تجربة كيا سيراتو الجديدة و كرولا ٢٠١٤

**Dr.saad** · 31-01-2014 05:12 AM

بسم الله الرحمن الرحيم
بما ان العربيتين نفس الفئه كان نفسي اجرب الاتنين عشان اعرف اقارن و النهارده فعلا جدبت الاتنين
هحكي على تجربتي مع العربيتين بس انا طالب من الناس الي تعود تقول دي ياباني و ده كوري مع كامل احترامي ليهم
انهم يشوفو اداء العربيتين بغض النظر عن بلد التصنيع
اولا الكورولا كانت اول فئه في الاوتوماتك و كانت ماشيه ٥٠٠٠ كيلو
السيراتو ٢٠١٤ خليجي اتوماتك و فتحه و مثبت سرعه و جنوط ١٦ ماشيه ٧٠٠٠ كيلو
بدأت بالكورولا العربيه عموما كويسه الخمات الداخليه جيدة و الوسع الداخلي جيد جدا
اداء العربيه كان متوسط في وجهة نظري و اكتر حاجه لاحظتها ان العفشه ناشفه جدا و اي حفره حتى لو كانت صغيره
بتحس بيها و العزل الداخلي غير متقن و صوت الموتور عالي جوه العربيه بالنسبه للسحب متوسط جدا و ثبات العربيه
جيد ...

تجربة السيراتو
اولا الخامات الداخلية جيدة جدا و شكل الداخلي افضل من الكورولا من وجهة نظري
مع تجربة العربيه على الطريق اكتر حاجه شدتني ثبتها يعني ١٦٠ و العربيه ثابته جدا
و التسارع ممتاز و العزل الداخلي فعلن محترم و صوت الموتور داخل العربيه هادي جدا
العربيه ناعمه جدا و العفشه افضل و اريح من الكورولا بكتيييير جدا
بجد العربيه فعلا محترمه و اعتماديه

و لما سألت اصحابالعربيتين عن اسعار قطع الغيار لقييت فرق كبيير و قطع غيار الكورلا اغلى بكتيير من السيراتو
سعر الكورولا كان ١٧٥٠٠٠ و التسليم كان بعد ٤٥ يوم من التعاقد ، السيراتو كان ١٥٦٠٠٠ و استلام فوري

انا شخصيا شايف ان السيراتو كانت افضل من الكورلا بشكل ملحوظ و لا ندخل سعر العربيتين رأي السيراتو تكسب
انا مش مع الناس و لهم كل التقدير و الاحترام الي بتحكم على العربيه من بلد النشأ ... انا لما اشتري العربيه هشتري امكانيات و اداء مش هشتري اسم البلد المصنع و انا في اعتقادي الشخصي ان لو هنقسها كدا يبقى الفيات عربيه
ملهاش حل عشان عربيه ايطالي زاي الفيراري !!!

مع كامل احترامي و تقديري لكل الناس بمختلف طرق تفكرهم
و لو حد عندو اي سؤال يتفضل

استغفر الله العظيم و الحمد و الشكر لك ربي

**EngAhmedSakr** · 31-01-2014 06:18 AM

شكرا لنقل التجربه الجميلة
التعصب لماركات عربيات بعينها بعيد عن التجربه الواقعيه شئ سئ .. وربنا قال لكل مجتهد نصيب
المتعصبين لماركات السيارات الأعرق .. زي شعبنا الجميل وهو متعصب لفكره حضاره 7 الاف سنه
كله كلام هري وما يأكلش عيش :)

اشكرك مره اخري

**devil_storm** · 31-01-2014 08:24 AM

انا برده جربت الاتنين سيراتو ٢٠١٤ و كرولا ٢٠١٤ و عجبتني السيراتو اكتر بس انا جربت الكرولا الخليجي اللي هي تايواني مش تركي ... السيراتو الجديده عربيه رائعه بصراحه و مشكور علي نقل التجربه

**شادى عبدالمنعم** · 31-01-2014 10:52 AM

العضو المحترم ........
جهد مشكور فى نقل تجربتك وواضح من تجربتك انك ميال للسيراتو ..شئ جميل ؛ رأى الكوروﻻ تكسب وبفارق كبير فى كل شئ ثبات وعفشه وموتور وخامات
تحياتى لك

**jackson_75** · 31-01-2014 11:28 AM

مشكوووووووووووووووور على نقل التجربة

**spidars** · 31-01-2014 02:47 PM

المشاركة الأصلية كتبت بواسطة shady_sh.t

العضو المحترم ........
جهد مشكور فى نقل تجربتك وواضح من تجربتك انك ميال للسيراتو ..شئ جميل ؛ رأى الكوروﻻ تكسب وبفارق كبير فى كل شئ ثبات وعفشه وموتور وخامات
تحياتى لك

جربها وانتا تعرف الفرق بلاش كلام ولا تحكم علي الاشياء دون تجربه

**J A G U A R** · 31-01-2014 03:39 PM

يا باشا خلاص اليابانى كانت موضه وبطلت خلاص التفوق دلوقتى للكورى مفيهاش كلام .. هو الاسم عربيه يابانى وخلاص .
مشكور لنقل التجربه ..

**شادى عبدالمنعم** · 31-01-2014 03:45 PM

المشاركة الأصلية كتبت بواسطة j a g u a r

يا باشا خلاص اليابانى كانت موضه وبطلت خلاص التفوق دلوقتى للكورى مفيهاش كلام .. هو الاسم عربيه يابانى وخلاص .
مشكور لنقل التجربه ..

هههههههههه عزيزى انت دائما مصدر سعادتى
تحياتى لك

**J A G U A R** · 31-01-2014 04:29 PM

المشاركة الأصلية كتبت بواسطة shady_sh.t

هههههههههه عزيزى انت دائما مصدر سعادتى
تحياتى لك

حبيبى يا باشا

الموضوع: تجربة كيا سيراتو الجديدة و كرولا ٢٠١٤

LinkBack

أدوات الموضوع

عرض

-

-

-

-

المواضيع المتشابهه

النترا ٢٠١٤ و لا سيراتو ٢٠١٤

النترا ٢٠١٤ و لا سيراتو ٢٠١٤

كرولا 1300 مو 2003 ولا سيراتو الجديدة ولا ميجان

كرولا 1300 مو 2003 ولا سيراتو الجديدة ولا ميجان

كرولا 1300 مو 2003 ولا سيراتو الجديدة ولا ميجان

الكلمات الدلالية لهذا الموضوع

المفضلات

المفضلات

ضوابط المشاركة