عايز رأيكم معايا ( مجال المحاسبه ولا مجال المبيعات )

السلام عليكم و رحمه الله و بركاته

اخوكم لسه متخرج جديد من كليه الشعب :36_1_1[1]: كليه تجاره

و طبعا في مرحله البحث عن شغل

و زي اي شاب متخرج جديد مستني جيشه اشتغلت كول سنتر و اتسحلت :khd:

و الحمد لله اعفاء نهائي من الجيش ( مش عايزين حسد لو سمحت :shyy: )

المهم دلوقتي قلت ادور بجد بقى و الحمد لله مش سايب حته الا و رميت السي في و مش سايب جرنال الا مفصص الوظائف بتاعته

و بعد شويه لف لاقيت اللي معروض عليا وظائف كلها مبيعات
على سبيل المثال مسئول مبيعات في معرض اثاث و ديكور كبير
او مسئول مبيعات في مكتبه كتب كبيره و مشهوره

بس انا الصراحه ميال اكتر للمجال اللي انا اتخرجت منه ( المحاسبه )
يعني كان في تفكيري مكاتب المحاسبه و التدريب فيها
او الحسابات في اي شركه محترمه
بس لسه ملقتش يعني

مع العلم اني الحمد لله بحب التعامل مع الناس او الزباين يعني :shine[1]:
و بجيد التعامل مع الارقام و الحسابات و الحوارات دي


السؤال دلوقتي ايهما افضل مستقبلا
مجال المبيعات ام مجال المحاسبه ؟
و لو الواحد فكر يسافر ( اكيد هفكر كمان شويه ) اي مجال مطلوب اكتر ؟
هل ابتدي بالوظيفه اللي قدامي ولا استنى الوظيفه اللي في مجالي ؟
عايز رأيكم و خبراتكم معايا

و شكراااااااااااااا مقدماااااااااااا :tumb:

انا زيك بس لسه فى رابعه تجاره انجلش ومن رائى تشتغل دى لحد لما تلاقى مجال المحاسبه لانه افضل مستقبليلا

طالما حابب المحاسبه اشتغل فيها. هتتبهدل شويه في الاول والعائد ممكن ميكونش مجزي قوي بس هتبقى أقيم قدام.

ماهو ده تفكيري فعلا

معنديش مشاكل استحمل ضعف المرتب و كم الشغل الرهيب

ادام ده هيكون ليه قيمه قدام و الواحد يبقى متميز شويه

بالظبط كده استحمل واكيد ربنا هيكرمك

امين يا رب ربنا يكرمك

مستنى اراء الناس الخبره اللي في المنتدى

ايه يا جماعه ده المنتدى مليان ما شاء الله ناس كبيره ( في المقام ) :)

اين انتم ؟؟؟؟؟؟؟؟؟؟؟

مهو انت ما اتبهدلتش 4 سنين عشان تبلها وتشرب ميتها فى الاخر
خليك فى مجالك ... وده الطريق لو تقدر عليه
خلاصة القاعدة بتقول
مكتب = خبرة كبيرة (محاسبة +ضرائب +تأسيس +مراجعة ) = مرتب قليل = ضغط كبير ----- شرط الخبرة الكبيرة انك تعلم نفسك وعلى الاقل مكتب متوسط ومن خلال الخبرة تقدر تدوس فى اى شركة كبيرة بمرتب كبير
.................................................. .............
الشركة = خبرة فى نشاط الشركة والمحاسبة المالية =مرتب معقول بنسبة لمبتداء ومرتب كبير للخبرة = ضغط الشغل اقل من المكتب
وكل وحد زى مابيحب
النصيحة
ان المحاسب يتبهدل فى المكاتب بعد التخرج وبعدين يدور على الشركات ويرتاح
وربنا يكرمك

انامعروض عليا مكتب محاسبة ب 300 جنيه فى الشهر ! ادوس ولا ادور على شركة ؟

المحاسبه مرتابتها ضعيفه
السيلز مرتبه اعلى
مصمم على المحاسبه تتجه لمكتب مراجعه (محاسب قانونى) واهم حاجه يعملك تأمينات وخبره تدريب مع جمعيه المحاسبين المصرية عشان بعد 10 سنوات تبقى محاسب قانونى اد الدنيا

