الموضوع: إيه أحسن سخان غاز؟!!

بالترتيب:
زانوسي
أوليمبيك
المصانع

المشاركة الأصلية كتبت بواسطة atala

بس يا تري التكنولوجيا بتاعت سخان المصانع الحربية ايه ينعي اشعال ذاتي ولا لا وانا عن نفسي بفضل سخان 6 لتر علشان مبيحتاجش ل مدخنة واعتقد اوليمبك ممتاز

اولا:---- الرجاء الاهتمام بتركيب ماسورة للعادم وفتحة اسفل السخان لتجديد الهواء(اعيد مهم جدا)
=====
لان اخى لم يفعل ذلك رغم نصيحتى له وقال ان الكتالوج بيقول انه ممكن يستخدمه بدون حاجة لماسورة طرد عادم وكاد ان يموت اختناقا واغمى عليه بداخل الحمام واتكشف اغماءه بالصدفة فى اخر لحظة وانكتب له عمر جديد وكان ماركة السخان يونفرسال او كيريازى اتوماتيك


ثانيا:--- افضل سخان هو( المصانع الحربية ) طراز س8 او س10وده به حساس لفصل السخان
=====
عندالدرجة العالية جدا لحرارة الماء و هو نفس مكونات س8


السخان تتوارثه الاجيال كما قال بعض الاخوة الافاضل بقاله عشرين سنة والحمد لله وهو طراز س8
مشاكله لاتذكر سوى تغيير كاوتشة او طبق ابرة التشغيل وتمنها لايذكرمن 3-5 جنيهكل كام سنة
الميزة انه يشتغل على اقل ضغط مياه
وكمان ممكن تحصل منه على مياه بتغلى بدون مبالغة
وهو المانى الاصل وتجميع مصرى
لاتشترى س7 لاختلاف شعلات الاحتراق البدائية وهى ليست بجودة س8 او س10وهو ده الاختلاف اللى بينهم لان الشكل الخارجى واحد لكل الطرازات
قطع غياه متوفرة ورخيصة ويعمل مع فتح الحنفية

مع تمنياتى بالتوفيق

المصانع و أنت مغمض و توكل على الله - ممتاز و شغال كويس جدا عن تجربه صحيح ما فيش تكنولوجيا فيه كتير و اوبشبنز - بس ترتاح من هم الصيانه الكتير و أى فنى ممكن يصلحه بسهوله و أقل تكلفه - أو الباناسونيك اليابانى - لو ليك حد فى الخارج يبعتهولك - أما باقى الأنواع المصريه - فأنت و حظك منها السييء جدا و ناس جابته و حظهم طلع كويس و منها أنواع بيقولوا عليها كويسه و ناس غيرهم اشترته و طلع عينيهم - المعنى أن ما فيش معايير ثابته للجوده فى معظم المنتجات المصريه ( أقصد شركات تصنيع الأجهزة المنزليه ) أو حسب شحنه القطع التى بداخل المنتج