صوت الموتور والشاكمان

**islamnasser10** · 31-01-2014 02:16 AM

عندي مشكلة صوت الموتور عالي اوي اول مادور العربية الشارع كله بيسمعها والاقي السايس جاي يجري من اخر الدنيا
الموتور بينعر ونغمة الموتور مش ثابتة علي تون واحد
وتاني حاجة صوت الشاكمان فيه نحره كدة وبحس الشاكمان نهايتة تحت مني مش اخر العربية
يعني طول منا فاتح الشباك صوت الشاكمان في ودني بس من تحت
المشكلتين دول مضايقني
مشكلة صوت الموتور العالي علي السلانسية
ومشكلة الشاكمان اللي بسمعه تحت مني وفيه صوت نحره
مع العلم ان علبة البيئة باظت من حوالي 8 شهور وغيرتها بوصلة اللانوس الهاف اوبشنز يعني مفيش علبة بيئة اصلا

**hany essa** · 31-01-2014 02:59 AM

غالبا فى خرم فى الشكمان هو اللى معلى العربيه على السلانسيه وفى المشى طبعا ومن باب اختبار الشكمان ممكن تجيب فوطه وتكبس الشكمان من الخلف وهى العربيه دايره وتشوف مدى دفعه الهوا الل خارج

**ahmedaliaeg** · 31-01-2014 07:43 PM

صوت الشكمان بيرن ويعلى بعد الغاء علبه البيئه

**islamnasser10** · 31-01-2014 08:15 PM

بس انا مركبتش العلبة الرنانة
انا ركبت وصلة الشكمان كاملة بتاعة اللانوس الهاف اوبشنز
هي اللانوس الهاف اوبشنز صوت شاكمانها كدة ؟

**ahmedaliaeg** · 01-02-2014 11:25 AM

اناجربت الوصله والعلبه الرنان بعد الغاء علبه البيئه وصوت الشكمان على بطريقه ملحوظه ليه
ممكن تسد مخرج الشكمان بايدك ولو فى جوان ضارب او خرم فى الشكمان هيبان والهاف صوتها اعلى لعدم وجود علبه البيئه والله اعلم

**joe_techno** · 01-02-2014 12:13 PM

نفس المشكلة لغيت علبة البيئة و ركبت الوصلة صوت الشكمان علي بطريقة ملحوظة علي السلانسية و من بعد rpm 2.5 بالظبط بقي في نعره ده غير اني صوت النوبيرا الطبيعي عالي اصلا
انا ان شاء الله ناوي اشيل الوصلة دي و اركب العلبة الرنانة اعتقد هتهدي صوت الشكمان شوية الصوت عندي كأني مركب فلتر سبور لو في اي اقتراحات ياريت تفيدونا

**islamnasser10** · 01-02-2014 04:35 PM

والله انا ابتديت اتخنق من العربية دي وبفكر ابيعها بدل ماصرف عليها مع اني لسه ناقل ملكية ومرخص 3 سنين
مفيهاش اي مميزات غير رخص قطع غيارها وبتتباع بسهولة لكن كركوبة مش اد كدة
بفكر ابيعها واجيب فيكترا 96 97 بنفس السعر وقطع غيارها الاستيراد مش غالية اوي