تجربة كيا سيراتو الجديدة و كرولا ٢٠١٤

**esam_ayad** · 31-01-2014 09:53 PM

أنا جربت السيراتو أعلي فئة هنا في الكويت وبصراحه روعه وماكنتش متخيل ان كيل وصلت لمستوي الياباني للدرجه دي.
لكن أنا ماجربتش الكورولا الفاشله اللي هنا في الكويت لأن مالهاش تجربة قيادة والمندوب قاللي احنا مش محتاجين نعملها تست درايف علشان العربيه بتبيع نفسها بنفسها.

**2CODE** · 01-02-2014 06:00 AM

المشاركة الأصلية كتبت بواسطة shady_sh.t

عزيزى العضو المحترم ........
تعليقى بناء على رأى وﻻبد ان تحترم وجهة نظر الاخرين
تحياتى لك

الاخ الكريم المحترم

اولاً ياريت تكتب بخط اصغر من كده شويه والله نظرنا 6\6 ومش لابسين نضارات !!!!! لو عايزين مساعده في تكبير الخط هنقولك !!!!!!!!!!!

ثانياً الاخ العضو في بداية الموضوع تكلم عن نقل تجربة وليست اراء فياريت لو كانت عندك تجربة للعربيتين اتفضل غير كده في مواضيع تانية بتتكلم بناء على الرأي اللي هو كماليات وغيره وده بيعتمد على الاذواق

انما التجارب بتكون بناء على الاداء اللي لمسه الاخ الكريم في تجربته

**2CODE** · 01-02-2014 06:01 AM

المشاركة الأصلية كتبت بواسطة esam_ayad

أنا جربت السيراتو أعلي فئة هنا في الكويت وبصراحه روعه وماكنتش متخيل ان كيل وصلت لمستوي الياباني للدرجه دي.
لكن أنا ماجربتش الكورولا الفاشله اللي هنا في الكويت لأن مالهاش تجربة قيادة والمندوب قاللي احنا مش محتاجين نعملها تست درايف علشان العربيه بتبيع نفسها بنفسها.

ههههههههههههههههههه

قوله اسيادك في BMW بيعملوا test drive للعربيات !!!!!!!! باين عليه جاهل وشكله جديد في العربيات !!!!!!!

ناقص كمان يتكلم عن BMW مع احسن واتخن عربية ياباني عنده هتمسح بيها الاسفلت وراها علشان انا لو منك كنت اديله بأي حاجة قدامي في وشه على طول هههههههههههه

ده شخص جاهل يا استاذ عصام

**shifoo68** · 01-02-2014 08:03 AM

المشاركة الأصلية كتبت بواسطة Dr.saad

بسم الله الرحمن الرحيم
بما ان العربيتين نفس الفئه كان نفسي اجرب الاتنين عشان اعرف اقارن و النهارده فعلا جدبت الاتنين
هحكي على تجربتي مع العربيتين بس انا طالب من الناس الي تعود تقول دي ياباني و ده كوري مع كامل احترامي ليهم
انهم يشوفو اداء العربيتين بغض النظر عن بلد التصنيع
اولا الكورولا كانت اول فئه في الاوتوماتك و كانت ماشيه ٥٠٠٠ كيلو
السيراتو ٢٠١٤ خليجي اتوماتك و فتحه و مثبت سرعه و جنوط ١٦ ماشيه ٧٠٠٠ كيلو
بدأت بالكورولا العربيه عموما كويسه الخمات الداخليه جيدة و الوسع الداخلي جيد جدا
اداء العربيه كان متوسط في وجهة نظري و اكتر حاجه لاحظتها ان العفشه ناشفه جدا و اي حفره حتى لو كانت صغيره
بتحس بيها و العزل الداخلي غير متقن و صوت الموتور عالي جوه العربيه بالنسبه للسحب متوسط جدا و ثبات العربيه
جيد ...

تجربة السيراتو
اولا الخامات الداخلية جيدة جدا و شكل الداخلي افضل من الكورولا من وجهة نظري
مع تجربة العربيه على الطريق اكتر حاجه شدتني ثبتها يعني ١٦٠ و العربيه ثابته جدا
و التسارع ممتاز و العزل الداخلي فعلن محترم و صوت الموتور داخل العربيه هادي جدا
العربيه ناعمه جدا و العفشه افضل و اريح من الكورولا بكتيييير جدا
بجد العربيه فعلا محترمه و اعتماديه

و لما سألت اصحابالعربيتين عن اسعار قطع الغيار لقييت فرق كبيير و قطع غيار الكورلا اغلى بكتيير من السيراتو
سعر الكورولا كان ١٧٥٠٠٠ و التسليم كان بعد ٤٥ يوم من التعاقد ، السيراتو كان ١٥٦٠٠٠ و استلام فوري

انا شخصيا شايف ان السيراتو كانت افضل من الكورلا بشكل ملحوظ و لا ندخل سعر العربيتين رأي السيراتو تكسب
انا مش مع الناس و لهم كل التقدير و الاحترام الي بتحكم على العربيه من بلد النشأ ... انا لما اشتري العربيه هشتري امكانيات و اداء مش هشتري اسم البلد المصنع و انا في اعتقادي الشخصي ان لو هنقسها كدا يبقى الفيات عربيه
ملهاش حل عشان عربيه ايطالي زاي الفيراري !!!

