الموضوع: صدق او لا تصدق التاريخ بيقول امتنا العربية لا تنتصر الا على ايد مسلمين غير اصول عربية

ملاحظة اخيرة...... موضوع الاعراق و النعرات العرقية ده تجاوزته البشرية بعد التجربة المريرة مع هتلر و فلسفة سمو الجنس الارى على غيره من الاجناس...... و نادر دلوقت تلاقى شعب واخداه العنطزة و بيتفاخر على باقى مخاليق ربنا بسبب النقاء العرقى او التفوق ...... لان الهجرة عبر الدول دلوقت خلت الشعوب كوكتيل و كله بيتجوز من كله ...... و ده طبعا بأستثناء اليهود لان دى عقدة نقص و اضطهاد متأصلة فيهم من الاف السنين...... هى مبقتش تفرق كتير انت كنت ايه او حققت ايه فى الماضى...... بقى اللى يفرق بين الشعوب هو انت قادر على تحقيق ايه...... و ربنا يصلج حالنا كأفراد فى سلوكياتنا عشان مجموع سلوك الشعب ينصلح و البلد دى تنهض عشان اسلوب معيشتنا كلنا يتحسن لان الموضوع فعل و رد فعل و سبب و نتيجة

المشاركة الأصلية كتبت بواسطة rotanamasoud

لا فهمنى انا محتار تقصد عنان

ﻷ الفزورة دى حقوق ملكيتها الفكرية عند mtak. . . بس عموما انا رأيى الحقيقى فى الموضوع كان فى تعليقى السابق عن مكانة النعرات العرقية عند الشعوب دلوقت. . . هو ده المهم. . . الماضى خلاص راح لحاله و حتى مقاييسه لا تنطبق علينا الان. . . و كل الابطال اللى ذكرهم صاحب الموضوع ( ما عدا الحديث منهم) كانوا فى عصر يعتمد على القوة العضلية للانسان اللى لو اتجمعت بتعمل قوة للجيوش اللى ممكن تحتل بلاد. . . لكن العصر ده راح و راحت ايامه. . . و ادينا فى عصر جديد بطله الحقيقى العلم. . . هاتلى بقى حد واحد من الامراء المليارديرات اللى مكدسين ثروات و لا اموال قارون. . . هاتلى واحد منهم اهتم يبنى صرح علمى او يأسس لصناعة حديثة فى بلده تتميز بيها بين الدول. . . و معندوش حجة. . . و متقوليش الدول الكبرى هتمنع لان المال ممكن يشترى السياسة و يلوى رقبتها لتحقيق اللى عايزه. . . ده ايران التعبانة نجحت رغم كل اللى عملوه فيها انها تملى ارادتها على كبرات العالم كله و نجحت فى تأسيس صناعة نووية. . . كل الحكاية الى عايز حاجة و يصمم عليها خاصة لو كانت عنده الامكانيات يبقى هيعملها. . . و القاعدة دى تنطبق على الدول و الشعوب نفس انطباقها على الافراد

المشاركة الأصلية كتبت بواسطة horeen

أنا أرشح الحاج أردوغان صاحب النون لإنتخابات الرئاسه فى مصر
وبعدين يقود الجيوش ويحرر البلدان العربيه والإسلاميه من العلمانيين والفلول أمثالنا
وبعدين يطلع على القدس يحررها وبعدين يا خد غرزه يمين على العراق ينضفها
ويدى مارشيدير وينزل على دول الخليج الفاجر بتوع البنزين والسولار يروقهم
ويقوم واخد مشوار فركه كعب على الإيرانيين الشيعه والمجوس يأدبهم
ويعين محمد مرسى والى على مصر وتميم وامه والى على الخليج ويقعد فى الأستانه يلم الجزيه من النصارى اللى ماليين أوربا
كفايه عليه كدا وكفى الله المؤمنين شر القتال

ههههههههههههههه انت مشكلة هلكتنى من الضحك
الكوميديا السودا بقى ان شكل صاحبنا مصدق نفسه فعلا. . . و مش بعيد كل اللى انت قلته ده يكون فعلا بيحلم يعمله تانى زى ايام زمان. . . عشان يعملوه السلطان اللى اخره نون الاول :-)