الموضوع: ما هي أحسن سيارة في حدود 120 ألف؟

معلش ....بما اني من عشاق الاختراع ايلي اسمة كورولا.....فانا اؤيدها ...لكل من يستطيع اقتناءها ....

وربنا يوفقك ...

بالنسبة لى:

1- megane/ peugeout 307

2- octavia a4

3- corolla 1600 cc

4- ford focus

بس انت عاوز ايه من العربية؟

ده اللى هيحدد الترتيب

يعنى انا مرتب العربيات طبقا لرؤيتى أنا, اللى اكيد هتختلف من عضو لأخر

لكن لو انت ذكرت احتياجاتك من العربية, هيبقى فى اجماع على الترتيب

شكرا يا جماعة على ردودكم ... انا عايز العربية تكون عائلية أولا ... شبابية ثانيا ... يعني تكون صالون واسع ... موتورها قوي وتتحمل ... وطبعا شيك !!!!!

كورولا =لعب فى المضمون، يعيبها الأنتشار الشديد لحد فقدان التميز الى جانب ان ثباتها على الأرض فى السرعات العالية ليس بنفس تميز ثبات السيارات الأخرى من اختيارك

أوكتافيا=حاجة كدة من ريحة الحبايب بتوع فولكس فاجن، يطغى عليها تميز و اسلوب اداء فولكس، ذات مظهر وقور ووزن ثقيل وثبات رائع على الأرض ومحرك ممتاز وسحب ممتاز، مناسبة اكثر لكبار السن، يعيبها غلاء قطع الغيار وصعوبة مقارنة العلامة التجارية الموجودة عليها بالأسماء العالمية الأخرى من اختيارك

بيجو 307= شبابية ، رياضية، رائعة الأداء، تخطف الأبصار، يعيبها سمعة وكيل البيجو فى امتصاص دم عملائة من خلال قطع الغيار وصيانة

ميجان= اناقة وتميز ولمسة فرنسية لا تضاهى ، اداء رائع لسيارة اكثر من رائعة، عيبها ظهور الكثير من المشاكل الإلكترونية بالكثير من هذة السيارات

فورد فوكاس= سيارة حاصلة على الكثير من التقييمات الرائعة عالميا ، لكن تواجداه فى مصر لا يزال ضعيف ومستقبلها غير واضح

كما ترى انه لا توجد سيارة بلا عيوب (حتى لو كانت مرسيدس فلها عيب هو ان سعر فانوس امامى لها يكفى لشراء سيارة صغيرة) وعلى ذلك حدد خياراتك من واقع المميزات التى ترغبها فى سيارتها مع العيوب التى يمكنك تقبلها، يعنى مثلا فيه واحد ماتفرقش معاه الثبات عى الأرض بعد 130 ولا انتشار السيارة لكن يهمه سهولة الحصول على قطعة الغيار الجديدة بسعر مناسب وسعر اعادة بيع السيارة، هنا تكون الكورولا هى الحل، بينما شخص اخر جل همه هو نظرة الناس للسيارة فى الشارع فهنا تكو ال307 هى الإختيار الأول ، وهكذا