انا شايف لو المرتب مش فارق معاك فا خليك فى مجال المحاسبة

وحاول تدعم نفسك بكوسات زى ال cpa - cma - cfa

طبعا اغلاهم ال cpa بس هيكون ليك وضع مختف فى الشغل خالص وطبعا مرتب اعلى

دا اللى كنت ناوى اعمله لما اتخرجت من تجارة انجلش بس ربنا كان كاتبلى مجال شغل تانى بعيد عن المحاسبة

هستفاد ايه لو بقيت محاسب قانونى ؟؟ مرتباتهم اعلى يعنى ولا زى المحاسبين العاديين ؟؟

المحاسب القانوني يا سيدي هوه اللي من حقه يفتح مكتب محاسبه

عارف شغل مكاتب المحاسبه ؟

اعتماد القوائم الماليه للشركات
انشاء الشركات المساهمه
تقديم الاقرار الضريبي للشركات
المراجعه على حسابات الشركه لاكتشاف الاخطاء
و حاجات تانيه كتيييييييييييييييييييير

طب باخدها ازاي دي ؟

هتدرب في مكتب محاسبه لفتره معينه و بعد ما تتثبت و يتأمن عليك هتشتغل فيه لمده 3 سنين ساعتها من حقك التسجيل في جمعيه المحاسيبن و المراجعين و بالتالي انت بقيت محاسب قانوني

من حقك انك تفتح مكتب زي اللي كنت بتدرب فيه و تبتدى الشغل الكبير بقى

المرتب بيبقى قليل شويه لحد اما تقدم شويه و لحد اما تتسجل في الجمعيه ساعتها بتبدى الشغل بجد

المحاسب العادي
اللي بيبقى شغال في شركه او اي منشأه في الحسابات و بيبقى مرتبه على حسب قيمه الشركه و مركزها في السوق و طبعا كل ما خبرته تزيد كل ما مرتبه يعلى
و المناصب اللي ممكن يمسكها المدير المالي و مدير الحسابات

اقتباس:

---

المشاركة الأصلية كتبت بواسطة matrix_it

انامعروض عليا مكتب محاسبة ب 300 جنيه فى الشهر ! ادوس ولا ادور على شركة ؟

---

دوووووووووووووس يا ريس
و ان شاء الله تستفاد و تحب الموضوع

اقتباس:

---

المشاركة الأصلية كتبت بواسطة mk3

المحاسبه مرتابتها ضعيفه
السيلز مرتبه اعلى
مصمم على المحاسبه تتجه لمكتب مراجعه (محاسب قانونى) واهم حاجه يعملك تأمينات وخبره تدريب مع جمعيه المحاسبين المصرية عشان بعد 10 سنوات تبقى محاسب قانونى اد الدنيا

---

3 سنين بس يا ريس

10 سنين ليه حرااااااااااااااام :36_7_4[1]:

اقتباس:

---

المشاركة الأصلية كتبت بواسطة ACC.Eslam Arif

مهو انت ما اتبهدلتش 4 سنين عشان تبلها وتشرب ميتها فى الاخر
خليك فى مجالك ... وده الطريق لو تقدر عليه
خلاصة القاعدة بتقول
مكتب = خبرة كبيرة (محاسبة +ضرائب +تأسيس +مراجعة ) = مرتب قليل = ضغط كبير ----- شرط الخبرة الكبيرة انك تعلم نفسك وعلى الاقل مكتب متوسط ومن خلال الخبرة تقدر تدوس فى اى شركة كبيرة بمرتب كبير
.................................................. .............
الشركة = خبرة فى نشاط الشركة والمحاسبة المالية =مرتب معقول بنسبة لمبتداء ومرتب كبير للخبرة = ضغط الشغل اقل من المكتب
وكل وحد زى مابيحب
النصيحة
ان المحاسب يتبهدل فى المكاتب بعد التخرج وبعدين يدور على الشركات ويرتاح
وربنا يكرمك

