عرض للطباعة
يا جماعة أنا كنت بفكر أشتري نيو سيراتو , وكنت بفكر في أول فئة ودي من غير ABS.
أنا معايا Nissan SUNNY والفرامل فيها عالمية . وخايف تكون فراملها زي الانترا .. عشان أنا سقتها وكنت ماشي طول الطريق خايف عشان الفرق بينها وبين عربيتي النيسان كبير قوي في الفرامل.
منتظر اراكم ونصايحكم ..
انا معايا الكامله اعلي فئه فرامل غشيمه جدا مبعرفش اوقف العربيه براحه اللمسه بتكلبش العربيه ده غير ان العربيه 4 طنابير مش اثنين زي الصني عربيه مشاء الله مفيهاش غلطه
الفرامل جيده جداً فى العربيه الحمدلله
ربنا يبارك لحضرتك لو ركبتها, هايله
النيو سيراتو بصراحة حاجة تاني كيا تحسها طلعت القمر ونزلت تاني بعربية جديدة
فرامل جديدة عفشة جديدة tune جديد لنظام التعليق شكل جديد وفوانيس ليدات عدسات وكماليات كتير جداً وممتعة فعلاً من كراسي كهربا وحساسات وكاميرات وشاشة تاتش ونظام التحكم في عجلة القيادة يعني بجد ربنا يباركلك فيها
باشا فرامل النيسان صني تعبانه جدا جنب السيراتو سواء السيراتو القديمه او الجديده !!! انت بتقارن ايه بايه!!! و انهي النترا دي اللي فراملها اقل من النيسان!!! انا معايا النترا فولي لودد و فراملها افضل بمراحل من الصني
انا الصني كانت معايا سنتين كملين علي فكره
أنا سقت Elantra basic أول فئة كنت حاسس إني سايق Verna , ممكن تكون تكون العربية كان فيها حاجة مش تمام , بس خت انطباع مش حلو عن فراملها.
ده غير إني شفت في السيراتو فئات فيها 4 طنابير وفئات تانية 2 بس.
السلام عليكم
انا معايا اول فئه في السيراتو اللي هيا 2 طنابير والفرامل حلوة مقدرش اقلك ممتازه لاكن بالنسبالي قويه وبتسعفني الحمدلله اي استفسار انا تحت امرك
طول عمر فرامل السيراتو افضل من الصنى
Ex و ex fo فرامل ديسكات قدام فقط وجنط 16
Sx و sx sr و hl فرامل ديسكات قدام وورا وجنط 17
واعتقد ان احسن فئه فى السيراتو من ناحية الثبات و قوة الفرامل هيا من اول ال sx
وبرده انا نفسي السيراتو ينزلوها من اول فئه ديسكات قدام وورا زى الالنترا ويغيرو الجنوط سواء 16 او 17 وينزل جنط 16 في كل الفئات 205/55/16 وبنفس شكل الجنط ال17 هتفرق كتير بس التوكيل مبيفكرش
أنا شوفت فئة عند القرش فيها ديسكات ورا وقدام كانت 148,000
جنت 16 2 air باج ABS bluetooth , audio control
الفئات دي إيه نظامها ؟