جزاك الله كل خير على الأهتمام بالرد
عرض للطباعة
تحت امر حضرتك
حضرتك راجل محترم احنا بنفتقد الناس اللى بتقول عيوب الحاجة قبل مميازتها علشان ميخدعش حد
الباندا من موديل 2010 الى 2012 1300 سي سي انا معايا واحدة 2011
الى صاحب الموضوع اولا:- 1000 مبروك وربنا يباركلك فيها
بالنسبة لموضوع الحرارة ده انا مش فاهم انت ساكت عليه ازاي انا عندي بتزيد الايام دي شرطة واحدة وبتنزل ومجنناني وبحاول اوصل للمشكلة , صحصح انت بتحطلها زيت ايه
تقرير وافى جدا ..
ربنا يباركلك فيها ..
على فكرة كده العربية بتسخن انا عندي الطبيعي بتاعها في النص واللي مجنني انها ابتدت تعلى الشرطة دي وتنزل تااني طول ما انا ماشي
رجاء التثبيت للاستفادة
السلام عليكم
انا جيبت الباندينو من حوالي شهرين
كنت عايز أسأل هي العربية دي مفيهاش كيك داون؟:eek:.
شكرا لرد حضرتك السريع..بس حاولت معاها بكل الطرق وبرضه مفيش..غير ان صوت الموتور عالي جداااا بره العربية..مع انها لسه عاملة 2000 كيلو تقريبا..مش عارف الموضوع محتاج اوديها مركز صيانة ولا ده العادي بتاعها..
الحرارة بيبقي فاضل من ٣ الي ٤ شرط عالاخر..لما عملت صيانة الالف قالولي ده طبيعي..
الفكرة ان صوتها بقي عالي اكتر مالاول كمان بكتير.. بفكر احجز عند مركز الصيانة اللي في جوزيف تيتو ومش عارف هيفيدوني فالموضوع ولا لازم اروح ابو رواش..
شكرا لردك..الفكرة اني مسافر والانطباعات دي كلها باخدها من المدام برضه..وطبعا محدش ينفع يعتمد عالستات في حاجة تخص العربية :)
عموما هحاول اوديها ابو رواش ولو في جديد هبقي اكتبه هنا..
متاااااابع ... وبالذات موضوع السخونيه ده ياجماعه عشان سمعت إنها بتسخن فعلا ..
انا ان شاء الله هشتري اكس باندينو و عايزة اعرف هل في عيوب جديدة ظهرت للي اشتراها و ايه هيا و انا معنديش اوبشنز غير اكس باندينو او شنجان اوتوماتيك جديد بالقسط فمش هينفع بديل لان اخري عربيه ب 83 الف قسط ف اجيب ايه و ايه عيوب الاكس باندينو بالظبط و الصيانه و قطع الغيار توافرها و سعرها ايه النظام..بليز ردوا عليا احسن همشي في الاجراءات
متاااااااابع
Mido شكرا علي ردك بس ممكن توضحلي موضوع السخونة دي يعني ايه بالظبط..؟ وايه اخبار الصيانه و قطع الغيار ؟
متاااااااابع ومهتم عشان عايزه اشترى اكس باندينو حد يعرف بكام دلوقتي
أرجو الإفاده عن موضوع السخونه ده ؟؟؟
أستاذ ميدو في إنتظار ردك لو سمحت .. تقييمك لأداء التكييف ف الحر ده + موضوع السخونه ده ضروري جدا لو سمحت .
السخونة لحد دلوقتى مش عاملة مشكلة و التوكيل قالى هى طبيعتها كده متخافش
التكييف فى الجو العادى كويس فى الحر الشديد عادى يعنى ولا وحش ولا كويس
العربية لحد دلوقت عاملة 3000 كم بس صراحة منصحش بيها قوى
1- طفت مرتين لوحدها و غالبا مشكلة tps
2- صوت الموتور كان عالى و تحس انها كانت بتتأخر فى النقلات
3- الحرارة وان كنت مشوفتش منها مشاكل
4- سعات كانت بتقفش على ال p ومش بتنقل و لازم ادوس عالزرار اللى جنب الفتيس بس محصلتش كتير
اول نقطتين التوكيل عملهم و ماشية كويس بس لسه هجرب شوية النقطتين التانيين التوكيل قالى مش شايف عيب لازم الموضوع يحصل قدامنا عشان نشوفه
انا اتفرجت على الباندينو والبيكانتو اوتوماتيك من اسبوعين الحقيقة البيكانتو عجبتنى اكثر خصوصا ان الدهان والتقفيل والصالون انضف بكتير بس اغلى 20000 جنية من الباندينو
هى البيكانتو تستاهل فرق السعر وهل فى حاجة بين الاتنين تكون احسن خصوصا ان التقسيط على 5 سنوات ف انا محتاج عربية ماتفتحش بقها معايا
اعتقد إن الباندينو لو مانيوال مش هيبقى فيها المشاكل اللي ذكرها الأستاذ ميدو دي .... ولا أيه ؟
انا احترت
ناس كتير مستخدمينها بيشكروا فيها
ودى أول عربية زيرو هجيبها قسط وهجيب ان شاء الله الفول أوبشن اتوماتيك
هل تستحمل 5 سنين واكتر ولا هترخم عليا
العربية مسمعتش عنها مشاكل الايمجراند صراحة
انا كل اللى قالقنى طبعاً ان فلوسى تضيع عالفاضى خصوصاً ان عايزة تقسيط معقول فالشهر
شكرا اخ ميدو ولجميع الاخوه على التفاعل والتواصل الجميل والمفيد دا
انا استلمت الباندينو تقريبا من ساعات قليله
ياريت من اهل الخبره يشرحلونا كل شئ بخصوص العربيه
السخونه والمعدل الطبيعى لعداد الحراره
طريقه تبريد الماتور مياه او زيت تبريد ؟؟ وفين بالظبط قربه المياه ؟ ياربت بالصور لو امكن
لمبه التشيك منوره وعداد السرعه مش شغال اتصلت بيهم ف مركز الخدمه قالولى عادى ف اول زياره هنحل المشكله دى
عادى امشى بالعربيه ولا اعمل ايه ؟؟
وتحياتى للجميع
يا ريت نعرف اخبار العربيه بعد سنه عامله معاك ايه؟؟؟؟