---

انا ناوي فعلا على مكتب ان شاء الله و الصراحه مش مستريح لحوار السيلز ده
بس حبيت اتأكد انا كده طبيعي ولا بتحجج :C_laugh[1]:

اقتباس:

---

المشاركة الأصلية كتبت بواسطة punisher

انا شايف لو المرتب مش فارق معاك فا خليك فى مجال المحاسبة

وحاول تدعم نفسك بكوسات زى ال cpa - cma - cfa

طبعا اغلاهم ال cpa بس هيكون ليك وضع مختف فى الشغل خالص وطبعا مرتب اعلى

دا اللى كنت ناوى اعمله لما اتخرجت من تجارة انجلش بس ربنا كان كاتبلى مجال شغل تانى بعيد عن المحاسبة

---

انا فعلا ناوي ان شاء الله لو دخلت المجال اشوف شهاده من الشهادات المحترمه دي
بس مش دلوقتي خالص يعني الخطه الخمسيه الجايه :)

طب ما تقولنا ( لو تحب ) ايه المجال التاني اللي دخلته و اكيد هنستفاد من تجربتك

حد يعرف المرتب هيبقى فى حدود كام بعد تدريب 3 سنين فى مكتب محاسبة متوسط و مش معايا cma ?
للعلم مش أكتر و شكرا

اقتباس:

---

المشاركة الأصلية كتبت بواسطة aboelsoud

3 سنين بس يا ريس

10 سنين ليه حرااااااااااااااام :36_7_4[1]:

---

على حسب معلوماتى
3 سنوات دى اول مرحله
استحاله تبقى مراجع معتمد ميزانيات بعد 3 سنوات ممكن تبقى مراجع عادى فى فريق يرأسه واحد معتمد لكن مش معتمد فى الجمعية

السلام عليكم ورحمة الله وبركاته،،،

تعالى نتكلم بصفة إنك إن شاء الله ناوي تبقى حاجه كويسه في أي المجالين سواء المحاسبه أو التجاره

الأول لازم تحط لنفسك هدف توصله:

لو إنت هاتشتغل في المبيعات: المبيعات دي تشمل من أول واحد واقف بيبيع أي حاجه ومشكر في وش الناس وكل وظيفته إنه يرد على قد السؤال ومش فارق معاه إذا كانت الحاجه إتباعت ولا لأ .... وبرضه تشمل البياع المحترف اللي يعرف يبيع الهوا ويقدرر يحسس اللي قدامه إنه يبقى أحمق لو ما إشتراش السلعه واللي بيعمل فلوس رهيبه كل شهر من العمولات.

كمان المحاسبه تشمل الشخص اللي طول عمره كل اللي بيعمله هو شوية قيود يوميه وتقفيل مزانيات ومش عاوز يتعلم أي حاجه جديده ... وتشمل المحاسب المجتهد اللي بيذاكر على طول وبياخد شهادات وبيوصل عضو مجل إداره وهو لسه شاب.


أنا رأيي الشخصي: المبيعات دي مش مجرد وظيفه ... المبيعات جزء كبير منها موهبه ومظهر شخصي وأسلوب تعامل ... ممكن تبقى معاك دكتوراه في علوم التسويق بس إنت بياع فاشل عشان ما عندكش موهبه.

شوف إذا كان عندك الموهبه الأول ولا لأ.

بالنسبه للمحاسبه: المحاسبه في الأول طريقها صعب أوي لكن لو صبرت وإجتهدت وحط تحت كلمة إجتهدت دي خمسن خط هاتوصل وهاتبقى متظبط جداً كامرتب أوي كاوضع في الشركه نفسها.