مع كامل احترامي و تقديري لكل الناس بمختلف طرق تفكرهم
و لو حد عندو اي سؤال يتفضل

استغفر الله العظيم و الحمد و الشكر لك ربي

مقارنة جت فى وقتها شكرا ليك ,,,بس لو السيراتو فئة الsx وكيل جنط 17 حتبقى احسن من الكورولا ياريت تفيدنى علشان هى فى دماغى قوى وداخل على شرائها وفيها اوبشن الدنيا كلها وبينى وبينك مبقتش فارقة قوى بين اليبانى من الكولرى من الايطالى دة كان زمان وهو من اللى عمل كوريا اساسا وموجود فيها عربيات بتعدى المليون جنية ورهيبة شكلا وكماليات وامان والنت يوريك كل حاجة شكرا للمقارنة

**raedegypt** · 01-02-2014 08:08 AM

كلامه صحيح واحنا جربنا العربيات دة . سيراتو والنترا افضل من الكرولا 2014 ودة حقيقى

**spidars** · 01-02-2014 12:38 PM

المشاركة الأصلية كتبت بواسطة shifoo68

مقارنة جت فى وقتها شكرا ليك ,,,بس لو السيراتو فئة الsx وكيل جنط 17 حتبقى احسن من الكورولا ياريت تفيدنى علشان هى فى دماغى قوى وداخل على شرائها وفيها اوبشن الدنيا كلها وبينى وبينك مبقتش فارقة قوى بين اليبانى من الكولرى من الايطالى دة كان زمان وهو من اللى عمل كوريا اساسا وموجود فيها عربيات بتعدى المليون جنية ورهيبة شكلا وكماليات وامان والنت يوريك كل حاجة شكرا للمقارنة

انا معا السيراتو الجديده فئه sx وكيل جنط 17 لو عاوز اي حاجه او اي استفسا انا موجود

**esam_ayad** · 01-02-2014 01:29 PM

المشاركة الأصلية كتبت بواسطة 2code

ههههههههههههههههههه

قوله اسيادك في bmw بيعملوا test drive للعربيات !!!!!!!! باين عليه جاهل وشكله جديد في العربيات !!!!!!!

ناقص كمان يتكلم عن bmw مع احسن واتخن عربية ياباني عنده هتمسح بيها الاسفلت وراها علشان انا لو منك كنت اديله بأي حاجة قدامي في وشه على طول هههههههههههه

ده شخص جاهل يا استاذ عصام

ياباشا عندك حق.
ماهو لما قالي الكلام ده فقلت أختبره وبقوله الكورولا اللي هنا هي نفس اللي بتنزل ي مصر؟؟؟
تخيل قالي أيوه!!!!!
قولتله علي فكره العربيه اللي في مصر تقفيل تركي وأنضف من التقفيل بتاع هنا.
فرد وقالي لا ياباشا التقفيل التايواني أنضف بكتير علشان مواصفات الخليج.
فرديت عليه وقولتله انت عارف العربيه في مصر مواصفاتها ايه؟؟؟؟ وفضلت أحكيله عن العربيه
والإختلافات بينها وبين الخليجي والراجل إنذهل وقالي كل ده فيها؟؟؟وقام قايل بس الخليجي أنضف.فقفلت الكلام معاه لأني عرفت انهم مش عارفين حاجه ومهتمين أكتر بالكورولا الـ2000 سي سي لأنها بتبيع أكتر علشان الكويتيين بيتشروها كتييير والمصريين الغلابه هما اللي بيشتروا الـ1600 سي سي ومايعرفوش عنها حاجه في مصر.
بس لما رحت كيا الراجل فصصهالي حته حته ووداني بنفسه عند مسئول تجربة السيارات وخلاني أطلع أجربها بدون مندوب من الشركه.
والحمد لله بعد تجربة السيراتو تلات مرات علي الحفر والشوارع المكسره مره والمطبات العاليه اللي الكورولا بتاعي حكت فيهم مره وعلي الطريق السريع مره حجزتها والمفروض أستلمها الأسبوع الجاي ان شاء الله.

**monamize4** · 01-02-2014 03:20 PM

السيراتو منافس قوى جدا ف الفئة دى

و لو كان فيها esp ,, كانت سعتها مش هيبقى فى منافسه اساسا

**spidars** · 01-02-2014 05:31 PM

الا حد معاه السيراتو القديمه الي فيها بدالات في الدركسيون يشوف المضوع ده موجود في القديمه ولا لا لما تكون علي d وماشي وتنقل بالبدالات بتنقل عادي منفير ما تنقلها علي الاستيب ترونك لان في الجديده وانا علي d بنقل بابدالات عادي بس بعد 10 ثواني لو مستخدمتهاش ترجع تاني علي d يبقي لزمه الاستيب ترونك دلوقتي انه ميرجعش للاتومتك تاني ولا ايه