-
صيانة لانوس وهزة بعدها
عملت صيانة للانوس
١- غيرت تيل امامي جي ام ب ١٧٠ جنيه
٢- فلتر بنزين وهواء جي ام ب ١٠٠ جنيه الاتنين و كبلات جي ام ب ١٨٠ جنيه
٣- بوجيهات جبت شامبيون اللي بتاعة منصور مكتوب عليها جي ام برضو لاني ملقتش خالص ngk بنفس رقم اللانوس في الاسكندرية ٨٠ جنيه
٤- علبة شكمان خلفية كانت مصدية من الداخل جامد وكان العمود الخلفي سايب خالص ٢٣٠ جنيه بالتركيب ابو اليزيد
٥- شديت السيور
٦- رجاش لفرامل ايد
الخلاصة بعد الصيانة
١- العربية السحب اتحسن بشكل ملحوظ جدا وصوت المتور قل برضو
٢-مشت تمام اوي ٢٥٠ كيلو كدا بعد كدا لقيت العربية بتتنتش علي التاني لازم انقل براحة خالص زي قبل اعمل الصيانة
٣- في رعشة خفيفة بتحصل لو واقف ومشغل التكيف علي السلانسيه لازم ازود شعرة بنزين علشان تضبط
٣- وانا طالع من الصفر بلاقي هزة والاربي ام بيقل عن ١ اكنها عايزة تبطل ولازم ازود سنة بنزين اكتر ما متعود
٤- كنت وانا معشق اي غيار زمان وشلت رجلي من البنزين يفضل الاربي ام يقل لح ١١٠٠ ار بي ام ويثبت كدا لغاط ما ازود او اممور ينزل . الان بينزل اقل من الواحد وتتهز برضو
-
اعمل ايدل ليرن للعربية ممكن يجيب نتيجة كويسة
-
شكرا لمرورك هعمل ايديل ليرن وهقولك النتيجة
-
عملت ايديل ليرن ونفس الكلام لا جديد
-
بيتهيئلي كدة انت محتاج نصيحة من عتاولة المنتدي
-
شكرا لاهتمامك جدا وفي انتظار رآي باقي الاعضاء
-
-
متابع معاك لان نفس اللى حصلك حصل مع واحد زميلى
-
بالنسبة لموضوع هزة العربية وانت واقف او انها ساعات تحس ان العربية حتبطل وساعتها بتزود بنزين:
1.شوف زيت الموتو ر مستواه كويس ولا ناقص
2.لو الزيت نقص يبقى ياما فىى تسريب او الموتور بيحرق كمية كبيرة من الزيت وغالبا بسبب الشنابر لو الزيت تمام شوف لمبة الزيت بتسرى "بترعش يعنى" ولا لا
3.لو اللمبة بتسرى "بترعش يعنى" يبقى ياما طرمبة الزيت او السبايك
اللى انا بقولهولك ده تجربتى مع الانوس 1999 كان نفس المشكلة اللى عندك واتحلت بتغير سبايك وطرمبة زيت مع العلم انى عملت عمرة كاملة بلمرة لان الموتور كان بيموت اساسا وبيسرب زيت وحالته منيلة بنيلة
Content Relevant URLs by
vBSEO 3.6.0 PL2