أنصحك تدور على مكتب مراجعه كبير تشتغل فيه في ألأول وما تبصش للمرتب. بس هاتتعلم فيه في سنه اللي المحاسب العادي بيتعلمه في 10 سنين. وطبعاً زي ما قلتلك أهم حاجه الإجتهاد في الشغل وما تنساش نفسك ولازم طول مانت شغال تدرس برضه شهادات عالميه

أنصحك بشده تدور على شغلانه في حازم حسن ... حازم حسن ده مدرسة المراجعه في مصر واللي بيشتغل فيها سنتين بينط منها على أماكن نضيفه جداً جوه مصر وبره مصر

شكراً

اقتباس:

---

المشاركة الأصلية كتبت بواسطة mk3

على حسب معلوماتى
3 سنوات دى اول مرحله
استحاله تبقى مراجع معتمد ميزانيات بعد 3 سنوات ممكن تبقى مراجع عادى فى فريق يرأسه واحد معتمد لكن مش معتمد فى الجمعية

---

و الله يا ريس دي كانت اخر معلوماتي
انت ممكن تعرف حاجات اكتر مني
انا لسه في اول الطريق فمعلوماتي على قدي

اقتباس:

---

المشاركة الأصلية كتبت بواسطة marsguy

السلام عليكم ورحمة الله وبركاته،،،

تعالى نتكلم بصفة إنك إن شاء الله ناوي تبقى حاجه كويسه في أي المجالين سواء المحاسبه أو التجاره

الأول لازم تحط لنفسك هدف توصله:

لو إنت هاتشتغل في المبيعات: المبيعات دي تشمل من أول واحد واقف بيبيع أي حاجه ومشكر في وش الناس وكل وظيفته إنه يرد على قد السؤال ومش فارق معاه إذا كانت الحاجه إتباعت ولا لأ .... وبرضه تشمل البياع المحترف اللي يعرف يبيع الهوا ويقدرر يحسس اللي قدامه إنه يبقى أحمق لو ما إشتراش السلعه واللي بيعمل فلوس رهيبه كل شهر من العمولات.

كمان المحاسبه تشمل الشخص اللي طول عمره كل اللي بيعمله هو شوية قيود يوميه وتقفيل مزانيات ومش عاوز يتعلم أي حاجه جديده ... وتشمل المحاسب المجتهد اللي بيذاكر على طول وبياخد شهادات وبيوصل عضو مجل إداره وهو لسه شاب.


أنا رأيي الشخصي: المبيعات دي مش مجرد وظيفه ... المبيعات جزء كبير منها موهبه ومظهر شخصي وأسلوب تعامل ... ممكن تبقى معاك دكتوراه في علوم التسويق بس إنت بياع فاشل عشان ما عندكش موهبه.

شوف إذا كان عندك الموهبه الأول ولا لأ.

بالنسبه للمحاسبه: المحاسبه في الأول طريقها صعب أوي لكن لو صبرت وإجتهدت وحط تحت كلمة إجتهدت دي خمسن خط هاتوصل وهاتبقى متظبط جداً كامرتب أوي كاوضع في الشركه نفسها.

أنصحك تدور على مكتب مراجعه كبير تشتغل فيه في ألأول وما تبصش للمرتب. بس هاتتعلم فيه في سنه اللي المحاسب العادي بيتعلمه في 10 سنين. وطبعاً زي ما قلتلك أهم حاجه الإجتهاد في الشغل وما تنساش نفسك ولازم طول مانت شغال تدرس برضه شهادات عالميه

أنصحك بشده تدور على شغلانه في حازم حسن ... حازم حسن ده مدرسة المراجعه في مصر واللي بيشتغل فيها سنتين بينط منها على أماكن نضيفه جداً جوه مصر وبره مصر

شكراً

---

شكرا جزيلا استاذ محمد
مشاركتك مفيده جدا جدا
انا فعلا قررت اني ادخل مجال المحاسبه و بدور على المكاتب اهه
ادعولي بقى ربنا يوفقني

اقتباس:

---

المشاركة الأصلية كتبت بواسطة mk3

على حسب معلوماتى
3 سنوات دى اول مرحله
استحاله تبقى مراجع معتمد ميزانيات بعد 3 سنوات ممكن تبقى مراجع عادى فى فريق يرأسه واحد معتمد لكن مش معتمد فى الجمعية

