا تنسى الاستخارة