عرض للطباعة
طبعا أنا شاب في بداية حياتي
معروض عليا شاهين Sl 1400 موديل 2001 (صاحب العربية نازلة من المصنع بتكييف) العربية في حالة جيدة بس لاحظت عليها شوية حاجات عايزة من حضراتكم شوية توضيح
1- ايه الفرق بين S و Sl
2- لاحظت إن الموتور بتاعها مكتوب عليه فيات لانشيا و محفور فيه T فإيه نظام الموتور دا
3-التكييف الي نازل مع العربية الشاهين غالبا يبقى ماركته ايه و صناعته فين؟
العربية عاملة 67 ألف كيلو و بسعر 35000 جنيه
فهل هي تستحق السعر دا و لا ايه
فيا ريت أتشرف بأرائكم
ايه يا جماعة هو للدرجة دي المنتدى مش قابلني دا تاني موضوع أكتبوا و محدش يرد عليا
عمري ما سمعت عن شاهيين 1400 نازله بتكييف
بس عموما لو العربيه فابريقه من الداخل وحاله الماتور ممتاز يبقي السعر كويس
أيوة و الله و كمان الراجل كان شاريها ب 48 ألف سنة 2002 .(هو الراجل جاري الصراحة)اقتباس:
المشاركة الأصلية كتبت بواسطة shanodaa
يعني انت كشفت علي العربيه كويس وعلي حاله الماتور
اتكل علي الله واشتري ومبروك مقدما
وانتطر اراء الزملاء في قسم الفيات
شكرا على ردك و أنا فعلا مستني أراء و ردود الزملاء في قسم الفيات
و كان في استفسار في سواقتها هي الشاهين عموما بتجييب من 0 إلى 100 في أد ايه؟
السعر مش مطمني، اقل كتير من سعر السوق!!
اكشف على العربية كويس الاول عند حد بعيد
عن سكنك.....
سؤال هل ماتور الشاهين بيتكتب عليه فيات لانشيا؟؟؟انا كنت بشوف مكتوب عليه tofas
شوف يا سيدي بال نسبة للفرق بين sوsl التكييف والبور في الs والتكييف نوعه تركي لان العربية انتاج شركة توفاس(tofas)التركيةالتي تصنعfiat في تركيا لذا تالقي محفور حرف Tعلي الموتور والموتور موتوررررررررررر العربية فيات تمبرا وليس لا نشيا وأنا كان عندي سيارة شاهين مو2004 بدون تكييف وبور وماشيه 30ألف كم وبعتها من 6شهور ب48000جم فقيس سعرها علي ذلكاقتباس:
طبعا أنا شاب في بداية حياتي
معروض عليا شاهين Sl 1400 موديل 2001 (صاحب العربية نازلة من المصنع بتكييف) العربية في حالة جيدة بس لاحظت عليها شوية حاجات عايزة من حضراتكم شوية توضيح
1- ايه الفرق بين S و Sl
2- لاحظت إن الموتور بتاعها مكتوب عليه فيات لانشيا و محفور فيه T فإيه نظام الموتور دا
3-التكييف الي نازل مع العربية الشاهين غالبا يبقى ماركته ايه و صناعته فين؟
العربية عاملة 67 ألف كيلو و بسعر 35000 جنيه
فهل هي تستحق السعر دا و لا ايه
فيا ريت أتشرف بأرائكم
لأ أنا متأكد إن مكتوب عليها فيات لانشيا و شفتها بعنيا :eek: بس مش عارف هي فيات لانشيا دي ايه نظامهااقتباس:
المشاركة الأصلية كتبت بواسطة waleedrahmy
السلام عليكم : أنا عندي شاهين 1400 موديل سنة 2000 والعربية كانت نازلة بتكييف من المصنع
وعلى فكرة الكباس بتاع التكييف ساندن ياباني في الموديل بتاعي معرفش بعد كده حصل ايه المشكلة إن شركة النصر أسترخصت في الوحدة الداخلية بالصالون وهي (الكويل) لأنه صغير مش مناسب لحجم الصالون ومروحته ضعيفة نسبياً والقطعة دي أنا غيرتها بـ 1200 جنيه ضبط لي جو العربية الحمد لله..
ولكن اللي ممكن أقوله أن شركة النصر على مر السنين بتغير في مواصفات قطع السيارة حسب مزاجها حسب سنة الصنع ...
وعلى فكرة موتور لانشيا ده ممتاز هو نفس موتور التمبرا
لكن السعر ده متهيألي قليل إلا إذا كان الراجل عايز يكرمك
أول حاجة أشكرك على المعلومات المفيدة دي عشان أنا إشتريتها خلاص و اتضح إن العربية بالسعر دا لأن العربية إتقلبت مرتين قبل كدة بس رغم كدة الصراحة هي العربية مريحاني جدا و مش ملاحظ حاجة غلط فيها الحمدلله و مفيش حد ركبها غير يقولي دي من أنضف الشاهين الي ركبتها . بس أنا كنت عايز أعرف الكباس بتاعي في أي حتة بالظبط عشان أشوف ماركته. و في حاجة إزاي أقيس ثبات العربية في السرعات العالية(يعني أعرف إزاي إذا كانت العربية ثابتة على الأرض ولا لأ) و أنا أسف الصراحة عشان أنا تقلت على المنتدى الرائع دا.اقتباس:
المشاركة الأصلية كتبت بواسطة didooo1
اتقلبت مرتين قبل كده !!!
يعنى راشة بره وجوه
ولا ايه ؟
اتقلبت مرتين ؟؟ و اشتريتها ؟؟:angelsad2:اقتباس:
المشاركة الأصلية كتبت بواسطة Theredbaron
هى رشت ايه بقا قولنا ؟؟
بتعرف ثبات العربية لما تجرى بيها جامد و تحاول تعمل غرز يعنى اطلع الطريق و اجرى بيها مثلا 140 و غرز و شوف هتبقى متحكم فيها زى ما تكون ماشى على 100 ولا بتحس انها بتطير منك بس اكيد اكيد ثباتها مش حلو خالص + مقلوبة مرتين
على فكرة ما تقلقش من حوار انها اتقلبت دةاقتباس:
المشاركة الأصلية كتبت بواسطة Rsarabia
لان العربية لما بتتقلب الصاج الخارجي بس بيحتاج يتعدل و زرجينة حاجات بسيطة يعني لكن مش بتأثر نهائيا على العفشة بتاعتها الا اذا كان دخلت في حاجة
انا معايا 128 ممتازة اتقلبت بيها بسبب ان الفرامل بتحدف
المهم ان العربية الحمد لله بعد ما عملت السمكرة للسقف و الكبوت
العفشة زي ما هي و كل حاجة زي ما هي
العربية لما بتعمل حادثة تصادم بتتأذي اكتر من انها تتقلب
بس الناس تسمع كلمة العربية اتقلبت :eek: :eek: يتخضوا على طول
بس أسأل بردة هي اتقلبت ازاي و كان ايه السبب
و الف مبروك على العربية و ربنا يوفقك
الكباس تقدر تشوفه لو أنت فاتح الكبوت وواقف بجانب شباك السواق هتلاقيه بالأسفل على شمالك بالقرب من ترموستات الريداتير وهو موصول بسير التكييف مع مجموعة الطنابير اللي بمقدمة الموتوراقتباس:
المشاركة الأصلية كتبت بواسطة Theredbaron