---

بعد ثلاث سنوات بتكون من حقك ان تكون مسجل فى سجل المحاسبين القانونين فئة أ وده بيقى معتمد لشركات الاشخاص وبعد خمس سنوات فئة ب وده لشركات الاموال وعلى فكرة العضوية دلوقتى بالامتحان مش زى زمان تروح تاخد شهادة من التامينات وتبقى مقيد فى سجل المحاسبين القانونين وعلى فكرة الامتحانات صعبة ومش اى حد بيعدى منها الكلام ده عرفتة من اخويا --هو محاسب قانونى

يعنى الموضوع فعلا يستاهل انى ابقى محاسب قانونى و لوممكن تعملوا مقارنة بعد خمس سنين بين المحاسب العادى و المحاسب القانونى فى المرتب و الخبرة
و شكرااا

انا هتكلم في المحاسبة والمراجعة فقط علشان دة مجالى خبرنى، المحاسب القانونى كالتالى 3 سنين تحت التمرين، وبعدين يتحول جدول أ شركات افراد وبعديهة 5 سنين يتحول لجدول ب شركات مساهمة وبعدين 8 سنين يتكول جدول بنوك. عضوية جمعية المحاسبين المصرية سابقاً تدخلك جول ب مباشرة - دلوقتى معرفش النظام اتغير ولا لأ.
الشهادات المهنية مطلوبة جداً واساية في التفرقة بين المحاسبيين وطبعاً بتفرق جامد في المرتب، والافضل كل متاخدها بدرى علشان بيتحسب سنوات الخبرة بعد الشهادة بتقييم اكبر من سنوات الخبرة بعد الشهادة.
الشهادات، cpa,acca, cma, cfa, cia
كل شهادة ليها مميزات ومجال منفصل،
نقطة تانية فية محاسب وفية مراجع (المحاسب القانونى) وبردة دة مجال ودة مجالى تانى.
المهم في دة كلة الاجتهاد.

اقتباس:

---

المشاركة الأصلية كتبت بواسطة Ahmed_Rahem

انا هتكلم في المحاسبة والمراجعة فقط علشان دة مجالى خبرنى، المحاسب القانونى كالتالى 3 سنين تحت التمرين، وبعدين يتحول جدول أ شركات افراد وبعديهة 5 سنين يتحول لجدول ب شركات مساهمة وبعدين 8 سنين يتكول جدول بنوك. عضوية جمعية المحاسبين المصرية سابقاً تدخلك جول ب مباشرة - دلوقتى معرفش النظام اتغير ولا لأ.
الشهادات المهنية مطلوبة جداً واساية في التفرقة بين المحاسبيين وطبعاً بتفرق جامد في المرتب، والافضل كل متاخدها بدرى علشان بيتحسب سنوات الخبرة بعد الشهادة بتقييم اكبر من سنوات الخبرة بعد الشهادة.
الشهادات، cpa,acca, cma, cfa, cia
كل شهادة ليها مميزات ومجال منفصل،
نقطة تانية فية محاسب وفية مراجع (المحاسب القانونى) وبردة دة مجال ودة مجالى تانى.
المهم في دة كلة الاجتهاد.

---

شكرا جزيلا على مشاركتك

رحت النهارده اعمل انترفيو في مكتب محاسبه و ادوني امتحان اكتشفت اني ضاااااايع و معلوماتي ميييييييح :ma:

لازم ارجع تاني لكتب المحاسبه عشان الواحد يفتكر شويه

اقتباس:

---

المشاركة الأصلية كتبت بواسطة aboelsoud

شكرا جزيلا على مشاركتك

رحت النهارده اعمل انترفيو في مكتب محاسبه و ادوني امتحان اكتشفت اني ضاااااايع و معلوماتي ميييييييح :ma:

لازم ارجع تاني لكتب المحاسبه عشان الواحد يفتكر شويه

---

مش عيب انك تفشل في اول انترفيو، بس لازم تعرف نقاط ضعفك فين وتحاول تانى

اقتباس:

---

المشاركة الأصلية كتبت بواسطة ahmed_rahem

مش عيب انك تفشل في اول انترفيو، بس لازم تعرف نقاط ضعفك فين وتحاول تانى

---

بالظبط كده و مش متضايق ولا حاجه
و ابتدبت اقرأ تاني في كتب المحاسبه و افتكر الدنيا كانت ماشيه ازاي

