عرض للطباعة
كنت عايز اعرف اسعار المصنعية او التكلفة الكلية لتاسيس الكهرباء والسباكة لشقة 125 متر
المكان الحى الرابع 6 اكتوبر
الكهرباء
تاسيس دائرة تلفون ودش وانترنت وبيت نور فى الريسيبشن
وتكيف وغسالتين وميكرويف
السباكة
مطبخ و 2 حمام
المواسير بى ار او الشريف
يا ريت حد يفدنى او يدلنى على صنيعى كويس
بضاعة السباكة تأسيس في حدود ١٦٠٠ جنيةاقتباس:
المشاركة الأصلية كتبت بواسطة omarkhaled55
والمصنعيات حوالي ٢٠٠٠ جنية
الكهرباء العلب وال خراطيم حوالي ١٠٠٠
والسللك حوالي ٢٨٠٠
المصنعيات. النقطة كاملة ب ١٥ جنية
اي سؤال تحت امرك
يعنى التكلفة الكاملة لمصنعية الكهرباء كام و مش كتير 2800 سلك ؟؟اقتباس:
المشاركة الأصلية كتبت بواسطة mostafa3000
2000 مصنعية كتير
سباكة هتبقى 1600
كهربا زيهم او ازيد شوية
البضاعة اقل من اللى كتبه استاذ مصطفى
علي فكرة دي اسعار بولي اكو أثيرم وبلاستيك الشريفاقتباس:
المشاركة الأصلية كتبت بواسطة omarkhaled55
ولفات خراطيم الكهرباء علاء الدين والاسلاك ٢ مم للإضاءة و٣ مم للبرايز و٤ مم لبرايز الساخن والغسالات و٦ مم للتكييفات
ونوعها أسلاك السويدي للكابلات
وانصحك بعدم التوفير في بضاعة التاسيس
لو عايز توفر وفر في اللقم او وحدات الاضاءة
والخلاطات والاطقم لأنك ممكن تغييرها بسهولة
والعيب فيها ممكن الصراحة بسهولة
عكس الاشياء المدفونة
أنا لو بشطب فيلا في مدينتي او شقة صغيرة لا أتنازل أبدا عن البضاعة المعتمدة في التشطيب
اقتباس:
المشاركة الأصلية كتبت بواسطة mostafa3000
الكلام ده تمام جدا
موضوع التكييف لو 3 حصان او اقل يبقا السلك يمشي 4 عادي جدا
مواسير المياه ممكن تكون باننجر كويسه جدا و سعرها هايل
و الشركه بتيجي تستلم و تديك شهادة ضمان 10 سنوات
[overline]شوية نصائح[/overline][overline][/overline]
خلي السباك و الكهربائي يعملو كل التكسير في الحمامين و المطبخ الاول و بعد كده دخل العزل
بتاع العزل هيعمل لياسه و رقبة زجاجه و طبقة دهان بتوامين و بعد كده هيعزل
نوع العزل انسومات و يفضل يبقا 4 مم و لو 3 مم مافيش مشكلة
بعد العزل و اختبار لتاكد انه مافيش تسريب مية هيعمل طبقة لياسه اسمنتية علي العزل علشان يحافظ عليه
بعد كده هيشتغل السباك و الكهربائي في التاسيس
هتعمل مية و صرف للقاعده و الحوض و لو فيه بانيو او جاكوزي و هيعمل بيبه صرف
ده كل حمام
و الكهربائي هيعمل لينة اناره في السقف و كمان لو هتعمل اباليلك فوق الحوض
و لو جاكوزي هيجهزة بمخرج كهرباء
ممكن تعمل شفاط في كل حمام منفصل و ممكن تعمله علي مفتاح النور
سخان مياه في كل حمام او لو قريب من المطبخ ممكن تاخد الحمام مع المطبخ بسخان واحد
لو هتعمل صندوق الطرد مدفون و القاعدة معلقه يبقا الكلام هيختلف في الاسعار و صندوق الطرد لازم يركب في التاسيس
لو حضرتك عايز اكملك تفاصيل تشطيب الشقه بنفس الوصف انا تحت امرك