تقرير ظبط زوايا في بريدجستون ( برسونا 2012 )

**Ayman12345** · 31-01-2014 02:17 PM

السلام عليكم و رحمة الله

لاحظت حدفة في العربية لما بسيب الدركسيون و انا سايق , فكرت في الزوايا و الكاوتش .

و انا رايح للزوايا ظبط هوا الكاوتش الحدفة راحت تماما , بس قولت برضه نبص على الزوايا , رحت بريدجستون ( فيت اند فيكس ) الي في اكتوبر ,

مع ان الجهاز الي عندهم حديث الا اني ملقيتش غير برنامج برسونا 2005 ( هو كان فيه برسونا فى 2005 اصلا ) بس الفني قال لي كله زي بعضه

ضبط الجهاز و بعدين قال لي الزوايا عندك بايظة تماما و عايز عفشجي يعمل لك سحب للمقص الامامي يمين 2 سم ورا !!!!!

قلت له طيب هظبط العفشة و اجيلك , و بعدين عديت على بريدجستون المنيل , لقيت عندهم نفس الجهاز هو هو بالظبط , الفني قال لي انا معنديش غير برنامج برسونا 2005 , قلت له طيب في جين تو ؟ قال فيه جين تو 2010 , قلت له اشتغل عليه

ظبط الجهاز و بعدين قال لي الزويا عندك مفيهاش اي حاجة !!!

الخلاصة

- الكاوتش لو الهوا بتاعه مش مظبوط بيخلى العربية تحدف جامد
- لو هتظبط زوايا برسونا في بريدجستون اشتغل على برنامج جين تو 2010

:)

**Ahmed_Ramadan** · 31-01-2014 08:36 PM

أنا ليا تجربة سيئة مع بريدجستون صلاح سالم ...من الأخر هما عاوزين عربية زواياها مظبوطة علشان يظبطوها ...غير كده مش هيعمل حاجة و مش هيقولك العيب منين ....الخلاصة فيه مراكز أحسن علشان الفنيين اللى فيها دماغهم شغالة مش حافظين و مش ماشيين ورا الصيت و الإسم

**Ayman12345** · 31-01-2014 09:56 PM

المشاركة الأصلية كتبت بواسطة ahmed_ramadan

أنا ليا تجربة سيئة مع بريدجستون صلاح سالم ...من الأخر هما عاوزين عربية زواياها مظبوطة علشان يظبطوها ...غير كده مش هيعمل حاجة و مش هيقولك العيب منين ....الخلاصة فيه مراكز أحسن علشان الفنيين اللى فيها دماغهم شغالة مش حافظين و مش ماشيين ورا الصيت و الإسم

هو أنا اعتقد ان الي هيفرق في حاجة زي كدة هو دقة الجهاز الي بيقيس بيه
بس قولي ايه المراكز الي استريحت معاها ؟

**S O P H O S** · 05-02-2014 05:25 PM

بس كده بقالي كتير مش بروح اشيك علي حاجة

**a7mad_mo7amad6** · 06-02-2014 01:10 PM

كلامك حصل معايا بالظبط..
قلي العربيه مرحله وعاوزه زرجينة

**Motarjim** · 06-02-2014 10:03 PM

على الرغم من قرف عز العرب، إلا أنهم بيظبطوا زوايا كويس، وأكيد عندهم الجهاز بيدعم برسونا. ظبط الزاويا هناك بـ 140 جنيه!

**hugan** · 06-02-2014 10:12 PM

[QUOTE=Ahmed_Ramadan;3875403707]أنا ليا تجربة سيئة مع بريدجستون صلاح سالم ...من الأخر هما عاوزين عربية زواياها مظبوطة علشان يظبطوها ...غير كده مش هيعمل حاجة و مش هيقولك العيب منين ....الخلاصة فيه مراكز أحسن علشان الفنيين اللى فيها دماغهم شغالة مش حافظين و مش ماشيين ورا الصيت و الإسم[/Q

+11111111111
نفس الكلام علي كالتكس عباس العقاد