السؤال بقى

حد يعرف مكاتب محاسبه طالبه حديثي التخرج ؟
لو حد يعرف يقول يبقى ليه كل الشكر

النهارده و بعد مرور 3 شهور و اسبوع من كتابه هذا الموضوع ده وضعي :

شغال في معرض عربيات ( له سمعه و شهره ) الحمد لله

بس مش مبيعات - ماسك الكول سنتر :(

بس فيه احتمال كبير اني ابتدي انزل مبيعات بعد فتره صغيره ان شاء الله

و اذ فجأه و انا بقالي هنا شهر و اسبوع الاقي مكتب محاسبه كنت مقدم فيه من ييجي 4 شهور :)

و بيقولولي انت قبلت معانا

المهم بقى : طبعا ده كاريير و ده كاريير تاني خااااااااااالص

وانا حابب الاتنين ( الحسابات مجال دراستي - العربيات مجال هوايتي )

فانا محتار جداااااااااا

انهي مجال فيهم ليه مستقبل قدام

ده غير انه في فرق في المرتب حوالي 750 جنيه لصالح المعرض ( و اكيد مش في صالح مكتب المحاسبه ) :)

شوروا عليا يا اهل الشورى

روح للى تهواه بكره هتبقى لكن شأن فيه....العربيات يعنى

اقتباس:

---

المشاركة الأصلية كتبت بواسطة aboelsoud

النهارده و بعد مرور 3 شهور و اسبوع من كتابه هذا الموضوع ده وضعي :

شغال في معرض عربيات ( له سمعه و شهره ) الحمد لله

بس مش مبيعات - ماسك الكول سنتر :(

بس فيه احتمال كبير اني ابتدي انزل مبيعات بعد فتره صغيره ان شاء الله

و اذ فجأه و انا بقالي هنا شهر و اسبوع الاقي مكتب محاسبه كنت مقدم فيه من ييجي 4 شهور :)

و بيقولولي انت قبلت معانا

المهم بقى : طبعا ده كاريير و ده كاريير تاني خااااااااااالص

وانا حابب الاتنين ( الحسابات مجال دراستي - العربيات مجال هوايتي )

فانا محتار جداااااااااا

انهي مجال فيهم ليه مستقبل قدام

ده غير انه في فرق في المرتب حوالي 750 جنيه لصالح المعرض ( و اكيد مش في صالح مكتب المحاسبه ) :)

شوروا عليا يا اهل الشورى

---

ابعد عن المحاسبة
والله بقولك بكل امانة انا محاسب وبقولك ابعد عن المحاسبة
المحاسب دماغه نضيفة وبيتعلم يقيس ويحسب كل حاجة ودماغه دايماً شغالة بس في المقابل الشغلانه مقرفة ومحتاجة تركيز ودايماً بيبقى غير مقدر في معظم الشركات (بإستثناء مكاتب المحاسبة والمراجعة ) عشان بيبقى هو اساس النشاط عكس كل الشركات التجارية او الصناعية او حتى الخدمية الاساس فيها للبيع ...... انا شوفت اكتر من شركة واكتر من مجال وبجد نصيحة خليك في المبيعات هتشتري نفسك واعصابك وهتاخد خبرة تفتحلك مجال واسع بعدين وانت ودماغك برضه
لو عاوز شرح اكتر في الاسباب انا مستعد وربنا يوفقك .

اقتباس:

---

المشاركة الأصلية كتبت بواسطة aboelsoud

النهارده و بعد مرور 3 شهور و اسبوع من كتابه هذا الموضوع ده وضعي :

شغال في معرض عربيات ( له سمعه و شهره ) الحمد لله

بس مش مبيعات - ماسك الكول سنتر :(

بس فيه احتمال كبير اني ابتدي انزل مبيعات بعد فتره صغيره ان شاء الله

و اذ فجأه و انا بقالي هنا شهر و اسبوع الاقي مكتب محاسبه كنت مقدم فيه من ييجي 4 شهور :)

و بيقولولي انت قبلت معانا

المهم بقى : طبعا ده كاريير و ده كاريير تاني خااااااااااالص

وانا حابب الاتنين ( الحسابات مجال دراستي - العربيات مجال هوايتي )

