الموضوع: جديد فى عالم السيراتو ومتبخلوش عليا بالنصيحة

المشاركة الأصلية كتبت بواسطة ahmedboshnak

السلام عليكم ورحمة الله....بفضل الله ربنا كرمنى وجبت سيراتو كوبيه 2011 وربنا يتم عليا فضله وعلينا اجمعين وكنت محتاج نصايح رجالة قسم سيراتو فى مواضيع مهمة ياريت متبخلوش عليا بالمعلومة وجزاكم الله خيرا مقدما

قسم كيا ورجاله كيا عمرهم ما بخلوا على حد يا باشا لا تقلق خالص


اولا : العربية بصمة وانا مش عارف اذا كان فيها امبولايزر ولا لا بس عموما حتى لو فيها امبولايز كنت عاوز اعرف ايه افضل جهاز انذار اركبو واجيبه منين واركبه فين لانى فعلا قلقان جدا من الموضوع ده والحافظ هو الله ولكن انا بس باخذ بالاسباب..وهل تركيب الانذار هياثر على اى حاجة فى ضفيرة الكهربا


لازم تركب انزار طبعا بالنسبه للانواع كتير انا شخصيا بحب الولف بس لازم شويه امان اخرى مع الانزار وال بيركبها الكهربائى

اهم حاجه يكون فاهم مش شرط توكيل ولا مركز ممكن كهربائى عادى بس فاهم والحمد لله مش بيعمل اى مشاكل فى كهرباء العربيه






ثانيا: ايه افضل مكان سواء كان ورشة او مركز خدمة معتمد اعمل فيه الصيانة يكون مشهور بالامانة والحرفية والمصداقية واجيب قطع غيار الاصلى منين

انا شخصيا بتاعامل مع ميكانيكى وكهربائى عادى والحمد لله مرتاح معاهم قطع الغيار الاصلى بجيبها من تارجيت فى فيصل لو تعرفوا


ثالثا : عاز اجيب غطا للعربية ياريت ترشحولى مكان اجيب منه غطا محترم وهل اقوله على نوع العربية قبل ماشترى ولا لا وهيبقى فى حدود كام

التوفيقيه هتلاقى فيها كل حاجه واسعارها رخصيه


اتشرفت بوجودى فى قسم السيراتو وربنا يديم علينا نعمته وفضله

الشرف لينا يا باشا وتحت امرك

المشاركة الأصلية كتبت بواسطة spidars

التوفيقيه ارحها موصلات ازي من المؤسسه

تركب الميترو وتنزل محطه جمال عبد الناصر ( الاسعاف )