فانا محتار جداااااااااا

انهي مجال فيهم ليه مستقبل قدام

ده غير انه في فرق في المرتب حوالي 750 جنيه لصالح المعرض ( و اكيد مش في صالح مكتب المحاسبه ) :)

شوروا عليا يا اهل الشورى

---

أنا رأيي تتجه للمحاسبة لأن إنت كنت عاوز كده من الاول وكمان سنك صغير فهتشوف مجالات تانية وهيساعدك بعد كده إنك تحدد طريقك ..... أنا رأيي تروح لمكتب المحاسبة وتشوف الدنيا ولو معجبتكش ترجع مبيعات تاني وتكمل فيها للاخر ....... وعلى فكرة مجال المبيعات حلو أوي ومتهيألي ليه مستقبل لأن بتوع المبيعات هما الاساس في أي نشاط وببتحاسب على اجتهادك .... صلي استخارة وربنا يوفقك للي فيه الصالح

اقتباس:

---

المشاركة الأصلية كتبت بواسطة matrix_it

انامعروض عليا مكتب محاسبة ب 300 جنيه فى الشهر ! ادوس ولا ادور على شركة ؟

---

هو ده رينج رواتب المحاسب تحت التدريب لكن هو عموما اسمه بدل انتقال

الاهم تعرف هيدليك فرصة تسجل علشان تاخد محاسب قانوني معتمد ولا هيدربك وخلاص
وعل هو مسجل في الجمعية ولا شغال من الباطن باسم حد تاني ؟

اقتباس:

---

المشاركة الأصلية كتبت بواسطة mk3

روح للى تهواه بكره هتبقى لكن شأن فيه....العربيات يعنى

---

ماهوه الواحد فعلا محتار بين اللي بيهواه و اللي درسه

و معروف طبعا انه لو واحد اشتغل اللي بيهواه هيبدع فيه

شكرا على اقتراحك الجميل

اقتباس:

---

المشاركة الأصلية كتبت بواسطة ayman20100

ابعد عن المحاسبة
والله بقولك بكل امانة انا محاسب وبقولك ابعد عن المحاسبة
المحاسب دماغه نضيفة وبيتعلم يقيس ويحسب كل حاجة ودماغه دايماً شغالة بس في المقابل الشغلانه مقرفة ومحتاجة تركيز ودايماً بيبقى غير مقدر في معظم الشركات (بإستثناء مكاتب المحاسبة والمراجعة ) عشان بيبقى هو اساس النشاط عكس كل الشركات التجارية او الصناعية او حتى الخدمية الاساس فيها للبيع ...... انا شوفت اكتر من شركة واكتر من مجال وبجد نصيحة خليك في المبيعات هتشتري نفسك واعصابك وهتاخد خبرة تفتحلك مجال واسع بعدين وانت ودماغك برضه
لو عاوز شرح اكتر في الاسباب انا مستعد وربنا يوفقك .

---

واحد قريبي محاسب في شركه مقاولات ( قطاع خاص )

قاللي نفس الكلام ده بالظبط

المحاسب شغله كتير و مهم و محتاج دماغ حلوه بس مش متقدر و محدش بيحس بالمجهود اللي بيعمله

و كل اللي باقي موظفين الشركه فاكره ان المحاسب بيعمله هوه انه بيجمع و يطرح ارقام !!!!!

و قاللي برضه انه مجال المبيعات جميل و عاجبه و هوه نفسه يتجه ليه

انا حاسس انك تعرفه :)

شكراااااااااا على النصيحه و الاقتراح الكريم :)

اقتباس:

---

المشاركة الأصلية كتبت بواسطة #maam#

أنا رأيي تتجه للمحاسبة لأن إنت كنت عاوز كده من الاول وكمان سنك صغير فهتشوف مجالات تانية وهيساعدك بعد كده إنك تحدد طريقك ..... أنا رأيي تروح لمكتب المحاسبة وتشوف الدنيا ولو معجبتكش ترجع مبيعات تاني وتكمل فيها للاخر ....... وعلى فكرة مجال المبيعات حلو أوي ومتهيألي ليه مستقبل لأن بتوع المبيعات هما الاساس في أي نشاط وببتحاسب على اجتهادك .... صلي استخارة وربنا يوفقك للي فيه الصالح

---

ماهوه ده اللي الواحد بيعمله عشان ربنا يكرمه في طريقه

بصلي استخاره و ربنا يهديني للطريق الخير لي

شكرا جزيلا على الكلام الجميل

اقتباس:

---

المشاركة الأصلية كتبت بواسطة أبو صلاح

هو ده رينج رواتب المحاسب تحت التدريب لكن هو عموما اسمه بدل انتقال

الاهم تعرف هيدليك فرصة تسجل علشان تاخد محاسب قانوني معتمد ولا هيدربك وخلاص
وعل هو مسجل في الجمعية ولا شغال من الباطن باسم حد تاني ؟

---

طب انا المكتب اللي قدامي عارض عليا 250 ج فقط :(

تفتكر اوافق ولا لأ ؟

هوه قاللي انه انت لو اثبت نفسك معايا اكيد هسجلك و اأمن عليك و كده

ايه رأيك ؟؟؟

المحاسبة بحر, وليها مجالات كتير, وزى مالرجالة قالت, كل تخصص وليه شهاداته, وأتجاهات الخبرة بتاعته.
فى ناس دخلت تجارة علشان مالقيتش حاجة غيرها, والناس دى مالهاش فى الجمع والطرح ولا المحاسبة, ودول سبب أن تجارة هى كلية الشعب, وأنك تلاقى واحد كاتب Eng. قبل أسمه, لكن مش Acc.

المهم لو بتحب المحاسبة, أتجه ليها, شوف المجال اللى بتفضله أكثر, مالية, مراجعة, ضريبية, وحاول تتخصص فيه على قد ماتقدر, تدريب فى مكتب أو شركة, أو وظيفة مجهدة ومرتبها مش قد كده, أمشى فى سكة CPA, CMA, الخ حسب تخصصك, وماتقيسش الوظيفة بالمرتب بس, أنت لو قاعد بتخرم ورق بتتعلم حاجة جديدة, بتقابل ناس وبتتعامل مع ناس, وبتكسب خبرة سواء عامة أو فى مجالك.

ولو هتتدرب فى مكتب محاسبة أعمل ماذكره الأعضاء اعلاه, وأستحمل الشغل و"المرتب" والمرمطة, No pain no gain.

اقتباس:

---

المشاركة الأصلية كتبت بواسطة idisagree

المحاسبة بحر, وليها مجالات كتير, وزى مالرجالة قالت, كل تخصص وليه شهاداته, وأتجاهات الخبرة بتاعته.
فى ناس دخلت تجارة علشان مالقيتش حاجة غيرها, والناس دى مالهاش فى الجمع والطرح ولا المحاسبة, ودول سبب أن تجارة هى كلية الشعب, وأنك تلاقى واحد كاتب eng. قبل أسمه, لكن مش acc.

المهم لو بتحب المحاسبة, أتجه ليها, شوف المجال اللى بتفضله أكثر, مالية, مراجعة, ضريبية, وحاول تتخصص فيه على قد ماتقدر, تدريب فى مكتب أو شركة, أو وظيفة مجهدة ومرتبها مش قد كده, أمشى فى سكة cpa, cma, الخ حسب تخصصك, وماتقيسش الوظيفة بالمرتب بس, أنت لو قاعد بتخرم ورق بتتعلم حاجة جديدة, بتقابل ناس وبتتعامل مع ناس, وبتكسب خبرة سواء عامة أو فى مجالك.

ولو هتتدرب فى مكتب محاسبة أعمل ماذكره الأعضاء اعلاه, وأستحمل الشغل و"المرتب" والمرمطة, no pain no gain.

---

انا فعلا ( الحمد لله ) عندي اني استحمل التعب و المجهود و قله المرتب ( في الاول )

بس كنت عايز اتأكد انه مجال مستقبله حلو في الاخر و يستحق التعب في اوله

متشكر جدا جدا لنصيحتك :)